yubileyi – Yeni Ekip Gazetesi https://yeniekipgazetesi.com Mon, 05 Jun 2023 11:48:36 +0000 tr hourly 1 https://yeniekipgazetesi.com/wp-content/uploads/2025/03/cropped-Yeni-Ekip-32x32.webp yubileyi – Yeni Ekip Gazetesi https://yeniekipgazetesi.com 32 32 İstanbulda Heydər Əliyevin 100 illik yubileyi qeyd olunub https://yeniekipgazetesi.com/istanbulda-heyd%c9%99r-%c9%99liyevin-100-illik-yubileyi-qeyd-olunub-h46131.html Mon, 05 Jun 2023 11:48:36 +0000 https://1453kralmedya.com/istanbulda-heyd%c9%99r-%c9%99liyevin-100-illik-yubileyi-qeyd-olunub-h46131.html

İstanbulda Heydər Əliyevin 100 illik yubileyi qeyd olunub
5 iyun, 2023

Resim
İstanbulda Heydər Əliyevin 100 illik yubileyi qeyd olunub

Türkiyənin İstanbul şəhərində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş “Xalqın adamı” adlı tədbir keçirilib.

Resim

Diasporla İş üzrə Dövlət Komitəsinin dəstəyi, Türkiyə-Azərbaycan Dərnəklər Federasiyası və İnsan Haqları, Təhsil, Kültür və Həmrəylik Dərnəyinin birgə təşkilatçılığı ilə baş tutan tədbirdə siyasi partiyaların, vətəndaş cəmiyyətinin nümayəndələri və soydaşlarımız iştirak ediblər.

Resim

Heydər Əliyevin və iki dövlətin azadlığı uğrunda canlarından keçmiş şəhidlərimizin xatirəsi bir dəqiqəlik sükutla yad edilib. Ardınca Türkiyə və Azərbaycanın Dövlət himnləri səsləndirilib.

Resim

Türkiyə-Azərbaycan Dərnəklər Federasiyasının sədri Ədalət Turanın qonaqları salamlamasından sonra Dövlət Komitəsinin hazırladığı “Heydər Əliyev və Azərbaycan diasporu” adlı sənədli film nümayiş etdirilib.

 

 

 

 

Komitə sədrinin birinci müavini Valeh Hacıyev çıxışında ölkəmizin və türk dünyasının qüdrətli liderlərindən biri olan Heydər Əliyevin həyat və fəaliyyəti barədə danışıb. Dahi şəxsiyyətin “bir millət, iki dövlət” adlandırdığı Türkiyə-Azərbaycan dostluq və qardaşlığından söz açıb. Qardaş ölkədə prezident seçkilərinin ikinci turunun xalqımıza çox əziz olan tarixi günə, 28 May – Müstəqillik Gününə təsadüf etdiyini xatırladıb. Seçkinin nəticəsinin Türkiyədə olduğu kimi, Azərbaycanda da böyük sevinc və coşğu ilə qarşılandığını, dövlətlərimiz arasında siyasi və iqtisadi birliyin daha da güclənəcəyinə əmin olduğunu vurğulayıb.

İnsan Haqları, Təhsil, Kültür və Həmrəylik Dərnəyinin sədri Məhşəti Şərif Özyürek kütləvi informasiya vasitələrinə həssas münasibəti ilə fərqlənən, jurnalistlərin əməyini daim yüksək qiymətləndirən, sağlığında “Jurnalistlərin dostu” mükafatını qazanmış Heydər Əliyevlə bağlı xatirələrini bölüşüb.

Tədbirdə çıxış edən Vətən Partiyasının sədri Dr. Doğu Perinçek, Ədalət və İnkişaf Partiyasının üzvü, 2011-2018-ci illərdə Türkiyə Böyük Millət Məclisinin üzvü Metin Külünk yeni dünya düzənində ölkələrimizin yerindən və rolundan danışıblar, Türkiyə Cümhuriyyətinin qurucusu Müstafa Kamal Atatürkün və Heydər Əliyevin mübarizə həyatının bənzərliyinə diqqəti cəlb ediblər.

“Türk dünyasının yeni dünya düzənində önəmli amil olacağına inanırıq. Cünki Heydər Əliyevin liderliyi və dövlət siyasətindəki uğurları sayəsində Can Azərbaycan qəhrəman ordusu ilə bərabər türk dünyasına örnəkdir”, – deyə Doğu Perincek söyləyib.

 

 

 

“Türkün var olduğu yerdə ədalətsizlik olmaz”, – deyə Metin Külünk ölkələrimizin birlikdə yeni dünya düzəninə yön verməsinin bütün bəşəriyyət üçün önəmli olduğunu vurğulayıb.

Eskişəhər Azərbaycanlılar Dərnəyinin üzvü, “Üç cizgi” jurnalının əməkdaşı Gülgün Abbasbəyli “Dayanıqlı liderlik çərçivəsində Heydər Əliyevin Azərbaycan gəncləri siyasəti” mövzusunda təqdimatla çıxış edib.

Tədbir müğənni Elgün Quliyevin ifasında Heydər Əliyevin sevdiyi Azərbaycan mahnılarından ibarət konsert proqramı ilə yekunlaşıb.

Tədbir çərçivəsində Heydər Əliyevin həyat və fəaliyyətinə həsr olunmuş fotosərgi nümayiş etdirilib.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/istanbulda-heyder-eliyevin-100-illik-yubileyi-qeyd-olunub-3054

 

 

]]> Estoniya paytaxtında Müstəqillik Günü və Heydər Əliyevin yubileyi qeyd edilib https://yeniekipgazetesi.com/estoniya-paytaxtinda-must%c9%99qillik-gunu-v%c9%99-heyd%c9%99r-%c9%99liyevin-yubileyi-qeyd-edilib-h45991.html Fri, 02 Jun 2023 08:31:44 +0000 https://1453kralmedya.com/estoniya-paytaxtinda-must%c9%99qillik-gunu-v%c9%99-heyd%c9%99r-%c9%99liyevin-yubileyi-qeyd-edilib-h45991.html

 

 

 

Estoniya paytaxtında Müstəqillik Günü və Heydər Əliyevin yubileyi qeyd edilib
, 2023
Estoniya paytaxtında Müstəqillik Günü və Heydər Əliyevin yubileyi qeyd edilib
Tallin şəhərində 28 May – Müstəqillik Gününə və müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş konsert keçirilib.

 

 

 

“Aydan” Estoniya-Azərbaycan Mədəniyyət Mərkəzinin təşkilatçılığı ilə məşhur Kadriorq İncəsənət Muzeyinin konsert salonunda baş tutan tədbirdə Azərbaycanın Estoniyadakı səfiri Anar Məhərrəmov, Diasporla İş üzrə Dövlət Komitəsinin, Estoniya parlamentinin, Mədəniyyət Nazirliyinin, diplomatik korpusun, Tallinn şəhər rəhbərliyinin, milli azlıqların nümayəndələri və KİV təmsilçiləri iştirak ediblər.

Konsert öncəsi çıxış edən “Aydan” Estoniya-Azərbaycan Mədəniyyət Mərkəzinin rəhbəri Niyazi Hacıyev və Diasporla İş üzrə Dövlət Komitəsinin şöbə müdiri Leyla Həmzəyeva hər iki mühüm tarixi hadisə münasibətilə soydaşlarımızı təbrik ediblər.

 

 

 

Konsert proqramını Avstriyada yaşayan azərbaycanlı bəstəkar, dirijor, beynəlxalq müsabiqələr laureatı, Vyana Musiqi və Səhnə Sənətləri Universitetinin dirijorluq fakültəsinin məzunu Abuzər Manafzadə, vokal ifaçıları Karen Danger-Manafzadə, Leyla Rəhimova, Dərya Hüseynova, Narva simfonik orkestrinin ifaçısı Tatyana Qasımova, Bakı Xoreoqrafiya Akademiyası Təhsil Kompleksinin tam orta məktəbinin məzunu, respublika və beynəlxalq müsabiqələr laureatı Şirin Əmiraslanova təqdim ediblər.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/estoniya-paytaxtinda-musteqillik-gunu-ve-heyder-eliyevin-yubileyi-qeyd-edilib-3048

 

 

]]> Sankt-Peterburqda “Çinar” rəqs ansamblının 25 illik yubileyi qeyd edilib https://yeniekipgazetesi.com/sankt-peterburqda-cinar-r%c9%99qs-ansamblinin-25-illik-yubileyi-qeyd-edilib-h42789.html Mon, 03 Apr 2023 17:15:13 +0000 https://1453kralmedya.com/sankt-peterburqda-cinar-r%c9%99qs-ansamblinin-25-illik-yubileyi-qeyd-edilib-h42789.html

 

 

 

 

Sankt-Peterburqda “Çinar” rəqs ansamblının 25 illik yubileyi qeyd edilib
, 2023
Sankt-Peterburqda “Çinar” rəqs ansamblının 25 illik yubileyi qeyd edilib
Rusiyanın Sankt-Peterburq şəhərində “Çinar” vokal-xoreoqrafik rəqs ansamblının 25 illik yubileyinə həsr olunmuş konsert kecirilib.

Tədbirdə Sankt-Peterburqda millətlərarası münasibətlər və miqrasiya siyasətinin həyata keçirilməsi üzrə komitənin nümayəndəsi Andrey Frolov, Azərbaycanın Sankt-Peterburqdakı Baş konsulluğunun humanitar məsələlər üzrə konsulu Rəhim Rəhimzadə, yerli hakimiyyət orqanlarının, Azərbaycan diasporunun nümayəndələri və müxtəlif icmaların mədəniyyət qurumlarının rəhbərləri iştirak ediblər.

 

 

 

 

Tədbirdə çıxış edən qonaqlar “Çinar” vokal-xoreoqrafik rəqs ansamblının bədii rəhbəri Xeyransa Mirzəyevanı və yaradıcı kollektivi yubiley münasibətilə təbrik ediblər. Ansamblın Sankt-Peterburqun mədəni müxtəlifliyinə böyük töhfələr verdiyini vurğulayan natiqlər “Çinar” ailəsinə davamlı uğurlar arzulayıblar.

Sonra “Çinar” ansamblının ifasında rəngarəng konsert proqramı təqdim olunub.

Yubiley konserti yerli kütləvi informasiya vasitələri və “Mir” telekanalı tərəfindən geniş işıqlandırılıb.

Tədbir çərçivəsində Azərbaycanın zəngin mədəniyyətini və adət-ənələrini əks etdirən sərgi təşkil edilib. Qonaqlara xalçatoxuma dəzgahında ilmələrin atılması, Novruz şirniyyatlarının bəzədilməsi qaydaları nümayiş etdirilib.

Qeyd edək ki, “Çinar” Mədəniyyət Mərkəzinin nəzdindəki eyniadlı vokal-xoreoqrafik rəqs ansamblı Sankt-Peterburq Dövlət Universitetinin baş muəllimi Xeyransa Mirzəyevanın təşəbbüsü və rəhbərliyi ilə yaradılıb. 1998-ci ildən fəaliyyətə başlayan ansambl təkcə Sankt-Peterbuqda deyil, Rusiyada və Rusiya hüdudlarından kənarda Azərbaycan musiqisinin və incəsənətinin fəal təbliğatçısı kimi tanınır.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/sankt-peterburqda-cinar-reqs-ansamblinin-25-illik-yubileyi-qeyd-edilib-2707

 

 

 

]]> Komitə sədri tanınmış diaspor fəalını 70 illik yubileyi münasibətilə təbrik edib https://yeniekipgazetesi.com/komit%c9%99-s%c9%99dri-taninmis-diaspor-f%c9%99alini-70-illik-yubileyi-munasib%c9%99til%c9%99-t%c9%99brik-edib-h39830.html Thu, 19 Jan 2023 08:14:54 +0000 https://1453kralmedya.com/komit%c9%99-s%c9%99dri-taninmis-diaspor-f%c9%99alini-70-illik-yubileyi-munasib%c9%99til%c9%99-t%c9%99brik-edib-h39830.html

 

 

 

Komitə sədri tanınmış diaspor fəalını 70 illik yubileyi münasibətilə təbrik edib

2023

Komitə sədri tanınmış diaspor fəalını 70 illik yubileyi münasibətilə təbrik edib

Tanınmış diaspor fəalı, “Azİz” İsrail-Azərbaycan Beynəlxalq Assosiasiyasının İdarə Heyətinin üzvü, Azərbaycan Mədəniyyət Mərkəzinin direktoru Yeganə Salmanın 70 yaşı tamam olur.

Azərbaycan Respublikası Diasporla İş üzrə Dövlət Komitəsinin sədri Fuad Muradov bu münasibətlə Yeganə xanımı təbrik edib, ona möhkəm can sağlığı və müvəffəqiyyətlər arzu edib.

Qeyd edək ki, Yeganə Salman 1953-cü ildə Bakı şəhərində anadan olub. İlk ali təhsilini də 1974-1979-cu illərdə M.F.Axundov adına Azərbaycan Pedaqoji Xarici Dillər İnstitutunda (indiki Azərbaycan Dillər Universiteti) alıb. 1979-1985-ci illərdə AMEA-nın Fizika İnstitutunda, 1981-1989-cu illərdə AMEA-nın “Kaspi” Elmi-Tədqiqat İnstitutunda, 1985-1989-cu illərdə Azərbaycan İnşaat və Memarlıq Universitetində (indiki Azərbaycan Texniki Universiteti) tərcüməçi vəzifəsində çalışan Yeganə Salman 1991-ci ildə ailəsi ilə birlikdə İsrailə köçüb. 1993-cü ildən İsrailin Afula şəhərində Azərbaycandan gələn həmvətənlərimizin təşkilatlanmasında iştirak edən Yeganə Salman 2006-cı ildə İsrailin Tel-Əviv şəhərində Azərbaycandan köçmüş miqrantların İsrail üzrə ilk iclasının keçirilməsinə kömək göstərib. O, 2007-ci ildən “Azİz” İsrail-Azərbaycan Beynəlxalq Assosiasiyasının İdarə Heyətinin üzvü və təşkilatın nəzdində fəaliyyət göstərən Azərbaycan Mədəniyyət Mərkəzinin direktoru vəzifəsində ictimai fəaliyyətini davam etdirir.

Yeganə Salman 1 iyun 2016-cı ildə xalqlar arasında dostluğun möhkəmləndirilməsi və Azərbaycan diasporunun inkişafı sahəsindəki xidmətlərinə görə Azərbaycan Respublikasının Prezidenti cənab İlham Əliyev tərəfindən “Tərəqqi” medalı ilə təltif edilib. Eyni zamanda Azərbaycan diasporunun fəaliyyətinə verdiyi mühüm töhfəyə görə “Diaspor fəaliyyətində xidmətə görə” medalı ilə təltif olunub.

dostların arasında bunu ilk tövsiyyə edən sən ol

DIGƏR XƏBƏRLƏR

 

kaynak:http://diaspor.gov.az/az/news-detail/komite-sedri-taninmis-diaspor-fealini-70-illik-yubileyi-munasibetile-tebrik-edib-2188

 

]]> Vyanada azərbaycanlı musiqişünasın 90 illik yubileyi qeyd edilib https://yeniekipgazetesi.com/vyanada-az%c9%99rbaycanli-musiqisunasin-90-illik-yubileyi-qeyd-edilib-h38698.html Tue, 20 Dec 2022 08:28:04 +0000 https://1453kralmedya.com/vyanada-az%c9%99rbaycanli-musiqisunasin-90-illik-yubileyi-qeyd-edilib-h38698.html

 

 

Vyanada azərbaycanlı musiqişünasın 90 illik yubileyi qeyd edilib

2022

Vyanada azərbaycanlı musiqişünasın 90 illik yubileyi qeyd edilib

Avstriyanın paytaxtı Vyanada görkəmli Azərbaycan musiqişünası, əməkdar incəsənət xadimi, professor Elmira Abasovanın 90 illik yubileyinə həsr olunmuş “Musiqiyə həsr olunmuş ömür” adlı tədbir keçirilib.

“Culture Meeting Point” mədəniyyət təşkilatının təşəbbüsü, Azərbaycan Mədəniyyət Mərkəzi və Azərbaycan Akademik Birliyinin iştirakı ilə təşkil edilən tədbirə musiqisevərlər, Avstriya ictimaiyyətinin nümayəndələri və soydaşlarımız qatılıblar.

Azərbaycan Mədəniyyət Mərkəzində baş tutan tədbirdə “Culture Meeting Point” qurumunun musiqi üzrə rəhbəri, incəsənət üzrə fəlsəfə doktoru, musiqişünas Fərəh Tahirova, Azərbaycan Akademik Birliyinin sədri Kamal Əkbərov, musiqiçi-pedaqoq Kəmalə Əhmədova və musiqişünasın qızı Kəminə Məmmədova çıxış ediblər.

Elmira Abbasovanın 1977–1991-ci illərdə Azərbaycan Dövlət Konservatoriyasının (indiki Bakı Musiqi Akademiyası) rektoru, 1973-1990-cı illərdə Azərbaycan Bəstəkarlar İttifaqının katibi olduğunu nəzərə çatdıran natiqlər onun milli musiqi mədəniyyətinin inkişafına verdiyi töhfələrdən bəhs ediblər. Bildirilib ki, elmi fəaliyyətinin böyük hissəsini Üzeyir Hacıbəylinin yaradıcılığının öyrənilməsinə həsr edən Elmira Abbasova dahi bəstəkarın irsi üzrə ən tanınmış mütəxəssislərdən biri kimi tanınırdı. Alim tədqiqatlarında Ü.Hacıbəylinin əsərlərinin musiqi, dramatik və üslub xüsusiyyətlərini işıqlandırıb, bəstəkarın simfonik təfəkkür metodunu üzə çıxarıb.

Sonra E.Abasovanın həyat və yaradıcılığına həsr olunmuş sənədli film nümayiş etdirilib.

Tədbirin bədii hissəsində Avstriyada yaşayan gənc musiqiçilərin ifasında Azərbaycan və Avropa bəstəkarlarının klassik əsərləri səsləndirilib.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/vyanada-azerbaycanli-musiqisunasin-90-illik-yubileyi-qeyd-edilib-2086

 

 

]]>