Fikrət Əmirovun – Yeni Ekip Gazetesi

Kerrollton şəhərində texaslıların minasız Azərbaycan üçün xeyriyyə kampaniyası təşkil edilib

Abdullah Yiğit — Fri, 13 Oct 2023 15:43:48 +0000

Kerrollton şəhərində texaslıların minasız Azərbaycan üçün xeyriyyə kampaniyası təşkil edilib

, 2023

Kerrollton şəhərində texaslıların minasız Azərbaycan üçün xeyriyyə kampaniyası təşkil edilib

ABŞ-ın Texas ştatının Kerrollton şəhərində “Texaslılar minasız dünya üçün: Azərbaycan” layihəsi əsasında xeyriyyə tədbiri keçirilib.

Amerika-Azərbaycan Musiqi Fondu, Amerika Azərbaycanlıları Koordinasiya Şurası, Hyuston-Bakı Qardaşlaşmış Şəhərlər Assosiasiyası və İcma Xidmətlərində Qabaqcıl Təcrübə Mərkəzinin təşkilatçılığı, “Marshal Legacy Institute” (MLI) və Azərbaycan Respublikası Ərazilərinin Minadan Təmizlənməsi üzrə Milli Agentliyinin (ANAMA) tərəfdaşlığı ilə baş tutan tədbirdə Kerrollton şəhər meriyasının, Dallas ictimaiyyətinin, Azərbaycanın, Türkiyənin, Pakistanın diplomatik korpuslarının, Azərbaycan və dost icmaların nümayəndələri iştirak ediblər.

Başlıca məqsəd ABŞ rəsmiləri və ictimaiyyətinin diqqətini Azərbaycanın post-müharibə dövründə Qarabağda qarşılaşdığı mina probleminin insan həyatına və ətraf mühitə dağıdıcı təsirinə cəlb etmək, minaaxtaran itin (MDD) alınıb Azərbaycana göndərilməsi üçün 25 min dollar ianə toplanmasına start vermək olub.

Azərbaycan və ABŞ-ın Dövlət himnlərinin səsləndirilməsi ilə başlayan tədbiri Amerika-Azərbaycan Musiqi Fondunun təsisçisi və icraçı direktoru Cəmilə Cavadova-Şpitsberq açıb və bu kampaniyanın təşkil olunmasında iştirak edən bütün təşkilatlara minnətdarlığını ifadə edib. Sonra Kerrollton şəhərinin meri Stiv Bebik tədbir iştirakçılarını salamlayıb.

Tədbirdə əsas məruzəçi qismində çıxış edən Azərbaycanın ABŞ-dakı səfiri Xəzər İbrahim ölkəmizdəki mina problemi barədə ətraflı məlumat verib. Texas ictimaiyyətinə və təşkilatçılara Azərbaycana yardım etmək məqsədilə nümayiş etdirdikləri baxışlarına və xeyirxahlığa görə minnətdarlığını bildirib. Türkiyənin Hyustondakı Baş konsulu Ahmet Akıntı, Pakistanın Hyustondakı Baş konsulu Muhammad Aftab Çaudri, ABŞ-Azərbaycan Ticarət Palatasının icraçı direktoru Natiq Baxışov, MLİ-nin Virciniyadakı icraçı direktoru Elize Bekker, ANAMA-nın İdarə Heyəti sədrinin müavini Samir Poladov (videobağlantı vasitəsilə), Dallas Universitetinin müəllimi, tibb elmləri doktoru Dürdanə Balakişiyeva çıxışlarında mina probleminin cəmiyyətə dağıdıcı təsirindən danışıb, texaslıları bu xeyirxah missiyada fəal olmağa çağırıblar. Məruzələr və çıxışlar Azərbaycan ərazilərində basdırılmış minaların və partlamamış hərbi sursatların yaratdığı təhlükəni əks etdirən videoçarxların nümayişi ilə müşayiət olunub.

Tədbirin bədii hissəsində Toğrul Orucovun kamançada ifasında Azərbaycan musiqisi səsləndirilib, soydaşımız, tanınmış rəqqasə Ləman Hendriksin ifasında Azərbaycan rəqsləri, Vivyen Bennetin ifasında Azərbaycanın görkəmli bəstəkarı Fikrət Əmirovun “Min bir gecə” baletindən parça təqdim edilib.

Tədbir çərçivəsində Azərbaycanda mina problemini özündə əks etdirən sərginin təşkili qonaqlarda böyük maraq doğurub.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/kerrollton-seherinde-texaslilarin-minasiz-azerbaycan-ucun-xeyriyye-kampaniyasi-teskil-edilib-3673

Daşkənd şəhərində Fikrət Əmirovun simfonik əsərləri səsləndirilib

Abdullah Yiğit — Sat, 08 Apr 2023 09:09:04 +0000

Daşkənd şəhərində Fikrət Əmirovun simfonik əsərləri səsləndirilib
, 2023
Daşkənd şəhərində Fikrət Əmirovun simfonik əsərləri səsləndirilib
Özbəkistan Dövlət Konservatoriyasının böyük zalında Azərbaycan bəstəkarlıq məktəbinin görkəmli nümayəndəsi, simfonik muğam janrının banisi Fikrət Əmirova həsr olunmuş “Sevgimizin səması” adlı simfonik konsert keçirilib.

Qardaş ölkədə fəaliyyət göstərən Heydər Əliyev adına Azərbaycan Mədəniyyət Mərkəzinin dəstəyi ilə baş tutan tədbirdə mədəniyyət və incəsənət xadimləri, yerli ictimaiyyətin tanınmış nümayəndələri, “Özbəkistan-Azərbaycan” Dostluq Cəmiyyətinin rəhbərliyi, Daşkənddəki ali məktəblərin müəllim-tələbə heyəti iştirak ediblər.

Konsert öncəsi çıxış edən Özbəkistanın əməkdar incəsənət xadimi Andrey Slonim dahi bəstəkarın musiqi irsini milli sərvət adlandırıb, onun yaratdığı misilsiz, əzəmətli və ölməz əsərlərin dünya inciləri xəzinəsini bəzədiyini vurğulayıb.

Sonra beynəlxalq müsabiqələr laureatı Bobomurod Xudoykulovun dirijorluğu ilə Özbəkistan Dövlət Konservatoriyasının nəzdindəki teatr-studiyanın simfonik orkestrinin ifasında məşhur “Şur” simfonik muğamı, ərəb mövzularında fortepiano və orkestr üçün konsert təqdim olunub. Fortepianoda əsəri Özbəkistanın əməkdar artisti Adiba Şaripova ifa edib.

Konsert zamanı hər musiqi əsərinə uyğun görüntülərdən ibarət video-çarxlar nümayiş etdirilib.

Azərbaycan bəstəkarının böyük maraq doğuran əsərləri tamaşaçıların gur alqışları ilə qarşılanıb.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/daskend-seherinde-fikret-emirovun-simfonik-eserleri-seslendirilib-2739

Hayfa şəhərində Fikrət Əmirovun ölməz əsərləri səsləndirilib

Abdullah Yiğit — Wed, 28 Dec 2022 17:00:38 +0000

Hayfa şəhərində Fikrət Əmirovun ölməz əsərləri səsləndirilib

2022

Hayfa şəhərində Fikrət Əmirovun ölməz əsərləri səsləndirilib

İsrailin Hayfa şəhərində yerləşən “Krieger” Sənət Mərkəzində görkəmli Azərbaycan bəstəkarı Fikrət Əmirovun 100 illiyinə həsr olunmuş konsert keçirilib.

Diasporla İş üzrə Dövlət Komitəsinin dəstəyi və “Azİz” İsrail-Azərbaycan Beynəlxalq Assosiasiyasının təşkilatçılığı ilə baş tutan konsertdə yerli ictimaiyyətin nümayəndələri və Azərbaycan diasporunun üzvləri iştirak ediblər.

Konsert öncəsi çıxış edən Azərbaycanın xalq artisti, professor Yalçın Adıgözlov bildirib ki, il ərzində ABŞ-dan Pekinə qədər dünyanın müxtəlif ölkələrində Azərbaycan bəstəkarlıq məktəbinin böyük nümayəndəsi, simfonik muğam janrının banisi Fikrət Əmirovun yaradıcılığına həsr olunmuş konsertlər keçirilib. “Lakin çox şadam ki, bu əlamətdar ilin yekun konserti İsraildə keçirilir”, – deyə maestro vurğulayıb.

Sonra Hayfa Simfonik Orkestrinin ifasında Fikrət Əmirovun “Azərbaycan kapriççiosu”, “Kürd ofşarı” simfonik muğamı və “Nəsimi nağılı” simfonik poeması təqdim edilib.

Azəbaycanın mədəni sərvətlər xəzinəsinə misilsiz töhfələr bəxş etmiş Fikrət Əmirovun ecazkar musiqisini heyranlıqla dinləyən tamaşaçılar hər bir parçadan sonra ifaçıların ünvanına gurultulu alqışlar ünvanlayıblar.

Konsertdən sonra yerli ictimaiyyətin nümayəndələri ifaçılara və tədbirin təşkilatçılarına səmimi təşəkkürlərini bildiriblər. Yerli sakinlərin əksəriyyətinin fikrincə, bu, onları ilk dəfə sevdikləri, lakin artıq həmişə dinləməyə hazır olduqları heyrətamiz Azərbaycan musiqisi ilə tanış edən bir axşam olub.

FOTO QALEREYA

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/hayfa-seherinde-fikret-emirovun-olmez-eserleri-seslendirilib-2124