etdirir – Yeni Ekip Gazetesi

Azərbaycan futbol klubu Polşanın həvəskarlar liqasında peşəkarlıq nümayiş etdirir

Abdullah Yiğit — Fri, 11 Aug 2023 18:44:30 +0000

Azərbaycan futbol klubu Polşanın həvəskarlar liqasında peşəkarlıq nümayiş etdirir

, 2023
Azərbaycan futbol klubu Polşanın həvəskarlar liqasında peşəkarlıq nümayiş etdirir
Polşanın həvəskarlar liqasında Katovitse şəhərini təmsil edən “Land of Fire” (“Odlar Yurdu”) Azərbaycan futbol klubu uğurla çıxış edir.

“Land of Fire” klubu 2022-ci ilin avqustunda Polşada yaşayan soydaşlarımız Əli Nəcəfov və Heydər Qurbanovun birgə təşəbbüsü ilə qurulub. Soydaşlarımız öncə bu addımı asudə vaxtın səmərəli keçirilməsi məqsədilə atıblar. Sonradan klub Polşadakı həvəskar liqaya qoşulub və uğurlar qazandığından ölkə kuboku uğrunda yarışa dəvət olunub.

Hazırda Polşa Azərbaycanlıları Koordinasiya Şurasının koordinatoru Əli Nəcəfovun rəhbərlik etdiyi klubun tərkibində azərbaycanlı futbolçularla yanaşı, 3 əcnəbi – ukraynalı, braziliyalı və misirli futbolçu təmsil olunur. Onların arasında Heydər Qurbanov (qapıçı, kapitan), İsmayıl Hüseynov (qapıçı), Vadim Şəfiyev, Pərvin Nəcəfov, Əlisahib Əmiraslanov, Vlad Bebeşko (müdafiəçilər), Murad Qocayev, Hossen Şalabi, Rüfət Ağayev (yarımmüdafiəçilər), Nikolas Decarli, Cavid Süleymanov (hücumçular) kimi futbolçular var. Komandanın məşqçisi Ülvi Musayevdir.

Soydaşlarımızın bəziləri vaxtilə Azərbaycanın müxtəlif futbol klublarında peşəkar oyunçu olublar, lakin zədələr səbəbindən futbolçu karyeraları ilə vidalaşıblar. Polşanın müxtəlif şəhərlərində yaşasalar da, tarixi vətənlərinə, futbola olan sevgiləri və Azərbaycan bayrağını yüksəklərə ucaltmaq arzusu onları bir araya gətirib.

Əli Nəcəfovun sözlərinə görə, hələlik liqa oyunlarında ən parlaq nəticəni Əlisahib Əmiraslanov göstərib və 75-ə yaxın qolun müəllifidir. Polşada Azərbaycan futbol klubu yerli ictimaiyyətə Azərbaycan dövlətini, xalqımızı və bayrağımızı tanıtmaq, komandanı peşəkar liqaya çıxarmaq və soydaşlarımızın yerli peşəkar futbol klublarına transfer edilməsinə nail olmaq məqsədilə təşkil edilib.

O nəzərə çatdırıb ki, başlanğıc o qədər də asan olmayıb, öncə liqada hakimlərin Azərbaycan klubuna qarşı aqressiv və ədalətsiz davranışı ilə qarşılaşıblar: “Amma zəhmətimiz və inadkarlığımız sayəsində indi bizim klubu özlərindən biri kimi qəbul edirlər. Bu, hədəflərimizdən biri idi və buna çatdıq”.

Yeri gəlmişkən, “Land of Fire” klubunun üzvləri vaxtaşırı Varşavada fəaliyyət göstərən Azərbaycan Evini də ziyarət edirlər. Komandanın uğurları ilə bağlı sevinclərini Varşavadakı soydaşlarımızla bölüşür, gələcək planları barədə fikirlərini bildirirlər.

FOTO QALEREYA

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/azerbaycan-futbol-klubu-polsanin-heveskarlar-liqasinda-pesekarliq-numayis-etdirir-3314

Rusiyanın Sverdlovsk vilayətindəki diasporumuz Türkiyəyə humanitar yardım kampaniyasını davam etdirir

Abdullah Yiğit — Thu, 16 Feb 2023 15:26:26 +0000

Rusiyanın Sverdlovsk vilayətindəki diasporumuz Türkiyəyə humanitar yardım kampaniyasını davam etdirir
, 2023
Rusiyanın Sverdlovsk vilayətindəki diasporumuz Türkiyəyə humanitar yardım kampaniyasını davam etdirir
Rusiyanın Sverdlovsk vilayətində və Yekaterinburq şəhərində fəaliyyət göstərən Azərbaycan icması Türkiyənin zəlzələ bölgəsinə göstərilən humanitar yardım kampaniyasını davam etdirir.

“Ural-Azərbaycan” Sverdlovsk vilayəti Milli-Mədəni Regional Təşkilatının sədri Şahin Şıxlinskinin rəhbərliyi ilə yaradılmış operativ qərargahda zəlzələdən zərərçəkmişlər üçün 642 min manat (28 milyon rubl) dəyərində humanitar yardım toplanıb. Yardıma isti yataq dəstləri, çarpayı, geyim, ərzaq, tibbi ləvazimatlar və sair əşyalar daxildir.

Bundan başqa, “Ural-Azərbaycan” Sverdlovsk vilayəti Milli-Mədəni Regional Təşkilatı Kurqan və Tümen vilayətlərinin Azərbaycan icması ilə birlikdə qardaş ölkənin zəlzələ bölgəsinə 86 400 manat məbləqində humanitar yardım (72 ədəd biotualet) göndərib

Sverdlovsk vilayətində yaşayan soydaşlarımızın köməyi ilə toplanan yardım Türkiyənin zəlzələ bölgəsinə yola salınıb.

Qeyd edək ki, zəlzələnin ilk günlərində “Ural-Azərbaycan” Sverdlovsk vilayəti Milli-Mədəni Regional Təşkilatının 81 min manat məbləğində topladığı humanitar yardım (1500 yorğan, 1020 döşək, 4 min corab, 4 min əlcək, 8200 uşaq bezi, 1000 isti paltar) Türkiyənin Kazan şəhərindəki Baş konsulluğuna təhvil verilib.

Humanitar yardımın yola salınması mərasimində çıxış edən Azərbaycanın Yekaterinburq şəhərində baş konsul vəzifəsini icra edən Şöhrət Mustafayev, “Azərbaycan-Ural” Milli mədəni təşkilatının sədri Şahin Şıxlinski və Tümen vilayətindəki diaspor təşkilatının sədr müavini Tanrıverdi Tanrıverdiyev azərbaycanlıların türk xalqının acılarına şərik olduqlarını vurğulayıb, əməyi keçən hər kəsə öz təşəkkürlərini bildiriblər.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/rusiyanin-sverdlovsk-vilayetindeki-diasporumuz-turkiyeye-humanitar-yardim-kampaniyasini-davam-etdirir-2392

Dünya azərbaycanlıları Türkiyənin yanında olduğunu nümayiş etdirir

Abdullah Yiğit — Tue, 14 Feb 2023 12:28:27 +0000

Dünya azərbaycanlıları Türkiyənin yanında olduğunu nümayiş etdirir

, 2023
Dünya azərbaycanlıları Türkiyənin yanında olduğunu nümayiş etdirir
Türkiyənin cənub-şəqrində baş vermiş dəhşətli zəlzələ dünyanın bütün mütərəqqi qüvvələrini, o cümlədən dünya azərbaycanlılarını da səfərbər edib.

Türkiyə, Qazaxıstan, Qırğızıstan, Özbəkistan, ABŞ, Kanada, Böyük Britaniya, Avstraliya, Almaniya, İsveç, Macarıstan, Niderland, Polşa, Estoniya, Ukrayna, Gürcüstan, Yunanıstan, Rusiya, Pakistan, Birləşmiş Ərəb Əmirlikləri, Oman Sultanlığı və digər ölkələrdə fəaliyyət göstərən diaspor təşkilatlarının fəalları Türkiyənin diplomatik missiyaları vasitəsilə zəlzələ qurbanlarının ailələrinə başsağlığı verməklə yanaşı, həm mənəvi, həm də maddi cəhətdən qardaş ölkənin yanında olduqlarını nümayiş etdirirlər.

“Səninləyik, Türkiyə!” çağırışı ilə yardım kampaniyasına qoşulan soydaşlarımız Türkiyə səfirliklərinin və yardım fondlarının hesablarına pul köçürür, ərzaq, geyim, yataq dəstləri, tibbi ləvazimatlar və gigiyena vasitələrindən ibarət humanitar yardımları diplomatik missiyaların və türk icmalarının vasitəsilə zəlzələ bölgəsinə göndərirlər.

Dünya azərbaycanlıları əmindirlər ki, qüdrətli Türkiyə dövləti və xalqı bu dağıdıcı təbii fəlakətin fəsadlarını tezliklə aradan qaldıracaq.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/dunya-azerbaycanlilari-turkiyenin-yaninda-oldugunu-numayis-etdirir-2374