Kaunas və Vilnüs şəhərlərindəki festivallarda ölkəmiz təmsil olunub

2023

Kaunas və Vilnüs şəhərlərindəki festivallarda ölkəmiz təmsil olunub

Litvanın Kaunas və Vilnüs şəhərlərində keçirilmiş “Mədəniyyət Bağı – 2023” və “Vilnüs mənim şəhərimdir – Beynəlxalq İcma Festivalı” millətlərarası mədəniyyət festivallarında Azərbaycan diasporu uğurla iştirak edib.

Litvadakı Azərbaycanlı Gənclər Təşkilatının təmsilçisi və Baltikyanı ölkələrdə yaşayan Azərbaycanlılarının Koordinasiya Şirasının Litvadakı koordinatoru Nərmin Əliyevanın təşkilatçılığı ilə yaradılmış Azərbaycan guşəsində ölkəmizin tarixini, mədəni irsini, turizmini, milli mətbəxini əks etdirən nümunələr nümayiş etdirilib. Festival ziyarətçilərinə vətənimiz haqqında ətraflı məlumat verilib və onları maraqlandıran suallar cavablandırılıb.

“Heydər Əliyev İli” çərçivəsində müasir Azərbaycan dövlətinin qurucusu Heydər Əliyevin həyat və fəaliyyətinə həsr olunmuş videoçarxlar təqdim edilib. Xalqımızın dahi şəxsiyyətinin bir əsrlik yubileyinə həsr olunmuş “Breyn-rinq” intellektual oyunu təşkil edilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/kaunas-ve-vilnus-seherlerindeki-festivallarda-olkemiz-temsil-olunub-3646

Litvadakı icmamız BMT-nin Cenevrədəki mənzil-qərargahına müraciət edib

2023

Litvadakı icmamız BMT-nin Cenevrədəki mənzil-qərargahına müraciət edib

Litvada fəaliyyət göstərən “Günəş” Azərbaycanlılar Assosiasiyası ölkəmizin sülh səylərinin dərk edilməsi və dəstəklənməsi ilə bağlı beynəlxalq ictimaiyyətə müraciət edib.

Assosiasiya adından Birləşmiş Millətlər Təşkilatının (BMT) Cenevrədəki mənzil-qərargahına ünvanlanan bəyanatda bildirilib ki, Azərbaycan əsilli litvalılar Ermənistanda mövcud olan revanşist əhval-ruhiyyəli qüvvələrin və erməni diasporunun yolverilməz əməlləri nəticəsində Cənubi Qafqaz regionunda yaranmış mövcud vəziyyətdən dərin narahatlıq hissi keçirirlər.

Bəyanatda 30 il ərzində Ermənistanın işğalçı siyasəti nəticəsində Azərbaycanın Qarabağ bölgəsinin xarabalığa çevrildiyi və 2020-ci ildə baş vermiş müharibədən sonra qalmış aktual problemlərin həll olunmadığı diqqətə çatdırılıb.

Ermənistan silahlı qüvvələri tərəfindən basdırılmış minaların partlaması nəticəsində indiyədək 300-dən çox günahsız Azərbaycan mülki vətəndaşının və hərbi qulluqçusunun həlak olması və yaralanması, Ermənistan tərəfinin dəqiq mina xəritələrini Bakıya verməməsinin kobud qanun pozuntusu olması, regional əməkdaşlığa sadiqliyini qonşu Gürcüstanın timsalında sübut edən Azərbaycanın beynəlxalq hüquqa uyğun olaraq öz ərazilərində, o cümlədən nəqliyyat-kommunikasiya yolları üzərində suverenliyini qorumağa çalışması, Xankəndi-Laçın yolunun açıq olması kimi faktlar bir daha yada salınıb.

“Günəş” Azərbaycanlılar Assosiasiyası bu kritik və önəmli mərhələdə beynəlxalq təşkilatları erməni uydurmalarına inanmamağa, Azərbaycanın sülhsevər mövqeyini əməli şəkildə dəstəkləməyə və tərəflər arasında konstruktiv dialoqun təşviqinə yardım göstərməyə çağırıb.

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/litvadaki-icmamiz-bmt-nin-cenevredeki-menzil-qerargahina-muraciet-edib-3406

Litvadakı – Yeni Ekip Gazetesi

Kaunas və Vilnüs şəhərlərindəki festivallarda ölkəmiz təmsil olunub

Litvadakı icmamız BMT-nin Cenevrədəki mənzil-qərargahına müraciət edib