Moldovadakı Azərbaycan icması ilə görüş keçirilib
2024
Moldovadakı Azərbaycan icması ilə görüş keçirilib

 

 

Moldovadakı Azərbaycan icması ilə görüş keçirilib
📎 https://t.co/o9efQ7NbfK pic.twitter.com/eUWOnUvLir

— Azerbaijani Diaspora (@DiasporaAz) May 29, 2024

 

 

Moldovanın paytaxtı Kişineu şəhərində bu ölkədəki Azərbaycan icması ilə görüş keçirilib. Görüşdə Diasporla İş üzrə Dövlət Komitəsinin, Azərbaycanın Moldovadakı səfirliyinin nümayəndələri, Moldovadakı Azərbaycan icmasının üzvləri və ölkəmizə dost münasibəti bəsləyən diasporların təmsilçiləri iştirak edib.

Tədbir Azərbaycan və Moldovanın Dövlət himnlərinin səsləndirilməsi ilə başlayıb, daha sonra Azərbaycanın ərazi bütövlüyü və azadlığı uğrunda canından keçmiş şəhidlərimizin əziz xatirəsi bir dəqiqəlik sükutla yad edilib.

Diasporla İş üzrə Dövlət Komitəsinin sədri Fuad Muradov 28 May – Müstəqillik Günündə belə bir görüşün keçirilməsinin rəmzi məna daşıdığını, artıq bütün dünyada azərbaycanlıların bir yumruq kimi birləşdiyini qeyd edib, komitənin gördüyü işlərdən danışıb, diqqəti Azərbaycan icmalarının birlik mexanizmlərinə, Koordinasiya Şuraları və Azərbaycan Evlərinin çoxşaxəli fəaliyyətinə cəlb edib.

Komitə sədri xaricdə yaşayan soydaşlarımızın öz fəaliyyətlərində Prezident İlham Əliyevin Dünya Azərbaycanlılarının Şuşada keçirilən V Qurultayında səsləndirdiyi tapşırıq və tövsiyələri əsas götürdüklərini və müasir platformalar üzərindən uğurlu layihələr həyata keçirdiklərini qeyd edib.

Azərbaycan Respublikasının Moldovadakı səfiri Ülvi Baxşəliyev ölkəmizin xaricdə təmsil olunmasında Azərbaycan diasporunun əvəzolunmaz rolundan danışıb, Moldovada fəaliyyət göstərən diaspor təşkilatlarının fəaliyyətini müsbət qiymətləndirdiyini və belə görüşlərin xaricdəki azərbaycanlıların həmrəyliyinin möhkəmlənməsinə töhfə olduğunu bildirib.

Sonra Moldova Azərbaycanlıları Konqresinin sədri Elçin Bayramovun görülən işlər barədə hesabatı dinlənilib, komitə ilə əməkdaşlıq çərçivəsində həyata keçirilən layihələr barədə məlumat verilib.

Çıxışlarda əsası Ümummilli Lider Heydər Əliyev tərəfindən qoyulan diaspor siyasətinin bu gün uğurla davam etdirilməsindən, diaspor-dövlət əlaqələrinin möhkəm təməllər üzərində inkişafından, eləcə də 28 May – Müstəqillik Gününün tarixindən və müasir Azərbaycanın inkişafından bəhs olunub.

Çıxış edənlər komitənin iri və uğurlu layihələrindən olan Diaspor Gənclərinin Yay Düşərgələrinə diqqət çəkib, gənclərin düşərgəyə böyük maraq göstərdiklərini və bu il düşərgənin Laçında təşkil olunmasının əhəmiyyətini qeyd ediblər.

Görüşün davamında Komitə adından Azərbaycanın təbliği işində göstərdikləri xidmətə görə Moldova Azərbaycanlıları Konqresinin bir neçə üzvünə təşəkkürnamələr təqdim olunub.

Görüş icma üzvlərinin diaspor fəaliyyətinin keyfiyyət göstəricilərinin artırılması, informasiya platformalarında fəallığı, diaspor hərəkatının hədəfləri və s. mövzularda qarşılıqlı fikir mübadiləsi ilə yekunlaşıb.

FOTO QALEREYA

 

 

Moldovadakı Azərbaycan icması ilə görüş keçirilib
📎 https://t.co/o9efQ7NbfK pic.twitter.com/eUWOnUvLir

— Azerbaijani Diaspora (@DiasporaAz) May 29, 2024

 

 

 

dostların arasında bunu ilk tövsiyyə edən sən ol
DIGƏR XƏBƏRLƏR

Kaynak:https://diaspor.gov.az/az/news-detail/moldovadaki-azerbaycan-icmasi-ile-gorus-kecirilib-4737

 

 

Kişinyovda fəaliyyət göstərən Moldova Azərbaycanlıları Konqresinin nəzdindəki #Azərbaycan həftəsonu məktəbinin növbəti dərsi 20 Yanvar faciəsinin 33-cü ildönümünə həsr olunub.

📌 https://t.co/HjEmHjsRbO#BlackJanuary #20January1990 pic.twitter.com/yavVSMHWCe

— Azerbaijani Diaspora (@DiasporaAz) January 24, 2023

 

 

Moldovadakı Azərbaycan məktəbində 20 Yanvar şəhidləri yad edilib

2023

Moldovadakı Azərbaycan məktəbində 20 Yanvar şəhidləri yad edilib

Kişinyovda fəaliyyət göstərən Moldova Azərbaycanlıları Konqresinin nəzdindəki Azərbaycan həftəsonu məktəbinin növbəti dərsi 20 Yanvar faciəsinin 33-cü ildönümünə həsr olunub.

Öncə məktəblilər ölkəmizin azadlığı və müstəqilliyi uğrunda canlarından keçmiş 20 Yanvar şəhidlərinin xatirəsini yad ediblər.

Sonra şagirdlərə 1990-cı il yanvarın 19-dan 20-nə keçən gecə sovet rejiminin Bakıda törətdiyi qanlı qırğın barədə ətraflı məlumat verilib. İnsanlığa zidd cinayət zamanı günahsız dinc insanların, o cümlədən məktəblilərin və tələbələrin də qətlə yetirildiyi, həmin dövrdən qərənfil gülünün 20 Yanvar faciəsinin rəmzinə çevrildiyi, xalqımızın yaddaşına faciə kimi daxil olan 20 Yanvar tarixinin ölkəmizdə Ümumxalq Hüzn Günü kimi qeyd edildiyi bildirilib.

Məktəb şagirdləri 20 Yanvarın rəmzi olan qərənfil gülünün rəsmini çəkib və anım güşəsinə çiçəkləri düzməklə doğma xalqımızın kədərinə şərik olduqlarını nümayiş etdiriblər.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/moldovadaki-azerbaycan-mektebinde-20-yanvar-sehidleri-yad-edilib-2239

 

 

Kişinyovda fəaliyyət göstərən Moldova Azərbaycanlıları Konqresinin nəzdindəki #Azərbaycan həftəsonu məktəbinin növbəti dərsi 20 Yanvar faciəsinin 33-cü ildönümünə həsr olunub.

📌 https://t.co/HjEmHjsRbO#BlackJanuary #20January1990 pic.twitter.com/yavVSMHWCe

— Azerbaijani Diaspora (@DiasporaAz) January 24, 2023