təqdim edilib – Yeni Ekip Gazetesi https://yeniekipgazetesi.com Thu, 27 Jul 2023 07:25:33 +0000 tr hourly 1 https://yeniekipgazetesi.com/wp-content/uploads/2025/03/cropped-Yeni-Ekip-32x32.webp təqdim edilib – Yeni Ekip Gazetesi https://yeniekipgazetesi.com 32 32 “STMEGİ” Fondunun vitse-prezidentinə “Diaspor fəaliyyətində xidmətə görə” medalı təqdim edilib https://yeniekipgazetesi.com/stmegi-fondunun-vitse-prezidentin%c9%99-diaspor-f%c9%99aliyy%c9%99tind%c9%99-xidm%c9%99t%c9%99-gor%c9%99-medali-t%c9%99qdim-edilib-h47965.html Thu, 27 Jul 2023 07:25:33 +0000 https://1453kralmedya.com/stmegi-fondunun-vitse-prezidentin%c9%99-diaspor-f%c9%99aliyy%c9%99tind%c9%99-xidm%c9%99t%c9%99-gor%c9%99-medali-t%c9%99qdim-edilib-h47965.html

 

 

 

 

“STMEGİ” Fondunun vitse-prezidentinə “Diaspor fəaliyyətində xidmətə görə” medalı təqdim edilib

, 2023

 

 

 

 

“STMEGİ” Fondunun vitse-prezidentinə “Diaspor fəaliyyətində xidmətə görə” medalı təqdim edilib
Diasporla İş üzrə Dövlət Komitəsi sədrinin birinci müavini Valeh Hacıyev “STMEGİ” Dağ Yəhudilərinin Beynəlxalq Xeyriyyə Fondunun vitse-prezidenti İsay Zaxaryayevlə görüşüb.

 

 

 

 

 

Qonağı məmnunluqla salamlayan Komitə sədrinin birinci müavini “STMEGİ”nin soydaşlarımızın bir araya gəlməsi, dostluq əlaqələrinin möhkəmləndirilməsi, Azərbaycan həqiqətlərinin və mədəniyyətinin təbliğ olunması istiqamətində həyata keçirdiyi işləri yüksək qiymətləndirib.

Hazırda Rusiya Federasiyasında yaşayan həmyerlimizi qarşıdan gələn 50 illik yubileyi münasibətilə təbrik edən V.Hacıyev Azərbaycan diasporunun inkişafına verdiyi töhfələrinə görə “Diaspor fəaliyyətində xidmətə görə” Azərbaycan Respublikasının medalını ona təqdim edib.

 

 

 

 

İ.Zaxaryayev fəaliyyətinin yüksək qiymətləndirilməsinə görə Azərbaycan dövlətinə minnətdarlığını bildirib.

Görüşdə Komitənin Aparat rəhbəri Daşqın Rəcəbli də iştirak edib.

 

 

 

 

Qeyd edək ki, İsay Raşbiloviç Zaxaryayev 1973-cü ildə Quba rayonunun Qırmızı qəsəbəsində tanınmış jurnalist Raşbil Xaqayeviç Zaxaryayevin ailəsində anadan olub. Ali hüquq təhsili alıb. Xeyriyyəçilik, sahibkarlıq və investorluq fəaliyyəti ilə məşğuldur. 2001-ci ildə Zaxaryayevlər ailəsinin Moskvada yaratdığı Dağ Yəhudilərinin Beynəlxalq Xeyriyyə Fondu – “STMEGİ”-nin əsas fəaliyyət istiqaməti dünyanın müxtəlif şəhərlərində icma həyatının təbliği, dağ yəhudilərinin adət və ənənələrinin qorunmasıdır.

 

 

 

 

 

İsay Zaxaryayevin vitse-prezidenti olduğu “STMEGİ” Fondu İsraildə fəaliyyət göstərən “Azİz” İsrail-Azərbaycan Beynəlxalq Assosiasiyası ilə sıx əməkdaşlıq edir və dost ölkədə Azərbaycan mədəniyyətinin təbliği, mədəni irsimizin gənc nəslə ötürülməsi istiqamətində həyata keçirilən layihələri dəstəkləyir. Fond ölkəmizin suverenliyi və ərazi bütövlüyünün bərpası uğrunda canlarından keçmiş şəhidlərimizin ailələrinə kömək edir və işğaldan azad edilmiş Azərbaycan ərazilərinin bərpası prosesində fəal iştirak edir.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/stmegi-fondunun-vitse-prezidentine-diaspor-fealiyyetinde-xidmete-gore-medali-teqdim-edilib-3279

 

 

 

]]> İsveç və Fransada Reza Deqatinin Azərbaycan həqiqətlərini əks etdirən fotoları təqdim edilib https://yeniekipgazetesi.com/isvec-v%c9%99-fransada-reza-deqatinin-az%c9%99rbaycan-h%c9%99qiq%c9%99tl%c9%99rini-%c9%99ks-etdir%c9%99n-fotolari-t%c9%99qdim-edilib-h47853.html Sun, 23 Jul 2023 17:12:16 +0000 https://1453kralmedya.com/isvec-v%c9%99-fransada-reza-deqatinin-az%c9%99rbaycan-h%c9%99qiq%c9%99tl%c9%99rini-%c9%99ks-etdir%c9%99n-fotolari-t%c9%99qdim-edilib-h47853.html

 

 

 

 

İsveç və Fransada Reza Deqatinin Azərbaycan həqiqətlərini əks etdirən fotoları təqdim edilib

 

2023

 

 

 

İsveç və Fransada Reza Deqatinin Azərbaycan həqiqətlərini əks etdirən fotoları təqdim edilib

İsveçdə və Fransanın əyalətlərində tanınmış fotoqraf Reza Deqatinin fotolarından ibarət “Dərin sükut” adlı sərgi nümayiş etdirilib.

 

 

 

Fotosərgidə təqdim olunmuş əsərlər insan qəlbinin dərinliklərinə yol açır. Fotoqraf insanlara özünün ən yaxşı hisslərinə qovuşmağı təklif edir.

Eyni zamanda Azərbaycanı, eləcə də erməni işğalçılar tərəfindən yerlə yeksan edilmiş şəhər və kəndlərimizi əks etdirən fotolara da diqqət cəlb edilib.

 

 

 

Qeyd edək ki, “Sülh müxbiri” titullu müharibə müxbiri olan R.Deqati 1979-cu ildən dünyada baş verən sarsıntıların əsl şahididir. Fotoqraf peşəsi doğma ölkəsindən didərgin düşmüş R.Deqatini həyata bağlayan səbəblərdən biridir. O, əsl sənətkar kimi sözünü və fikirlərini fotoları vasitəsilə ötürür.

Uzun illərdir dünyanın müxtəlif qaynar nöqtələrindən çəkdiyi fotolarla sənətkar humanist baxışını beynəlxalq media, eləcə də kitablar, sənədli filmlər, konfranslar, seminarlar və sərgilər vasitəsilə Fransada və xaricdə bölüşür.

 

 

 

 

 

 

Azərbaycanın 30 illik işğal dərdini, erməni işğalı dövründə Qarabağdakı şəhər və kəndlərimizin barbarcasına dağıdılması faktlarını da fotoları, sərgiləri və sərgilər çərçivəsində təşkil etdiyi konfranslar vasitəsilə beynəlxalq ictimaiyyətə və sənətsevərlərə çatdırır.

Onun builki sərgilərinin komissarları Raşel Deqati və Fransada sərgilər kuratoru Pyer Bonciovanidir. Bu sərgilər yay fəsli ərzində yerli ictimaiyyət və xarici turistlərin ən sevimli ziyarət məkanına çevrilir.

 

 

 

 

Xatırladaq ki, Azərbaycan diasporunun tanınmış nümayəndələrindən biri olan Reza Deqati mədəniyyət paytaxtımız Şuşada keçirilmiş Dünya Azərbaycanlılarının V (Zəfər) Qurultayında iştirak edib.

FOTO QALEREYA

 

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/isvec-ve-fransada-reza-deqatinin-azerbaycan-heqiqetlerini-eks-etdiren-fotolari-teqdim-edilib-3270

 

 

]]> Osloda gənc soydaşımızın “Sən elə bir zirvəsən” adlı kitabı təqdim edilib https://yeniekipgazetesi.com/osloda-g%c9%99nc-soydasimizin-s%c9%99n-el%c9%99-bir-zirv%c9%99s%c9%99n-adli-kitabi-t%c9%99qdim-edilib-h46200.html Wed, 07 Jun 2023 12:02:39 +0000 https://1453kralmedya.com/osloda-g%c9%99nc-soydasimizin-s%c9%99n-el%c9%99-bir-zirv%c9%99s%c9%99n-adli-kitabi-t%c9%99qdim-edilib-h46200.html

 

 

 

Osloda gənc soydaşımızın “Sən elə bir zirvəsən” adlı kitabı təqdim edilib
, 2023
Osloda gənc soydaşımızın “Sən elə bir zirvəsən” adlı kitabı təqdim edilib

 

 

Norveçin paytaxtı Osloda fəaliyyət göstərən Nizami Gəncəvi adına həftəsonu Azərbaycan dili məktəbinin şagirdi Səlim Abbaszadənin yeni işıq üzü görən “Sən elə bir zirvəsən” adlı kitabının təqdimat mərasimi keçirilib.

Diasporla İş üzrə Dövlət Komitəsinin dəstəyi və Nizami Gəncəvi adına həftəsonu Azərbaycan dili məktəbinin təşkilatçılığı ilə paytaxtın “Deichman Bjorvika” kitabxanasında baş tutan tədbirdə Azərbaycan icmasının və yerli ictimaiyyətin nümayəndələri iştirak ediblər.

 

 

 

Təqdimatda çıxış edən Səlim Abbaszadə “Sən elə bir zirvəsən” adlı kitabını 28 May – Müstəqillik Gününə və ümummili lider Heydər Əliyevin 100 illik yubileyinə həsr etdiyini bildirib. Azərbaycan, Qarabağ, xalqımızın tarixi, mədəni irsi və tarixi şəxsiyyətləri mövzularında rəsmlər çəkdiyini vurğulayan gənc müəllif kitabın yaranma ideyasından söz açıb. Bildirib ki, doğma məkəbinin dəstəyilə 2022-ci ildə Oslodakı sərgidə iştirak edərkən ziyarətçilərin onun rəsm əsərlərinə, xüsusilə də Şuşa qalasının, Gövhər Ağa məscidinin təsvir olunduğu rəsmlərə böyük maraq göstərdiyini görüb. Hər kəsin bu rəsmləri görməsi məqsədilə rəsmlərinin kitab halında nəşr olunmasını istəyib.

 

 

 

 

O, kitabın çap olunmasını və təqdimatının keçirilməsini böyük hədiyyə, tanınmış Azərbaycan şairi, əməkdar incəsənət xadimi Baba Vəziroğlu tərəfindən kitabın təqdim olunmasını ikiqat sevinc adlandırıb. Nəşrin ərsəyə gəlməsində əməyi olanlara minnətdarlığını ifadə edən müəllif bu addımın ona yeni əsərlər yaratmağa stimul verəcəyini, yaxın gələcəkdə kitabın Norveç dilində də nəşr olunacağını diqqətə çatdırıb.

Tədbirdə çıxış edən Baba Vəziroğlu və icma üzvləri gənc soydaşımızı bu uğur münasibətilə təbrik ediblər və ona xoş arzularını bildiriblər.

“Sən elə bir zirvəsən” kitabı filologiya üzrə fəlsəfə doktoru, “Azərbaycan dili” dərsliklərinin müəllifi Xanım Qasımovanın, Nizami Gəncəvi adına həftəsonu Azərbaycan dili məktəbinin koordinatoru Günay Əliyevanın və şair Baba Vəziroğlunun dəstəyi ilə işıq üzü görüb. Müəllifin 2023-cü ilin aprel ayınadək çəkdiyi rəsm əsərlərinin toplandığı kitabda məktəbin fəaliyyəti haqqında da foto-məlumatlar yer alıb.

Qeyd edək ki, bu, S.Abbaszadənin ikinci kitabıdır. Gənc soydaşımızın “Nagorno Karabakh” adlı ilk kitabı 44 günlük Vətən müharibəsi dövründə Norveç dilində çap edilib. Kitab Qarabağın tarixi, Ermənistan tərəfindən işğalı və işğaldan azadlıq dövrünü özündə əks etdirir. Kitabın illustrasiyalarını da müəllif özü çəkib.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/osloda-genc-soydasimizin-sen-ele-bir-zirvesen-adli-kitabi-teqdim-edilib-3066

 

 

]]> Bakıda “Xarı bülbül əfsanəsi” sənədli filmi təqdim edilib https://yeniekipgazetesi.com/bakida-xari-bulbul-%c9%99fsan%c9%99si-s%c9%99n%c9%99dli-filmi-t%c9%99qdim-edilib-h37528.html Sun, 20 Nov 2022 11:34:00 +0000 https://1453kralmedya.com/bakida-xari-bulbul-%c9%99fsan%c9%99si-s%c9%99n%c9%99dli-filmi-t%c9%99qdim-edilib-h37528.html

 

 

 

Bakıda “Xarı bülbül əfsanəsi” sənədli filmi təqdim edilib
2022

Bakıda “Xarı bülbül əfsanəsi” sənədli filmi təqdim edilib

İsveçli fotoqraf, operator Mikael Silkeberqin ölkəmizin mədəniyyət paytaxtı Şuşaya həsr etdiyi “Xarı bülbül əfsanəsi” sənədli filminin Zəfər Günü çərçivəsində təqdimatı keçirilib.

Nizami Kino Mərkəzində baş tutan tədbirdə çıxış edən filmin rejissoru, Stokholm Azərbaycan Mədəniyyət Mərkəzinin sədri Rəhim Sadıqbəyli 44 günlük Vətən müharibəsində qazandığımız Qələbəyə görə Müzəffər Al Baş Komandana və Ordumuza təşəkkür edib. Azərbaycan dövlətinin hər zaman xaricdə yaşayan azərbaycanlıların yanında olduğunu məmnunluqla vurğulayan rejissor bildirib ki, bu, soydaşlarımız üçün ikiqat məsuliyyət yaratdığından, Azərbaycanı hər zaman layiqincə təmsil etməyə çalışırlar.

Filmin ideyasından danışan rejissor xatırladıb ki, bu, Mikael Silkeberqin ötən il Şuşa, Füzuli və Ağdama səfərindən sonra baş verib. Həmin səfər zamanı çəkilən fotolar Azərbaycanın İsveç, Norveç və Finlandiyadakı səfiri Zaur Əhmədovun təşəbbüsü ilə Stokholmda keçirilən sərgidə nümayiş etdirilib. Sərgidən sonra isə unikallığı ilə seçilən film ərsəyə gətirilib. Filmin İsveçin İctimai kanalı vasitəsilə nümayiş etdirildiyi nəzərə çatdırılıb.

 

Rejissor ekran əsərinin ərsəyə gəlməsinə dəstək olan təşkilatlara, o cümlədən Diasporla İş üzrə Dövlət Komitəsinə minnətdarlığını bildirib.

Tədbirdə çıxış edən Mədəniyyət Nazirliyinin İnteraktiv və audiovizual media şöbəsinin müdiri Rüfət Həsənov və başqaları sənədli filmin “Böyük qayıdış” prizması baxımından əhəmiyyətindən danışıb, filmin xarici kino adamının baxışı ilə təqdim olunmasını önəmli cəhətlərdən biri adlandırıb.

Mikael Silkeberq çıxışı zamanı yenidən Azərbaycana gəlişindən məmnunluğunu ifadə edərək, filmin ərsəyə gəlməsində dəstək olanlara və tədbir iştirakçılarına minnətdarlığını bildirib.

Sonra “Xarı bülbül əfsanəsi” sənədli filmi nümayiş etdirilib.

Qeyd edək ki, filmdə görkəmli elm və mədəniyyət xadimlərinin Qarabağ və Şuşa haqqında fikirləri, həmçinin tarixi şəxsiyyətlər barədə kadrlar yer alıb. Qərb alimlərinin Şərq mədəniyyəti, Azərbaycan ədəbiyyatı, musiqisi, muğamı və təbiəti ilə bağlı düşüncələri filmin əsas xəttini təşkil edib.

FOTO QALEREYA

 

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/bakida-xari-bulbul-efsanesi-senedli-filmi-teqdim-edilib-1954

 

 

]]>