Almaniyadakı Azərbaycanlı Həkimlərin II Forumu Berlində təşkil ediləcək

18 sentyabr, 2023

Almaniyadakı Azərbaycanlı Həkimlərin II Forumu Berlində təşkil ediləcək

Noyabrın 18-də Almaniyanın paytaxtı Berlində Almaniyadakı Azərbaycanlı Həkimlərin II Forumu keçiriləcək.

Diasporla İş üzrə Dövlət Komitəsinin nəzdində fəaliyyət göstərən Azərbaycan Diasporuna Dəstək Fondunun dəstəyi, Almaniya Azərbaycanlıları Alyansının təşkilatçılığı və Azərbaycanın Almaniyadakı səfirliyinin iştirakı ilə baş tutan forum “Heydər Əliyev İli” çərçivəsində gerçəkləşdiriləcək.

Bu münasibətlə forumun Təşkilat Komitəsi soydaşlarımızı https://ga-symposium.com saytında qeydiyyatdan keçməyə dəvət edib.

Təşkilat Komitəsinin müraciətində bildirilib ki, payızda keçiriləcək forum müasir Azərbaycan dövlətinin qurucusu Heydər Əliyevin 100 illik yubileyinin bütün dünyada qeyd edildiyi dövrə təsadüf edir. Forumun uzun illər Almaniyanın tibb ocaqlarında çalışan, müəyyən nüfuz sahibinə çevrilən azərbaycanlı elm adamları, həkimləri və bu yola başlayan gənc tibb işçilərini bir araya gətirmək, onlar arasında Almaniyada nümunəvi şəbəkələşməni yaratmaq və elmi-praktik mübadilə aparmaq baxımından böyük əhəmiyyət kəsb etdiyi vurğulanıb.

Xatırladaq ki, Almaniyada Azərbaycanlı Həkimlərin I Forumu 2022-ci ilin mart ayında Köln şəhərində keçirilib. Həmin tədbirdə Almaniyanın 34 şəhərində fəaliyyət göstərən 200-dən çox elm xadimi və həkim iştirak edib.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/almaniyadaki-azerbaycanli-hekimlerin-ii-forumu-berlinde-teskil-edilecek-3464

Azərbaycan musiqisi Or-Akiva şəhərinin parklarında canlı ifa ediləcək

, 2023

Azərbaycan musiqisi Or-Akiva şəhərinin parklarında canlı ifa ediləcək

İsrailin Or-Akiva şəhərində fəaliyyət göstərən və Azərbaycan musiqisini dost ölkədə təbliğ edən “Sevgi” instrumental ansamblı “Həyətinizdə canlı musiqi” layihəsinə start verir.

11 iyul və 16 iyul tarixlərində axşam saat 18.00-da baş tutacaq konsertlər üçün şəhərin Şizar və Orot rayonlarının parkları musiqi meydanı kimi seçilib. Layihənin başlıca məqsədi dağ yəhudilərinin və Azərbaycanın musiqi irsini İsraildə və onun hüdudlarından kənarda qoruyub saxlamaq və təbliğ etməkdir.

Qeyd edək ki, “Sevgi” instrumental ansamblı Mark Aqarunovun direktoru olduğu “Sevgi” musiqi mərkəzinin nəzdində fəaliyyət göstərir. Ansamblın bədii rəhbəri, kamança ifaçısı Salman Rabayevdir. Ansamla Yakov Semenduyev (klaviş), Gennadi Binayev (gitara), Rüstəm Yunayev (nağara) kimi peşəkar musiqiçilər daxildir.

“Azİz” İsrail-Azərbaycan Beynəlxalq Assosiasiyasının üzvü olan Salman Rabayev 1950-ci il oktyabrın 22-də Bakıda anadan olub. Azərbaycan Neft və Kimya İnstitutunun İqtisadiyyat fakültəsini bitirib. 1990-cı ildən İsraildə yaşayır. Bakını çox sevən musiqiçi şeir və mahnılarını doğma şəhərimizə həsr edir, Azərbaycanı daim dəstəkləyir. Onun repertuarında “Qarabağ”, “Şur” muğamı, “Ana Kür” mahnısı və sair əsərlər var.

Azərbaycan musiqisini və həqiqətlərini İsraildə fəal şəkildə təbliğ etdiyinə görə Azərbaycan Respublikasının “Diaspor fəaliyyətində xidmətə görə” medalı ilə təltif edilib.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/azerbaycan-musiqisi-or-akiva-seherinin-parklarinda-canli-ifa-edilecek-3195

ediləcək – Yeni Ekip Gazetesi

Almaniyadakı Azərbaycanlı Həkimlərin II Forumu Berlində təşkil ediləcək

Azərbaycan musiqisi Or-Akiva şəhərinin parklarında canlı ifa ediləcək