Komitə sədri fransalı hüquqşünas-araşdırmaçını qəbul edib

, 2023

Komitə sədri fransalı hüquqşünas-araşdırmaçını qəbul edib

Diasporla İş üzrə Dövlət Komitəsinin sədri Fuad Muradov daxili təhlükəsizlik və inzibati hüquq üzrə tanınmış fransalı hüquqşünas-araşdırmaçı Kristian Valları qəbul edib.

Qonağı salamlayan Komitə sədri dövlətimizin diaspor siyasəti, bu istiqamətdə həyata keçirilən layihələr, Azərbaycanın Qarabağ bölgəsində apardığı son antiterror tədbirlərinə gətirib çıxaran səbəblər, erməni əhalisinə və mülki infrastruktura heç bir zərər yetirilmədiyi və təzyiq göstərilmədiyi faktlarının Xankəndiyə və ətrafına səfər etmiş BMT missiyası tərəfindən təsdiqləndiyi, erməni əhalisinin Qarabağ bölgəsində yaşaması üçün Azərbaycan dövlətinin təklif etdiyi reinteqrasiya şərtləri barədə ətraflı danışıb. Eyni zamanda Azərbaycan ictimaiyyətinin və xaricdə yaşayan soydaşlarımızın beynəlxalq hüquq çərçivəsində həll olunmuş Qarabağ məsələsi ilə bağlı Fransanın ölkəmizə qarşı tutduğu qərəzli mövqedən təəssüfləndiyi diqqətə çatdırılıb.

Səmimi qəbula görə təşəkkürünü bildirən Kristian Vallar paytaxt Bakıdakı görüşləri, Füzuliyə səfəri və Azərbaycan icmasının Fransada fəaliyyəti ilə bağlı fikirlərini bölüşüb. Azərbaycana səfərinin baş tutmasına görə təşkilatçılara minnətdarlığını bildirib.

Görüşdə “Paris Azərbaycan Evi”nin sədri, Fransada Azərbaycanın Dostları Assosiasiyasının baş katibi Mirvari Fətəliyeva da iştirak edib.

Qeyd edək ki, tanınmış ekspert ictimai hüquq üzrə bakalavr və magistr dərəcələrini Nitsa Universitetində tamamlayıb. O, İnzibati, Konstitusiya, Maliyyə və Fiskal Hüquq üzrə Araşdırmalar və Tədqiqatlar Mərkəzini (CERDACFF) təsis edib. İndiyədək Nitsa Sophiya Antipolis Universitetində, Savoya Universitetində, Cote d’Azur Universitetində müxtəlif vəzifələrdə çalışıb. Hazırda Nitsa Universitetinin Hüquq fakültəsi və Rumıniyanın Pitesti Universiteti ilə əməkdaşlıq proqramının meneceri kimi fəaliyyətini davam etdirir. Azərbaycan Elmlər Akademiyasının fəxri doktoru və fəxri professoru adına, Azərbaycan Dillər Universitetinin ekspert qiymətləndiricisi statusuna layiq görülüb.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/komite-sedri-fransali-huquqsunas-arasdirmacini-qebul-edib-3694

Fransalı qonaqlar Şuşa şəhərinə səfər ediblər
2023
Fransanın Qurji-lö-Şato kommunasının meri Lu Bomiye və “Danser” jurnalının baş redaktoru Mişel Oden ölkəmizin mədəniyyət paytaxtı Şuşa şəhərinə səfər ediblər.

Fransalı qonaqlar Şuşa şəhərinə səfər ediblər

Səfər Fransada Azərbaycanın Dostları Assosiasiyasının təşkilatçılığı ilə baş tutub.

Şuşa ilə qonaqların tanışlığı Azərbaycan mədəniyyətinin görkəmli nümayəndələri Xurşidbanu Natəvan, Üzeyir Hacıbəyov və Bülbülün güllələnmiş heykəllərinin yerləşdiyi mərkəzi meydandan başlayıb. Şuşa Şəhəri Dövlət Qoruğu İdarəsinin əməkdaşı qonaqlara mədəniyyət paytaxtımız və güllələnmiş heykəllər barədə məlumat verib. Bildirilib ki, işğal illərində ermənilər heykəlləri Ermənistana apararaq əridib satmaq istəyiblər. Bu xəbər Bakıya çatan kimi ulu öndər Heydər Əliyevin təşəbbüsü ilə həmin heykəllər alınaraq Azərbaycana gətirilib. O zamandan Bakıdakı İncəsənət Muzeyinin həyətində saxlanılan abidələr Şuşa işğaldan azad olunduqdan sonra Prezident İlham Əliyevin tapşırığı ilə əvvəlki yerlərinə qaytarılıb.

Sonra Xurşidbanu Natəvanın evini, Xan qızı bulağını, Üzeyir Hacıbəyovun heykəlini, Şuşa qala divarlarını və Gəncə qapısını, Bülbülün ev-muzeyini ziyarət edən qonaqlar Yuxarı Gövhər Ağa məscidində olublar. Onlara Şuşa şəhərinin və qalasının tarixi, Şuşa qalasının Qarabağ xanı Pənahəli xan tərəfindən inşa edildiyi, qalanın uzun müddət şəhəri xarici müdaxilələrdən qoruduğu, alınmazlıq rəmzinə çevrildiyi, işğal dönəmində qala divarlarının və mədəniyyət abidələrimizin ermənilər tərəfindən vandalizmə məruz qaldığı, qədim artefaktlarımızın saxtalaşdırılması, Şuşa işğaldan azad edildikdən sonra şəhərdə infrastrukturun qurulması ilə yanaşı, şəhərin əsl simasının, tarixi və mədəniyyət abidələrinin bərpasına start verildiyi nəzərə çatdırılıb.

Səfərin sonunda Cıdır düzündən açılan əsrarəngiz mənzərəni seyr edən qonaqlar Şuşa şəhəri ilə tanışlıqdan zəngin təəssüratla ayrılıblar.

Qeyd edək ki, qonaqları Paris Azərbaycan Evinin rəhbəri, Fransada Azərbaycanın Dostları Assosiasiyasının baş katibi Mirvari Fətəliyeva müşayiət edib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/fransali-qonaqlar-susa-seherine-sefer-edibler-2989

Fransalı – Yeni Ekip Gazetesi

Komitə sədri fransalı hüquqşünas-araşdırmaçını qəbul edib

Fransalı qonaqlar Şuşa şəhərinə səfər ediblər