xeyriyyə – Yeni Ekip Gazetesi

Kerrollton şəhərində texaslıların minasız Azərbaycan üçün xeyriyyə kampaniyası təşkil edilib

Abdullah Yiğit — Fri, 13 Oct 2023 15:43:48 +0000

Kerrollton şəhərində texaslıların minasız Azərbaycan üçün xeyriyyə kampaniyası təşkil edilib

, 2023

Kerrollton şəhərində texaslıların minasız Azərbaycan üçün xeyriyyə kampaniyası təşkil edilib

ABŞ-ın Texas ştatının Kerrollton şəhərində “Texaslılar minasız dünya üçün: Azərbaycan” layihəsi əsasında xeyriyyə tədbiri keçirilib.

Amerika-Azərbaycan Musiqi Fondu, Amerika Azərbaycanlıları Koordinasiya Şurası, Hyuston-Bakı Qardaşlaşmış Şəhərlər Assosiasiyası və İcma Xidmətlərində Qabaqcıl Təcrübə Mərkəzinin təşkilatçılığı, “Marshal Legacy Institute” (MLI) və Azərbaycan Respublikası Ərazilərinin Minadan Təmizlənməsi üzrə Milli Agentliyinin (ANAMA) tərəfdaşlığı ilə baş tutan tədbirdə Kerrollton şəhər meriyasının, Dallas ictimaiyyətinin, Azərbaycanın, Türkiyənin, Pakistanın diplomatik korpuslarının, Azərbaycan və dost icmaların nümayəndələri iştirak ediblər.

Başlıca məqsəd ABŞ rəsmiləri və ictimaiyyətinin diqqətini Azərbaycanın post-müharibə dövründə Qarabağda qarşılaşdığı mina probleminin insan həyatına və ətraf mühitə dağıdıcı təsirinə cəlb etmək, minaaxtaran itin (MDD) alınıb Azərbaycana göndərilməsi üçün 25 min dollar ianə toplanmasına start vermək olub.

Azərbaycan və ABŞ-ın Dövlət himnlərinin səsləndirilməsi ilə başlayan tədbiri Amerika-Azərbaycan Musiqi Fondunun təsisçisi və icraçı direktoru Cəmilə Cavadova-Şpitsberq açıb və bu kampaniyanın təşkil olunmasında iştirak edən bütün təşkilatlara minnətdarlığını ifadə edib. Sonra Kerrollton şəhərinin meri Stiv Bebik tədbir iştirakçılarını salamlayıb.

Tədbirdə əsas məruzəçi qismində çıxış edən Azərbaycanın ABŞ-dakı səfiri Xəzər İbrahim ölkəmizdəki mina problemi barədə ətraflı məlumat verib. Texas ictimaiyyətinə və təşkilatçılara Azərbaycana yardım etmək məqsədilə nümayiş etdirdikləri baxışlarına və xeyirxahlığa görə minnətdarlığını bildirib. Türkiyənin Hyustondakı Baş konsulu Ahmet Akıntı, Pakistanın Hyustondakı Baş konsulu Muhammad Aftab Çaudri, ABŞ-Azərbaycan Ticarət Palatasının icraçı direktoru Natiq Baxışov, MLİ-nin Virciniyadakı icraçı direktoru Elize Bekker, ANAMA-nın İdarə Heyəti sədrinin müavini Samir Poladov (videobağlantı vasitəsilə), Dallas Universitetinin müəllimi, tibb elmləri doktoru Dürdanə Balakişiyeva çıxışlarında mina probleminin cəmiyyətə dağıdıcı təsirindən danışıb, texaslıları bu xeyirxah missiyada fəal olmağa çağırıblar. Məruzələr və çıxışlar Azərbaycan ərazilərində basdırılmış minaların və partlamamış hərbi sursatların yaratdığı təhlükəni əks etdirən videoçarxların nümayişi ilə müşayiət olunub.

Tədbirin bədii hissəsində Toğrul Orucovun kamançada ifasında Azərbaycan musiqisi səsləndirilib, soydaşımız, tanınmış rəqqasə Ləman Hendriksin ifasında Azərbaycan rəqsləri, Vivyen Bennetin ifasında Azərbaycanın görkəmli bəstəkarı Fikrət Əmirovun “Min bir gecə” baletindən parça təqdim edilib.

Tədbir çərçivəsində Azərbaycanda mina problemini özündə əks etdirən sərginin təşkili qonaqlarda böyük maraq doğurub.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/kerrollton-seherinde-texaslilarin-minasiz-azerbaycan-ucun-xeyriyye-kampaniyasi-teskil-edilib-3673

İlham Əliyev və birinci xanım Mehriban Əliyeva “Qarabağ” və “Qalatasaray” komandaları arasında keçirilən xeyriyyə oyununa baxıblar

Abdullah Yiğit — Sun, 26 Mar 2023 21:31:33 +0000

İlham Əliyev və birinci xanım Mehriban Əliyeva “Qarabağ” və “Qalatasaray” komandaları arasında keçirilən xeyriyyə oyununa baxıblar

26 mart 2023,
İlham Əliyev və birinci xanım Mehriban Əliyeva “Qarabağ” və “Qalatasaray” komandaları arasında keçirilən xeyriyyə oyununa baxıblar

Martın 26-da Bakı Olimpiya Stadionunda Ağdamın “Qarabağ” və İstanbulun “Qalatasaray” komandaları arasında xeyriyyə oyunu keçirilib.

Azərbaycan Respublikasının Prezidenti İlham Əliyev və birinci xanım Mehriban Əliyeva stadionda oyuna baxıblar.

FIFA referisi Əliyar Ağayevin idarə etdiyi oyunda “Qalatasaray” komandası erkən qolla hesabı açıb. Matçın 4-cü dəqiqəsində İstanbul təmsilçisinin heyətində Bafetimbi Qomis fərqlənib. Görüşün 19-cu dəqiqəsində “Qarabağ”ın oyunçusu Redon Cica hesabı bərabərləşdirib. “Qalatasaray” matçın 87-ci dəqiqəsində Mauro İkardinin 11 metrlik cərimə zərbəsindən vurduğu qol sayəsində yenidən hesabda irəli çıxıb. Bu, oyunda sonuncu qol olub. Beləliklə, “Qarabağ” – “Qalatasaray” xeyriyyə matçı İstanbul təmsilçisinin qələbəsi ilə başa çatıb – 1:2.

“Qalatasaray” futbol klubunun prezidenti Dursun Özbək Prezident İlham Əliyevə komandanın oyunçularının imzası olan formanı və digər xatirə hədiyyələrini tədqim etdi.

Bu oyun qardaş Türkiyədə baş vermiş “Əsrin fəlakəti”nin – güclü zəlzələnin fəsadlarının aradan qaldırılmasına yardım məqsədilə təşkil olunub. Görüşdən əldə olunacaq bütün gəlirlər zəlzələdən əziyyət çəkənlərə yardım üçün Türkiyəyə göndəriləcək. Oyun üçün satışa çıxarılmış 62 mindən çox biletin hamısının qısa müddətdə satılması bu qarşılaşmaya göstərilən böyük maraqla yanaşı, Azərbaycan xalqının çətin gündə qardaş Türkiyə ilə sarsılmaz həmrəylik nümayiş etdirməsinin də əyani təsdiqidir.

Böyük ölçüdə şəkillər
BÜTÜN YAZILAR
XƏBƏRLƏR
SƏNƏDLƏR
VİDEOLAR
ŞƏKİLLƏR

kaynak:https://president.az/az/articles/view/59228

Nyu-Yorkda keçirilən xeyriyyə tədbirində Azərbaycan rəqsləri nümayiş olunub

Abdullah Yiğit — Thu, 23 Feb 2023 00:07:28 +0000

Nyu-Yorkda keçirilən xeyriyyə tədbirində Azərbaycan rəqsləri nümayiş olunub
22 fevral, 2023
Nyu-Yorkda keçirilən xeyriyyə tədbirində Azərbaycan rəqsləri nümayiş olunub
ABŞ-ın Nyu-York şəhərində fəaliyyət göstərən “Mənim Yolum” Uşaq və Gənclər İnkişaf Mərkəzində “Təsadüfi Xeyirxahlıq Günü”nə həsr olunmuş xeyriyyə tədbiri keçirilib.

Tədbir zamanı Azərbaycanın və müxtəlif ölkələrin rəqsləri nümayiş etdirilib və mahnılar səsləndirilib. Mərkəzin yetirmələrinin ifa etdikləri Azərbaycan milli rəqsləri tamaşaçılar tərəfindən rəğbətlə və alqışlarla qarşılanıb.

Tədbirdə iştirak edən Nyu-York Şəhər Şurasının üzvü Ari Kagan şəhərin mədəni müxtəlifliyinə töhfələr verdiyinə və xeyriyyə tədbirlərində fəal iştirakına görə “Mənim Yolum” Uşaq və Gənclər İnkişaf Mərkəzinin sədri Alyona Bədəlovaya şəhər meri tərəfindən imzalanmış mərasim bəyannaməsini (Citation) təqdim edib.

Qeyd edək ki, “Mənim Yolum” Uşaq və Gənclər İnkişaf Mərkəzində rəqs dərsləri, o cümlədən Azərbaycan milli rəqsləri tədris olunur.

Bundan başqa, “Mənim Yolum” Uşaq və Gənclər İnkişaf Mərkəzinin sədri Alyona Bədəlova Dubay şəhərində Qlobal Etika üzrə Parlamentlərarası Koalisiyanın 12-13 fevral tarixində təşkil edilmiş dəyirmi masasında iştirak edib.

Qlobal Dürüstlük və Xeyirxahlıq Mərkəzi, Birləşmiş Ərəb Əmirliklərinin Yəhudi Şurası və Əl-Sadiq İslam İngilis Məktəbinin təşkilatçılığı ilə baş tutan tədbirə bir sıra ictimai-siyasi və dini xadimlər qatılıblar.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/nyu-yorkda-kecirilen-xeyriyye-tedbirinde-azerbaycan-reqsleri-numayis-olunub-2419