icmasının – Yeni Ekip Gazetesi https://yeniekipgazetesi.com Sat, 16 Dec 2023 17:07:23 +0000 tr hourly 1 https://yeniekipgazetesi.com/wp-content/uploads/2025/03/cropped-Yeni-Ekip-32x32.webp icmasının – Yeni Ekip Gazetesi https://yeniekipgazetesi.com 32 32 Azərbaycan icmasının üzvü Dünya Yaddaş Çempionatının qalibi olub https://yeniekipgazetesi.com/az%c9%99rbaycan-icmasinin-uzvu-dunya-yaddas-cempionatinin-qalibi-olub-h52500.html Sat, 16 Dec 2023 17:07:23 +0000 https://1453kralmedya.com/az%c9%99rbaycan-icmasinin-uzvu-dunya-yaddas-cempionatinin-qalibi-olub-h52500.html

 

 

 

Azərbaycan icmasının üzvü Dünya Yaddaş Çempionatının qalibi olub

2023

Azərbaycan icmasının üzvü Dünya Yaddaş Çempionatının qalibi olub

 

 

 

İspaniyanın Barselona şəhərində yaşayan Azərbaycan icmasının fəal üzvü Orxan İbadov Hindistanın Mumbay şəhərində keçirilmiş Dünya Yaddaş Çempionatında növbəti uğurunu qazanıb.

 

 

 

Dünyanın ən güclü 780 zəka sahibinin qatıldığı yarışda Azərbaycanı təmsil edən Orxan İbadov iki kateqoriyada qızıl, 4 kateqoriyada gümüş, 2 kateqoriyada bürünc medallar almaqla çempionatın ən çox medal qazanan iştirakçısı olub. O, bir saat ərzində 3412 rəqəmi sırayla düzgün yadda saxlayıb və yeni dünya rekorduna imza atıb. Bundan başqa, 15 dəqiqə ərzində 146 üz, ad və soyadı düzgün yadda saxlamaqla bütün rəqiblərini qabaqlayıb.

 

 

 

Ekspertlər hesab edirlər ki, bu, Azərbaycanın müstəqillik dövründə beynəlxaq intellektual yarışlarda qazanılan ən məhsuldar nəticədir.

 

 

 

 

Qeyd edək ki, Orxan İbadov 2017-ci ildən etibarən sərbəst şəkildə Azərbaycanı mötəbər beynəlxalq yaddaş və beyin yarışlarında təmsil edir. İlk qələbəsini 2017-ci ilin noyabrında İstanbulda keçirilən “MEMORİAD” yarışında qazanıb. Sonrakı illərdə Filippin, Danimarka, Avstriya, Almaniya, Misir, Fransa və digər ölkələrdə, eyni zamanda onlayn formatda keçirilən yarışlarda yüksək nəticələr nümayiş etdirib.

Soydaşımız Azərbaycan, İspaniya, Tailand və digər ölkələrdə zehni inkişaf, yaddaş və beyindən səmərəli istifadə və digər mövzularla bağlı təlimlər keçir.

 

 

 

Diasporla İş üzrə Dövlət Komitəsi parlaq qələbəsi münasibətilə Orxan İbadovu səmimi-qəlbdən təbrik edir, gələcək yarışlarda davamlı qələbələr qazanmağı arzulayır.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/azerbaycan-icmasinin-uzvu-dunya-yaddas-cempionatinin-qalibi-olub-3967

 

 

 

]]> Komitə sədri Dağıstanın Azərbaycan icmasının nümayəndələrini qəbul edib https://yeniekipgazetesi.com/komit%c9%99-s%c9%99dri-dagistanin-az%c9%99rbaycan-icmasinin-numay%c9%99nd%c9%99l%c9%99rini-q%c9%99bul-edib-h50378.html Fri, 13 Oct 2023 09:11:12 +0000 https://1453kralmedya.com/komit%c9%99-s%c9%99dri-dagistanin-az%c9%99rbaycan-icmasinin-numay%c9%99nd%c9%99l%c9%99rini-q%c9%99bul-edib-h50378.html

 

 

 

 

Komitə sədri Dağıstanın Azərbaycan icmasının nümayəndələrini qəbul edib

, 2023

 

 

 

 

Komitə sədri Dağıstanın Azərbaycan icmasının nümayəndələrini qəbul edib

Diasporla İş üzrə Dövlət Komitəsinin sədri Fuad Muradov Bakıda səfərdə olan Dağıstan Respublikasının Azərbaycan icmasının nümayəndə heyətini qəbul edib.

 

 

 

 

Qonaqları səmimi salamlayan Komitə sədri bu səfərin əlamətdar bir vaxta – həm Azərbaycan xalqının ümummilli lideri Heydər Əliyevin, həm də Dağıstan xalqının böyük oğlu Rəsul Həmzətovun 100 illik yubileyləri ilinə təsadüf etdiyini bildirib.

 

 

 

Rusiya Federasiyası ilə Azərbaycan Respublikası arasında mövcud olan dostluq münasibətlərinin günü-gündən dərinləşdiyini deyən sədr bu amilin Dağıstan-Azərbaycan əlaqələrinin inkişafına təkan verdiyini vurğulayıb. Görkəmli dövlət xadimi, Azərbaycanın böyük oğlu Əziz Əliyevin Dağıstana rəhbərlik edərkən yerli xalqları sürgün olunmaqdan xilas etdiyi, pandemiya başlayarkən Rusiya-Azərbaycan sərhədində qalmış azərbaycanlılara yerli hakimiyyət orqanları ilə yanaşı, Dağıstan xalqının da yardım əlini uzatdığı məmnunluqla xatırlanıb.

 

 

 

Səmimi qəbula görə təşəkkür edən qonaqlar Azərbaycanın bütün ərazisində dövlət suverenliyinin bərpa olunması münasibətilə Azərbaycan xalqını təbrik edib, bu tarixi Zəfərə imza atmış Müzəffər Ali Baş Komandan İlham Əliyevin və şəhidlərimizin xidmətlərinin heç vaxt unudulmayacağını bildiriblər. Eyni zamanda onları maraqlandıran məsələlərlə bağlı fikirlərini çatdırıblar.

Görüşün sonunda xatirə şəkli çəkilib.

 

 

 

Qeyd edək ki, cari ilin fevral ayında Bakı şəhərində Azərbaycan Respublikası ilə Rusiya Federasiyasının Dağıstan Respublikası arasında iqtisadi və humanitar əlaqələr üzrə Hökumətlərarası Komissiyanın iclasında əməkdaşlığın əsas istiqamətləri üzrə tədbirlər planı təsdiq olunub. Azərbaycan tərəfdən humanitar istiqamət üzrə icraçılardan biri Diasporla İş üzrə Dövlət Komitəsi olub. Plana əsasən, Dağıstanda ümummilli lider Heydər Əliyevin 100 illik yubileyinin, Azərbaycanda isə Dağıstanın görkəmli ictimai-siyasi xadimi, şair və yazıçı Rəsul Həmzətovun 100 illik yubileyinin qeyd olunması qərara alınıb. Yubiley tədbirində iştirak etmək üçün Dağıstan Respublikasının Azərbaycan icmasının nümayəndələri Bakıya gəlib.

 

 

 

 

Qonaqlar Bakıda Fəxri Xiyabanı və Şəhidlər Xiyabanını ziyarət edib, ümummilli lider Heydər Əliyevin və qəhrəman şəhidlərimizin xatirələrini ehtiramla yad ediblər.

FOTO QALEREYA

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:https://diaspor.gov.az/az/news-detail/komite-sedri-dagistanin-azerbaycan-icmasinin-numayendelerini-qebul-edib-3671

 

 

 

]]> Daşkənddə Azərbaycan icmasının üzvləri ilə görüş keçirilib https://yeniekipgazetesi.com/dask%c9%99ndd%c9%99-az%c9%99rbaycan-icmasinin-uzvl%c9%99ri-il%c9%99-gorus-kecirilib-h45697.html Thu, 25 May 2023 15:24:04 +0000 https://1453kralmedya.com/dask%c9%99ndd%c9%99-az%c9%99rbaycan-icmasinin-uzvl%c9%99ri-il%c9%99-gorus-kecirilib-h45697.html

 

 

Daşkənddə Azərbaycan icmasının üzvləri ilə görüş keçirilib
2023
Daşkənddə Azərbaycan icmasının üzvləri ilə görüş keçirilib
Özbəkistanda səfərdə olan Diasporla İş üzrə Dövlət Komitəsinin sədri Fuad Muradov “Heydər Əliyev İli” çərçivəsində Özbəkistandakı Azərbaycan icmasının üzvləri ilə görüşüb.

Görüşdə Azərbaycanın Özbəkistandakı fövqəladə və səlahiyyətli səfiri Hüseyn Quliyev, Özbəkistan Respublikasının Mədəniyyət və Turizm Nazirliyinin nəzdində Millətlərarası münasibətlər və xarici ölkələrlə dostluq əlaqələri Komitəsinin sədr müavini Zafarbek Axmedov, Özbəkistandakı Heydər Əliyev adına Azərbaycan Mədəniyyət Mərkəzinin direktoru Samir Abbasov, Azərbaycan icmasının Daşkənd, Buxara, Səmərqənd və digər şəhərlərdən gələn diaspor nümayəndələri iştirak ediblər.

 

 

 

 

 

Əvvəlcə xalqımızın ümummilli liderinin və şəhidlərimizin əziz xatirələri bir dəqiqəlik sükutla yad edilib. Ardınca Heydər Əliyevə həsr olunan “Qaliblər əbədi yaşayır” sənədli filmi nümayiş nümayiş olunub.

Görüş iştirakçılarını salamlayan Diasporla İş üzrə Dövlət Komitəsinin sədri Fuad Muradov müasir Azərbaycanın və ölkəmizin diaspor quruculuğunun banisi Heydər Əliyevin tariximizdəki əvəzsiz və misilsiz xidmətlərindən danışıb, “Heydər Əliyev İli” çərçivəsində bütün dünyada müxtəlif xarakterli tədbirlərin gerçəkləşdirildiyini bildirib. Ulu öndərin siyasi kursunu uğurla davam etdirən Prezident İlham Əliyevin tapşırıqları əsasında həyata keçirilən diaspor quruculuğu, dövlətimizin xaricdə yaşayan soydaşlarımıza diqqət və qayğısı, Komitənin çoxşaxəli fəaliyyət istiqamətləri, xarici ölkələrdə 20 Azərbaycan Evinin, 15 Koordinasiya Şurasının fəaliyyət göstərdiyi, “Qarabağ”, “Nizami Gəncəvi” və sair adlar altında təşkil olunmuş Azərbaycan həftəsonu məktəbləri, “Heydər Əliyev İli” çərçivəsində bu il Naxçıvanda keçiriləcək Diaspor Gənclərinin IV Yay Düşərgəsi barədə ətraflı məlumat verib, Özbəkistandakı Azərbaycan icmasının yerli cəmiyyətə sıx inteqrasiyasını müsbət qiymətləndirib.

Diaspor fəallarından Respublika Azərbaycan Milli Mədəniyyət Mərkəzinin sədri Mobil Məmmədov, Daşkənddən İlham Abdullayev, Şahin Rzayev, Həzrət Əli, Mehriban Rəhimova, Səmərqənddən Adilağa Mirzəyev, Buxaradan Kamran Babayev və başqaları çıxış edərək, Heydər Əliyevin Azərbaycan və türk Dünyası qarşısındakı xidmətlərinin unudulmayacağını bildirib, tarixi kökləri olan Azərbaycan-Özbəkistan münasibətlərinin yüksək səviyyədə olduğunu və Özbəkistan hökumətinin soydaşlarımızın hərtərəfli inkişafı üçün şərait yaratdığını vurğulayıb, diaspor fəaliyyətinin gücləndirilməsi ilə bağlı rəy və təkliflərini səsləndiriblər. Görüş geniş fikir mübadiləsinin aparılması və sualların cavablandırılması ilə yekunlaşıb.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/daskendde-azerbaycan-icmasinin-uzvleri-ile-gorus-kecirilib-2993

 

 

 

]]> Avstraliya hökuməti İrandakı durumla əlaqədar Azərbaycan icmasının müraciətinə cavab verib https://yeniekipgazetesi.com/avstraliya-hokum%c9%99ti-irandaki-durumla-%c9%99laq%c9%99dar-az%c9%99rbaycan-icmasinin-muraci%c9%99tin%c9%99-cavab-verib-h41836.html Tue, 07 Mar 2023 14:04:06 +0000 https://1453kralmedya.com/avstraliya-hokum%c9%99ti-irandaki-durumla-%c9%99laq%c9%99dar-az%c9%99rbaycan-icmasinin-muraci%c9%99tin%c9%99-cavab-verib-h41836.html

 

 

 

 

Avstraliya hökuməti İrandakı durumla əlaqədar Azərbaycan icmasının müraciətinə cavab verib
, 2023

Resim
Avstraliya hökuməti İrandakı durumla əlaqədar Azərbaycan icmasının müraciətinə cavab verib
Avstraliya hökuməti Azərbaycan icmasının İranda insan hüquqlarının pozulması ilə bağlı məktubunu cavablandırıb.

Güney Azərbaycan Demokratik Türk Birliyinin İnsan və qadın hüquqları şöbəsinin müdiri Sara Azərsuna xarici işlər naziri, senator Penni Vonqun adından hökumətin Xarici işlər və ticarət departamentinin ünvanladığı məktubda bildirilib ki, Avstraliya qəzəbləndirici davranışına və etirazçılara qarşı davam edən ölümcül və qeyri-mütənasib güc tətbiqinə görə açıq olaraq İran rejimini fəal və ardıcıl şəkildə pisləyib.

Nəzərə çatdırılıb ki, Avstraliya hökuməti İslam İnqilabı Keşikçiləri Korpusunun (İİKK) Cinayət Məcəlləsi siyahısına daxil olunmasını və əməllərinə görə cavabdehliyini tələb edənləri yaxşı başa düşür. Lakin Cinayət Məcəlləsində nəzərdə tutulan siyahı dövlət subyektlərinə deyil, qeyri-dövlət subyektlərinə şamil edilir. İİKK isə tam olaraq İran dövlətinin tərkibinə daxildir və Cinayət Məcəlləsindəki terror təşkilatları haqqında müddəaların təsir dairəsinə düşmür: “Hökumət hesab edir ki, səfirliklər və diplomatik personal hökumətlər arasında rəsmi əlaqələri saxlamaq üçün vacibdir. Diplomatik əlaqələrimiz bizi narahat edən məsələlər, o cümlədən İranda insan haqlarının vəziyyəti ilə bağlı İran hökumətinə birbaşa müraciət etməyə imkan verir”.

Qeyd edilib ki, sanksiyalar hökumətin insanların hüquqların pozulmasına reaksiya vermək üçün istifadə edilə bilən tədbirlərdən yalnız biridir və Avstraliya hökuməti vəziyyəti, eləcə də digər mülahizələri diqqətlə qiymətləndirir.

İranda insan haqları ilə bağlı vəziyyətin Avstraliyanı çoxdan və ciddi şəkildə narahat etdiyinə, Avstraliya hökumətinin İranda etirazçıların edamını açıq şəkildə pislədiyinə, bütün edamların dərhal dayandırılmasına çağırdığına diqqət cəlb edilib.

“Hökumət İranda etnik və dini azlıqlara, qadınlara və qızlara qarşı rəftardan narahatdır. Bu yaxınlarda biz BMT-nin İqtisadi və Sosial Şurasının 14 dekabr 2022-ci il tarixli iclasındakı milli bəyanatımızda bu narahatlığı açıq şəkildə bildirdik. Avstraliya hökuməti bundan sonra da məqsədyönlü və strateji olaraq insan hüquqlarının müdafiəsi məqsədilə rejimə təzyiq göstərməyə davam edəcək”, – deyə məktubda vurğulanıb.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/avstraliya-hokumeti-irandaki-durumla-elaqedar-azerbaycan-icmasinin-muracietine-cavab-verib-2560

 

 

]]> İsrail Prezidenti Dağ Yəhudiləri icmasının nümayəndələri ilə görüşüb https://yeniekipgazetesi.com/israil-prezidenti-dag-y%c9%99hudil%c9%99ri-icmasinin-numay%c9%99nd%c9%99l%c9%99ri-il%c9%99-gorusub-h41506.html Thu, 02 Mar 2023 09:24:04 +0000 https://1453kralmedya.com/israil-prezidenti-dag-y%c9%99hudil%c9%99ri-icmasinin-numay%c9%99nd%c9%99l%c9%99ri-il%c9%99-gorusub-h41506.html

 

 

 

İsrail Prezidenti Dağ Yəhudiləri icmasının nümayəndələri ilə görüşüb
, 2023
İsrail Prezidenti Dağ Yəhudiləri icmasının nümayəndələri ilə görüşüb
İsrail Prezidenti İsxaq Hersoq Yerusəlim şəhərindəki Prezident iqamətgahında Dağ Yəhudiləri icmasının üzvlərini qəbul edib.

Görüşdə dövlət və ictimai xadimləri, o cümlədən Qafqaz əsilli Dağ Yəhudiləri Ümumİsrail Birliyinin sədri, Dağ Yəhudilərinin Parlament Lobbisinin baş direktoru Pavel Yelizarov, Akko şəhərindəki Dağ Yəhudiləri İcmasının sədri, Ümumİsrail Dağ Yəhudiləri Koordinasiya Şurasi sədrinin birinci müavini və “İsraildə Azərbaycan Evi – Gələcəyə Ümid” təşkilatının rəhbəri Nexamiya Şirin Mixaeli, Koordinasiya Şurasının icraçı direktoru, Nof Ha Galil şəhərinin dağ yəhudiləri cəmiyyətinin sədri Amir Xanox, Koordinasiya Şurasının üzvü, Migdal Ha Emek şəhərinin dağ yəhudiləri cəmiyyətinin sədri Dalya Şamilova, Koordinasiya Şurasının üzvü, Or Akiva şəhərinin dağ yəhudiləri cəmiyyətinin sədri Avrum Matatov, Koordinasiya Şurasının üzvü Galina Danilova, “Küşüv” ictimai gənclər cəmiyyətinin sədri Arnold Şamailov, İsrail ordusunun zabitləri Rafael Aqarunov və Elişa Xanukayev iştirak ediblər.

 

Görüş zamanı Pavel İlizarov rəhbərlik etdiyi birliyin fəaliyyətindən bəhs edərək, təşkilatın Azərbaycan-İsrail əlaqələrinin daha da genişləndirilməsi istiqamətindəki planlarına diqqəti cəlb edib.

Nexamiya Şirin Mixael “İsraildə Azərbaycan Evi – Gələcəyə Ümid” təşkilatının fəaliyyəti, Birinci və İkinci Qarabağ müharibələrində Azərbaycan yəhudilərinin iştirakı, yəhudi əsilli Azərbaycan Milli Qəhrəmanı Albert Aqarunov və müharibədə itkin düşmüş Veqar Mikailov, Xocalı soyqırımının 31-ci ildönümü ilə əlaqədar İsraildə keçirilən tədbirlər barədə ətraflı məlumat verib. İki ölkənin ictimai-mədəni əlaqələrinin böyük potensialı olduğunu vurğulayıb.

Hər iki natiq təşkilatlarının Azərbaycanla bağlı planlarında İsrail Prezidentinin şəxsən iştirakını xahiş edib.

İsrail Prezidenti səmimi atmosferdə keçirilən görüşdən məmnunluğunu bildirib, dağ yəhudilərinin tarixinə yaxşı bələd olduğunu vurğulayıb. İsraildə Azərbaycan Evinin fəaliyyət göstərməsini və Qafqaz əsilli Dağ Yəhudiləri Ümumİsrail Birliyinin “Xocalıya Ədalət” kampaniyasında fəal iştirakını yüksək qiymətləndirib, toxunulan məsələlərə görə təşəkkür edib.

İsrail Prezidenti yaxın zamanlarda Azərbaycana səfər edəcəyini və bu səfərdə Ümumİsrail Dağ Yəhudiləri Birliyinin Koordinasiya Şurasının xüsusi rol oynaya biləcəyini qeyd edib. “Azərbaycan xalqının və hökümətinin yəhudilərə dostdan artıq, qardaş münasibət bəslədiyini bütün qəlbimlə hiss edirəm”, – deyə Prezident bildirib.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/israil-prezidenti-olkesindeki-dag-yehudileri-icmasinin-numayendeleri-ile-gorusub-2506

 

 

 

]]> Avstraliyalı millət vəkilləri ilə Azərbaycan icmasının əməkdaşlıq perspektivləri müzakirə edilib https://yeniekipgazetesi.com/avstraliyali-mill%c9%99t-v%c9%99kill%c9%99ri-il%c9%99-az%c9%99rbaycan-icmasinin-%c9%99m%c9%99kdasliq-perspektivl%c9%99ri-muzakir%c9%99-edilib-h38322.html Fri, 09 Dec 2022 18:18:20 +0000 https://1453kralmedya.com/avstraliyali-mill%c9%99t-v%c9%99kill%c9%99ri-il%c9%99-az%c9%99rbaycan-icmasinin-%c9%99m%c9%99kdasliq-perspektivl%c9%99ri-muzakir%c9%99-edilib-h38322.html

 

 

 

Avstraliyalı millət vəkilləri ilə Azərbaycan icmasının əməkdaşlıq perspektivləri müzakirə edilib

Avstraliyalı millət vəkilləri ilə Azərbaycan icmasının əməkdaşlıq perspektivləri müzakirə edilib

Avstraliyada fəaliyyət göstərən Azərbaycan icmasının Yeni Cənub Uels (NSW) əyalət parlamentinin üzvləri ilə görüşü keçirilib.

Görüşdə Avstraliya Azərbaycanlıları Assosiasiyasının rəhbəri, Avstraliya və Okeaniya ölkələri üzrə Azərbaycanlıların Koordinasiya Şurasının əlaqələndiricisi Mikayıl Oyta, əyalət parlamentində Leyborist partiyasını təmsil edən millət vəkili, kiçik biznes, əmlak və multikulturalizm üzrə kölgə naziri Stiven Kamper, millət vəkili Marjori Spuner O’Nil və Yeni Cənub Uels əyalətinin Bondi Ticarət Palatasının prezidenti Emmanuel Konstantinou iştirak ediblər.

Görüş zamanı Azərbaycan icmasının fəaliyyəti barədə ətraflı məlumat verilib. Azərbaycan dövlətinin Cənubi Qafqaz bölgəsində sülhsevər və normallaşma münasibətlərinin bərqərar olması naminə ciddi səylər göstərdiyinə, dünyəvi, multikultural və tolerantlıq dəyərlərinə sadiq qaldığına, iki il öncə işğaldan azad etdiyi Qarabaq iqtisadi rayonunda bərpa-quruculuq işləri həyata keçirdiyinə diqqət cəlb edilib.

Növbəti ildə keçiriləcək parlament seçkilərində soydaşlarımızın fəal iştirakı və gələcək əməkdaşlıq perspektivləri də müzakirə olunub.

 

dostların arasında bunu ilk tövsiyyə edən sən ol

 

kaynak:http://diaspor.gov.az/az/news-detail/avstraliyali-millet-vekilleri-ile-azerbaycan-icmasinin-emekdasliq-perspektivleri-muzakire-edilib-2038

 

 

]]>