Azərbaycan Respublikasının xarici işlər naziri Ceyhun Bayramov – Yeni Ekip Gazetesi https://yeniekipgazetesi.com Wed, 24 Apr 2024 16:40:10 +0000 tr hourly 1 https://yeniekipgazetesi.com/wp-content/uploads/2025/03/cropped-Yeni-Ekip-32x32.webp Azərbaycan Respublikasının xarici işlər naziri Ceyhun Bayramov – Yeni Ekip Gazetesi https://yeniekipgazetesi.com 32 32 Nazir Ceyhun Bayramovun Əlcəzair Xalq Demokratik Respublikasının ölkəmizdəki fövqəladə və səlahiyyətli səfiri Abdelvahab Osman ilə görüşünə dair mətbuat məlumatı https://yeniekipgazetesi.com/nazir-ceyhun-bayramovun-elc%c9%99zair-xalq-demokratik-respublikasinin-olk%c9%99mizd%c9%99ki-fovq%c9%99lad%c9%99-v%c9%99-s%c9%99lahiyy%c9%99tli-s%c9%99firi-abdelvahab-osman-il%c9%99-gorusun%c9%99-dair-h56684.html Wed, 24 Apr 2024 16:40:10 +0000 https://1453kralmedya.com/nazir-ceyhun-bayramovun-elc%c9%99zair-xalq-demokratik-respublikasinin-olk%c9%99mizd%c9%99ki-fovq%c9%99lad%c9%99-v%c9%99-s%c9%99lahiyy%c9%99tli-s%c9%99firi-abdelvahab-osman-il%c9%99-gorusun%c9%99-dair-h56684.html

No:175/24, Nazir Ceyhun Bayramovun Əlcəzair Xalq Demokratik Respublikasının ölkəmizdəki fövqəladə və səlahiyyətli səfiri Abdelvahab Osman ilə görüşünə dair mətbuat məlumatı

 

 

 

19 aprel 2024-cü il tarixində Azərbaycan Respublikasının xarici işlər naziri Ceyhun Bayramov Əlcəzair Xalq Demokratik Respublikasının ölkəmizdəki fövqəladə və səlahiyyətli səfiri Abdelvahab Osmanı ölkəmizdəki diplomatik fəaliyyətinin başa çatması münasibətilə qəbul edib.

 

Nazir Ceyhun Bayramov ölkəmizdə fəaliyyəti dövründə Azərbaycan və Əlcəzair arasında münasibətlərin inkişafı istiqamətində göstərdiyi səylərə görə səfir Abdelvahab Osmana təşəkkür edib, ona gələcək fəaliyyətində uğurlar arzulayıb.

 

Tərəflər Azərbaycanla Əlcəzair arasında artan tərəfdaşlığın, dost münasibətlərin, yüksək səviyyəli təmasların məmnunluq doğurduğunu vurğulayıblar. Ölkələrimiz arasında siyasi, iqtisadi, humanitar, enerji, parlamentlərarası əlaqələr və digər istiqamətlərdə əlaqələrin genişləndirilməsi sahələrində qarşılıqlı fəaliyyətin əhəmiyyəti qeyd olunub. Ölkələrimizin BMT, İslam Əməkdaşlıq Təşkilatı, Qoşulmama Hərəkatı və digər beynəlxalq platformalarda uğurla əməkdaşlığı davam etdirdiyi bildirilib.

 

Keçmiş Ermənistan-Azərbaycan münaqişəsi ilə bağlı Əlcəzairin, Azərbaycanın beynəlxalq hüquqa əsaslanan mövqeyinə hər zaman dəstək olmasının tərəfimizdən yüksək qiymətləndirildiyi diqqətə çatdırılıb. Nazir, həmçinin səfirə bölgədə mövcud olan cari vəziyyət, Ermənistanla münasibətlərin normallaşması prosesi barədə məlumat verib.

 

Görüş zamanı, həmçinin qarşılıqlı maraq doğuran digər məsələlər ətrafında fikir mübadiləsi aparılıb.

 

Paylaş

BÜTÜN XƏBƏRLƏR

 

kaynak:https://mfa.gov.az/az/news/no17524

 

 

 

 

]]> Nazir Ceyhun Bayramovun İtaliyanın Azərbaycandakı səfiri Klaudio Taffuri ilə görüşünə dair mətbuat məlumatı https://yeniekipgazetesi.com/nazir-ceyhun-bayramovun-italiyanin-az%c9%99rbaycandaki-s%c9%99firi-klaudio-taffuri-il%c9%99-gorusun%c9%99-dair-m%c9%99tbuat-m%c9%99lumati-h56622.html Tue, 23 Apr 2024 07:14:43 +0000 https://1453kralmedya.com/nazir-ceyhun-bayramovun-italiyanin-az%c9%99rbaycandaki-s%c9%99firi-klaudio-taffuri-il%c9%99-gorusun%c9%99-dair-m%c9%99tbuat-m%c9%99lumati-h56622.html

No:174/24, Nazir Ceyhun Bayramovun İtaliyanın Azərbaycandakı səfiri Klaudio Taffuri ilə görüşünə dair mətbuat məlumatı

 

 

 

19 aprel 2024-cü il tarixində Azərbaycan Respublikasının xarici işlər naziri Ceyhun Bayramov İtaliya Respublikasının Azərbaycan Respublikasındakı fövqəladə və səlahiyyətli səfiri Klaudio Taffurini ölkəmizdəki diplomatik fəaliyyətinin başa çatması ilə əlaqədar qəbul edib.

 

Görüşdə Azərbaycan və İtaliya arasında mövcud çoxölçülü strateji tərəfdaşlıq münasibətlərindən irəli gələn məsələlər, habelə cari regional vəziyyət müzakirə olunub.

 

Nazir Ceyhun Bayramov ölkəmizdə fəaliyyəti dövründə Azərbaycan və İtaliya arasında münasibətlərin inkişafı istiqamətində göstərdiyi səylərə görə səfir Klaudio Taffuriyə təşəkkür edib, ona gələcək fəaliyyətində davamlı uğurlar arzu edib.

 

İki ölkə arasında müxtəlif, o cümlədən siyasi, iqtisadi, ticarət, enerji təhlükəsizliyi, nəqliyyat və kommunikasiyalar, mədəni, humanitar və s. istiqamətlər üzrə çoxölçülü strateji tərəfdaşlıq münasibətlərinin məmnunluq doğurduğu, mövcud Strateji Dialoq mexanizminin əlaqələrə mühüm töhfə verdiyi diqqətə çatdırılıb. Bu istiqamətdə, həyata keçirilən qarşılıqlı səfər və təmasların, habelə siyasi məsləhətləşmələrin davam etdirilməsinin əhəmiyyəti qeyd olunub.

 

Qarşı tərəf cari ildə ölkəmizdə keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasına (COP29) hazırlıq işləri ilə bağlı məlumatlandırılıb. COP29-un iqlim dəyişikliyi ilə mübarizə sahəsində bir sıra tərəfdaşlar, o cümlədən İtaliya ilə əməkdaşlığa əlavə töhfə verəcəyi bildirilib.

 

Postmünaqişə dövründə bölgədə mövcud vəziyyət və reallıqlar, işğaldan azad olunmuş ərazilərdə aparılan bərpa və quruculuq işləri, habelə Azərbaycan-Ermənistan normallaşma prosesindən bəhs edən nazir Ceyhun Bayramov, İtaliya tərəfinə hazırkı həssas zamanda sərgilədiyi ədalətli mövqeyə görə təşəkkür edib. İtaliyanın mövqeyindən regional sülh və təhlükəsizlik quruculuğu tədbirlərinə təhdid törədərək birtərəfli və qərəzli yanaşma nümayiş etdirən bir sıra aktorlar tərəfindən nümunə götürülməsinin vacibliyi qeyd olunub.

 

Səfir Klaudio Taffuri Azərbaycanda diplomatik fəaliyyəti dövründə göstərilən dəstək və əməkdaşlığa görə öz minnətdarlığını bildirib, bundan sonra da Azərbaycan və İtaliya arasında tərəfdaşlığın daha da güclənməsinə dair inam ifadə edib.

 

Görüş zamanı, həmçinin qarşılıqlı maraq doğuran digər məsələlər ətrafında fikir mübadiləsi aparılıb.

 

Paylaş

BÜTÜN XƏBƏRLƏR

kaynak:https://mfa.gov.az/az/news/no17424

 

 

 

]]> Nazir Ceyhun Bayramovun Misirin YUNESKO-nun baş direktoru vəzifəsinə namizədi Xalid El-Enani ilə görüşünə dair mətbuat məlumatı https://yeniekipgazetesi.com/nazir-ceyhun-bayramovun-misirin-yunesko-nun-bas-direktoru-v%c9%99zif%c9%99sin%c9%99-namiz%c9%99di-xalid-el-enani-il%c9%99-gorusun%c9%99-dair-m%c9%99tbuat-m%c9%99lumati-h56311.html Sun, 14 Apr 2024 12:31:39 +0000 https://1453kralmedya.com/nazir-ceyhun-bayramovun-misirin-yunesko-nun-bas-direktoru-v%c9%99zif%c9%99sin%c9%99-namiz%c9%99di-xalid-el-enani-il%c9%99-gorusun%c9%99-dair-m%c9%99tbuat-m%c9%99lumati-h56311.html

No:163/24, Nazir Ceyhun Bayramovun Misirin YUNESKO-nun baş direktoru vəzifəsinə namizədi Xalid El-Enani ilə görüşünə dair mətbuat məlumatı

 

 

 

13 aprel 2024-cü il tarixində Azərbaycan Respublikasının xarici işlər naziri Ceyhun Bayramov BMT-nin Təhsil, Elm və Mədəniyyət Məsələləri üzrə Təşkilatı (YUNESKO) baş direktoru vəzifəsinə Misirin namizədi Xalid El-Enanini qəbul edib.

Görüşdə Azərbaycan və YUNESKO arasında əməkdaşlıq gündəliyində duran aktual məsələlər və ölkəmizin mövqeyi, Azərbaycanın irəli sürdüyü təşəbbüslər, eləcə də regional məsələlər ətrafında fikir mübadiləsi aparılıb.

Nazir Ceyhun Bayramov Azərbaycanın YUNESKO-ya üzv olduğu tarixdən etibarən təşkilatın fəaliyyətinə, o cümlədən mədəniyyətlərarası dialoqun inkişafına və təşviqinə mühüm töhfələr verdiyini diqqətə çatdırıb, “Bakı Prosesi”, təhsil və humanitar sahələrdə irəli sürülmüş təşəbbüslərin əhəmiyyəti vurğulanıb. Misirin namizədinin seçki proqramında nəzərə alması məqsədəuyğun hesab edilən məsələlər barədə tövsiyələrimiz təqdim edilib.

Nazir Ceyhun Bayramov həmçinin keçmiş Ermənistan-Azərbaycan münaqişəsinin tarixi, Azərbaycan ərazilərinin işğalı faktı, post-münaqişə dövründə regionda mövcud vəziyyət barədə qarşı tərəfi ətraflı məlumatlandırıb.

 

 

 

 

 

Nazir Ceyhun Bayramov Ermənistan tərəfindən ölkəmizin mədəni irsinin məhv edilməsindən bəhs edib. Ermənistanın törətdiyi dağıntıların YUNESKO missiyası tərəfindən qeydə alınması və ərazilərimizə səfərin təşkil edilməsi məqsədilə 20 ildən artıq bir müddət ərzində tərəfimizdən YUNESKO-ya çağırışlar edilməsinə baxmayaraq, Ermənistanın missiyaya mane olduğu, bu faktın YUNESKO-nun 2005-ci il tarixli hesabatında qeyd alındığı bildirilib.

 

Namizədə seçki kampaniyasında uğurlar arzulanıb.

 

Görüşdə həmçinin qarşılıqlı maraq doğuran digər məsələlər ətrafında fikir mübadiləsi aparılıb.

 

Paylaş
BÜTÜN XƏBƏRLƏR

kaynak:https://mfa.gov.az/az/news/no16324

 

]]> Nazir Ceyhun Bayramovun Qırğız Respublikasının xarici işlər naziri Ceenbek Kulubayev ilə görüşünə dair mətbuat məlumatı https://yeniekipgazetesi.com/nazir-ceyhun-bayramovun-qirgiz-respublikasinin-xarici-isl%c9%99r-naziri-ceenbek-kulubayev-il%c9%99-gorusun%c9%99-dair-m%c9%99tbuat-m%c9%99lumati-h56251.html Fri, 12 Apr 2024 07:41:05 +0000 https://1453kralmedya.com/nazir-ceyhun-bayramovun-qirgiz-respublikasinin-xarici-isl%c9%99r-naziri-ceenbek-kulubayev-il%c9%99-gorusun%c9%99-dair-m%c9%99tbuat-m%c9%99lumati-h56251.html

No:153/24, Nazir Ceyhun Bayramovun Qırğız Respublikasının xarici işlər naziri Ceenbek Kulubayev ilə görüşünə dair mətbuat məlumatı

 

 

 

 

9 aprel 2024-cü il tarixində Azərbaycan Respublikasının xarici işlər naziri Ceyhun Bayramov Qırğız Respublikasına rəsmi səfəri çərçivəsində bu ölkənin xarici işlər naziri Ceenbek Kulubayev ilə görüşüb.

 

Nazirlər arasında baş tutan təkbətək görüş, daha sonra hər iki tərəfin nümayəndə heyətlərinin iştirakı ilə geniştərkibli formatda davam edib.

 

Geniştərkibli görüşdə Azərbaycan və Qırğızıstan arasında ikitərəfli və çoxtərəfli əməkdaşlıq gündəliyindən irəli gələn məsələlər, BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasına (COP29) hazırlıq işləri, habelə regionda mövcud vəziyyət müzakirə edilib.

 

Nazir Ceyhun Bayramov Azərbaycan və Qırğızıstan arasında tarixi dostluq və qardaşlıq əlaqələrinin ölkə liderləri arasında mövcud qarşılıqlı etimad və siyasi dialoq nəticəsində daha da möhkəmlənərək “Azərbaycan Respublikası və Qırğız Respublikası arasında Strateji Tərəfdaşlıq haqqında Bəyannamə” ilə təsbitini tapdığını məmnunluqla qeyd edib. Qarşılıqlı səfər və təmasların mövcud strateji tərəfdaşlıq münasibətlərinin inkişafı, habelə müqavilə-hüquq bazasının genişləndirilməsinə təkan verdiyi diqqətə çatdırılıb.

 

İki ölkə arasında strateji tərəfdaşlıq əlaqələrinin Azərbaycanla Qırğızıstan arasında Dövlətlərarası Şuranın, iqtisadi və humanitar sahələrdə əməkdaşlıq üzrə birgə hökumətlərarası komissiyanın işi ilə daha da təkmilləşdiyi və inkişaf etdiyi vurğulanıb.

 

Azərbaycan və Qırğızıstan arasında müxtəlif, o cümlədən siyasi, iqtisadi, ticarət, investisiyalar, nəqliyyat və kommunikasiyalar, turizm, mədəniyyət, humanitar və s. sahələr üzrə ikitərəfli əməkdaşlığın çoxşaxəli xarakter daşıdığı qeyd edilib. Orta Dəhliz çərçivəsində iki ölkə arasında geniş əməkdaşlıq potensialı olduğu diqqətə çatdırılıb. İki ölkənin qarşılıqlı şəkildə mədəniyyət günlərinin keçirilməsinin, mədəniyyət və incəsənət sahəsində əməkdaşlığın dərinləşməsinin əhəmiyyətli olduğu bildirilib. Yaşıl enerji istehsalı sahəsində əməkdaşlıq perspektivləri barədə fikir mübadiləsi aparılıb.

 

Bununla yanaşı, regional və beynəlxalq təşkilatlar çərçivəsində münasibətlərin inkişafının önəmi vurğulanıb. Xüsusilə, Türk Dövlətləri Təşkilatı (TDT) çərçivəsində əməkdaşlığın geniş perspektivlərinin mövcudluğu, habelə mövcud potensialdan istifadə olunması istiqamətində TDT-yə üzv dövlətlər arasında intensiv təmasların vacibliyi vurğulanıb. Bu xüsusda, TDT-nin cari ilin iyul ayında Şuşa şəhərində keçiriləcək növbədənkənar zirvə görüşünün və oktyabr ayında Bişkekdə keçiriləcək rəsmi sammitin Təşkilatın inkişafına xidmət edəcək təmaslardan biri olacağına dair inam ifadə olunub.

 

Nazir Ceyhun Bayramov, həmçinin qarşı tərəfi ölkəmizin COP29 sədrliyi, aparılan danışıqlar və hazırlıq işləri barədə ətraflı məlumatlandıraraq, bu mötəbər tədbirin əməkdaşlıq üçün yeni perspektivlər yaratdığını diqqətə çatdırıb.

 

 

 

 

Postmünaqişə dövründə bölgədə mövcud vəziyyət, ölkəmizin bərpa, quruculuq, sülh səylərindən, habelə regional sülh quruculuğuna təhdid törədən çağırışlardan bəhs edən nazir Ceyhun Bayramov, sülh üçün yaranmış imkanlara qarşı yönələn birtərəfli addım və təşəbbüslərin qəbuledilməz olduğunu vurğulayıb. Azərbaycanın beynəlxalq hüququn norma və prinsiplərinə, xüsusilə də ərazi bütövlüyü və suverenliyə hörmət əsasında bölgədə sülhün bərqərar olunmasına sadiqliyi bir daha diqqətə çatdırılıb.

 

Qırğızıstanın sülh və quruculuq prosesinə dəstəyinin təqdirəlayiq olduğu, habelə Qırğız Respublikasının təşəbbüsü ilə Ağdamın Xıdırlı kəndində inşa ediləcək orta məktəbin bu dəstəyin bariz nümunəsi olduğu vurğulanıb.

 

Nazir Ceenbek Kulubayev Azərbaycan və Qırğızıstan arasında münasibətlərin inkişaf dinamikasının məmnunluq doğurduğunu, əməkdaşlığın daha da irəlilədilməsi istiqamətində qarşılıqlı səfərlərin əhəmiyyətli rol oynadığını qeyd edib.

 

Qırğızıstanın Azərbaycan tərəfindən göstərilən regional sülh və quruculuq səylərini daim dəstəklədiyi diqqətə çatdırılıb.

 

 

 

Görüş zamanı, həmçinin qarşılıqlı maraq doğuran digər məsələlər ətrafında fikir mübadiləsi aparılıb.

 

Daha sonra nazirlər görüşün nəticələri ilə bağlı mətbuat konfransında bəyanatla çıxış ediblər.

 

 

Paylaş

BÜTÜN XƏBƏRLƏR

kaynak:https://mfa.gov.az/az/news/no15324

 

]]> Xarici İşlər Nazirliyi tərəfindən təşkil olunmuş iftar tədbiri barədə mətbuat məlumatı https://yeniekipgazetesi.com/xarici-isl%c9%99r-nazirliyi-t%c9%99r%c9%99find%c9%99n-t%c9%99skil-olunmus-iftar-t%c9%99dbiri-bar%c9%99d%c9%99-m%c9%99tbuat-m%c9%99lumati-h55848.html Mon, 01 Apr 2024 19:32:54 +0000 https://1453kralmedya.com/xarici-isl%c9%99r-nazirliyi-t%c9%99r%c9%99find%c9%99n-t%c9%99skil-olunmus-iftar-t%c9%99dbiri-bar%c9%99d%c9%99-m%c9%99tbuat-m%c9%99lumati-h55848.html

No:141/24, Xarici İşlər Nazirliyi tərəfindən təşkil olunmuş iftar tədbiri barədə mətbuat məlumatı

 

1 aprel 2024-cü il tarixində müqəddəs Ramazan ayı münasibətilə ölkəmizdə akkreditə olunmuş müsəlman ölkələrinin səfirlərinin iştirakı ilə iftar tədbiri təşkil olunub.

 

Azərbaycan Respublikasının xarici işlər naziri Ceyhun Bayramov tədbirdə çıxış edib.

Resim

 

Qarşıdan gələn müqəddəs Ramazan bayramı münasibətilə səmimi təbriklərini çatdıran nazir Ceyhun Bayramov bu dəyərli ayda bütün İslam dünyasına sülh, rifah və əmin-amanlıq arzu edib.

 

 

 

Nizam-intizam, qarşılıqlı anlayış və dəstəyi özündə ehtiva edən müqəddəs Ramazan ayının müsəlman aləmini bir-birinə daha da yaxınlaşdırdığını bildirən nazir Ceyhun Bayramov İslamın bu yüksək dəyərlərinin öz növbəsində milli irsimizin ayrılmaz tərkib hissəsi olduğunu diqqətə çatdırıb.

 

Azərbaycanda müxtəlif dinlərin nümayəndələrinin sülh və harmoniya şəraitində yaşadığı, heç bir zəmində diskriminasiyasının mövcud olmadığı məmnunluqla vurğulanıb.

 

Müqəddəs Ramazan ayını qeyd etdiyimiz bu günlərdə, İslam aləminin üzləşdiyi bir sıra çağırışlara, İslamofobiya meyllərinə, müsəlmanlara qarşı ayrı-seçkilik hallarının artması kimi məsələlərə vurğu edilib. Bu kimi təhdidlərin bir sıra ölkələrin milli siyasətinə çevrildiyi qeyd edilib və bundan ciddi narahatlıq ifadə olunub.

Resim

 

Bununla yanaşı, dünyanın müxtəlif bölgələrində baş verən münaqişələrin, xüsusilə İsrail-Fələstin münaqişəsinin yenidən alovlanmasının, Qəzza bölgəsindəki humanitar vəziyyətin ciddi narahatlıq doğurduğu bildirilib, tezliklə atəşkəs əldə olunmasının vacibliyi vurğulanıb. Mövcud çağırışlara qarşı birgə mübarizədə, habelə münaqişələrin beynəlxalq hüquq normaları çərçivəsində sülh yolu ilə həllinin təşviqində birlik və həmrəyliyin nümayiş olunmasının əhəmiyyəti qeyd edilib.

 

30 ilə yaxın münaqişədən sonra Azərbaycan torpaqlarının işğaldan azad olunmasının, ölkəmizin bütün ərazilərində suverenliyimizin bərpasının ölkəmiz və bölgəmiz üçün əhəmiyyətindən bəhs edən nazir, hərbi işğalın aradan qaldırılmasının, Müzəffər Ali Baş Komandanın rəhbərlik etdiyi Azərbaycan Ordusunun şanlı zəfərinin eyni zamanda, İslam dininə aid abidələrin də dağıdılmasına son qoyduğunu qeyd edib.

Resim

 

Tədbirdə ərazi bütövlüyümüz uğrunda canlarından keçən Şəhidlərimizin əziz xatirəsi yad edilib.

 

 

 

Daha sonra çıxış edən ölkəmizdəki diplomatik korpusun duayeni, Fələstinin ölkəmizdəki səfiri Nəssir Əbdül Kərim Əbdül Rəhim Ramazan ayı münasibətilə bütün müsəlman aləminə sülh, əmin-amanlıq və tərəqqi arzu edərək, bütün ibadətlərin qəbul olmasını diləyib.

 

Qafqaz Müsəlmanları İdarəsinin nümayəndəsi İmam Qurban Əliyev tərəfindən iftar duasının oxunmasından sonra mərasim iştirakçıları üçün iftar süfrəsi açılıb.

 

 

 

Paylaş
BÜTÜN XƏBƏRLƏR

Kaynak:https://mfa.gov.az/az/news/no14124

 

 

 

 

]]> Nazir Ceyhun Bayramovun Argentinanın xarici işlər, beynəlxalq ticarət və etiqad üzrə naziri Diana Mondino ilə telefon danışığına dair mətbuat məlumatı https://yeniekipgazetesi.com/nazir-ceyhun-bayramovun-argentinanin-xarici-isl%c9%99r-beyn%c9%99lxalq-ticar%c9%99t-v%c9%99-etiqad-uzr%c9%99-naziri-diana-mondino-il%c9%99-telefon-danisigina-dair-m%c9%99tbuat-m%c9%99lumati-h53903.html Mon, 29 Jan 2024 18:36:29 +0000 https://1453kralmedya.com/nazir-ceyhun-bayramovun-argentinanin-xarici-isl%c9%99r-beyn%c9%99lxalq-ticar%c9%99t-v%c9%99-etiqad-uzr%c9%99-naziri-diana-mondino-il%c9%99-telefon-danisigina-dair-m%c9%99tbuat-m%c9%99lumati-h53903.html

 

 

 

No:032/24, Nazir Ceyhun Bayramovun Argentinanın xarici işlər, beynəlxalq ticarət və etiqad üzrə naziri Diana Mondino ilə telefon danışığına dair mətbuat məlumatı

 

 

 

26 yanvar 2024-cü il tarixində Azərbaycan Respublikasının xarici işlər naziri Ceyhun Bayramov ilə Argentinanın xarici işlər, beynəlxalq ticarət və etiqad naziri Diana Mondino arasında telefon danışığı baş tutub.

 

 

 

Telefon danışığı zamanı ilk öncə nazir Ceyhun Bayramov nazir Mondinoya yüksək vəzifəyə təyinatı münasibətilə təbriklərini çatdırıb və ona fəaliyyətində uğurlar arzulayıb.

 

 

 

Azərbaycanla Argentina arasında münasibətlərin cari vəziyyəti və perspektivləri müzakirə edilib, ölkələr arasında siyasi məsləhətləşmələrin əhəmiyyəti qeyd olunub. Azərbaycan-Argentina ticarət və iqtisadi əməkdaşlıq üzrə Birgə İşçi Qrupunun işinin intensivləşməsi, növbəti görüşə hazırlığın əhəmiyyəti diqqətə çatdırılıb.

 

 

 

Müxtəlif istiqamətlərdə, o cümlədən iqtisadi, kənd təsərrüfatı, alternativ enerji, təhsil, mədəniyyət və digər sahələrdə əməkdaşlığın genişləndirilməsi üçün potensialın mövcudluğu, bununla yanaşı, ötən il ölkələr arasında diplomatik əlaqələrin 30 illiyinin qeyd edilməsi və birgə tədbirlərin keçirilməsi məmnunluqla vurğulanıb.

 

 

 

Ölkəmizin bu il BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasına (COP29) ev sahibliyinin böyük əhəmiyyət daşıdığı, tədbirin ölkələrimiz arasında yüksək səviyyəli təmaslar üçün vacib platforma olacağı qeyd edilib.

 

 

 

Telefon danışığı zamanı, digər qarşılıqlı maraq doğuran məsələlər ətrafında fikir mübadiləsi aparılıb.

 

 

Paylaş

BÜTÜN XƏBƏRLƏR

kaynak:https://mfa.gov.az/az/news/no03224

 

 

 

 

]]> İqtisadi Əməkdaşlıq Təşkilatının Xarici İşlər Nazirləri Şurasının Şuşa şəhərində keçirilən 27-ci iclasının yekunlarına dair mətbuat məlumatı https://yeniekipgazetesi.com/iqtisadi-%c9%99m%c9%99kdasliq-t%c9%99skilatinin-xarici-isl%c9%99r-nazirl%c9%99ri-surasinin-susa-s%c9%99h%c9%99rind%c9%99-keciril%c9%99n-27-ci-iclasinin-yekunlarina-dair-m%c9%99tbuat-m%c9%99lumati-h50319.html Wed, 11 Oct 2023 05:24:28 +0000 https://1453kralmedya.com/iqtisadi-%c9%99m%c9%99kdasliq-t%c9%99skilatinin-xarici-isl%c9%99r-nazirl%c9%99ri-surasinin-susa-s%c9%99h%c9%99rind%c9%99-keciril%c9%99n-27-ci-iclasinin-yekunlarina-dair-m%c9%99tbuat-m%c9%99lumati-h50319.html

 

 

 

 

 

 

No:579/23, İqtisadi Əməkdaşlıq Təşkilatının Xarici İşlər Nazirləri Şurasının Şuşa şəhərində keçirilən 27-ci iclasının yekunlarına dair mətbuat məlumatı

 

 

10 oktyabr 2023-cü il tarixində Azərbaycan Respublikasının İqtisadi Əməkdaşlıq Təşkilatına (İƏT) sədrliyi çərçivəsində Şuşa şəhərində Xarici İşlər Nazirləri Şurasının 27-ci iclası keçirilib.

 

İclas Azərbaycan Respublikasının xarici işlər naziri Ceyhun Bayramov tərəfindən Azərbaycan Respublikasının Prezidenti cənab İlham Əliyevin iclas iştirakçılarına müraciətinin oxunması ilə öz işinə başlayıb.

 

 

 

Ölkə başçısının müraciətində post-münaqişə dövründə bölgədə yaranmış əməkdaşlıq perspektivləri öz əksini tapıb. Müraciətdə, həmçinin ölkəmizin təşəbbüsü ilə İƏT-in illik mövzusunun “Yaşıl Keçid və Qarşılıqlı Əlaqəlilik” olaraq müəyyən edildiyi, habelə Azərbaycanın milli, o cümlədən beynəlxalq səviyyədə bu istiqamətdə ardıcıl addımlar atdığı diqqətə çatdırılıb. Bu çərçivədə, işğaldan azad olunmuş ərazilərdə yaşıl enerji zonasının yaradılmasının qeyd olunan istiqamətlərdə görülən işlərin təcəssümü olduğu vurğulanıb.

 

 

 

İƏT-in sədri qismində açılış nitqində nazir Ceyhun Bayramov, “Yaşıl Keçid və Qarşılıqlı Əlaqəlilik” mövzusuna əsaslanan sədrliyimiz dövründə tərəfimizdən irəli sürülən təşəbbüslərə göstərilən dəstək və aktiv iştirakçılığa görə təşəkkürünü ifadə edib. “İƏT Baxışı – 2025” sənədində də əks olunmuş regional bağlantıların inkişafı, iqtisadi transformasiya, yaşıl enerji kimi prioritetlərin bundan sonra da irəlilədəcəyinə dair inamını ifadə edib.

 

 

 

Daha sonra milli səviyyədə çıxış edən nazir Ceyhun Bayramov, İƏT-ə sədrliyimiz dövründə Təşkilatın digər regional və beynəlxalq platformalarla əməkdaşlığının gücləndirilməsi istiqamətində həyata keçirilən təşəbbüsləri məmnunluqla qeyd edib. Bundan sonra da müxtəlif sahələr üzrə əməkdaşlığın gücləndirilməsində maraqlı olduğumuz, bu xüsusda Təşkilatın 2 ixtisaslaşdırılmış qurumu İƏT Enerji Mərkəzi və İƏT Tədqiqat Mərkəzinə ev sahibliyi etməyimizin müvafiq sahələr üzrə əməkdaşlığa verdiyimiz töhfənin göstəricisi olduğu bildirilib.

 

 

 

Bölgədə mövcud vəziyyət və post-münaqişə dövrünün reallıqları barədə iştirakçılara məlumat verən nazir Ceyhun Bayramov, ölkəmizin hər zaman regional sülh və təhlükəsizliyə hədə törədən qeyri-qanuni erməni silahlı qüvvələrinin bölgədə mövcudluğuna beynəlxalq diqqəti çəkmək üçün səy göstərdiyini qeyd edib. Bölgədə sülh və reinteqrasiya proseslərini təhdid edən qanunsuz erməni silahlı qüvvələrinin təxribatlarına, mina təhdidini davam etdirməsinə və mövcudluğuna son qoyan lokal anti-terror tədbirlərindən bəhs edən nazir Ceyhun Bayramov, bu tədbirlərin nəticəsində xüsusilə Qarabağ bölgəsində yaşayan erməni sakinlərin reinteqrasiyası prosesinin intensivləşdiyini diqqətə çatdırıb. Hazırda yerli erməni sakinlərin iqtisadi, sosial, humanitar ehtiyaclarının qarşılanması istiqamətində işçi qrupunun yaradılmasının, aidiyyəti üzrə tədbirlərin görülməsinin və Azərbaycan Hökumətinin nümayəndəsi ilə həmin sakinlərin nümayəndələri arasında dualoqun davam etdirilməsinin bölgədə guya “etnik təmizləmə” aparılması ilə bağlı iddiaların əssassız olduğunu bir daha sübut etdiyi vurğulanıb. Bu xüsusda, Azərbaycanın bölgədə sülh və reinteqrasiya üçün yaranmış tarixi fürsətin əldən verilməməsi, Azərbaycan və Ermənistan arasında normallaşma gündəliyi, habelə ərazilərimizdə yaşayan erməni sakinlərin reinteqrasiyası prosesinin irəlilədilməsində qərarlı olduğu diqqətə çatdırılıb.

 

 

 

Daha sonra iclas üzv və müşahidəçi ölkələrin, beynəlxalq tərəfdaşlar və İƏT-in ixtisaslaşmış qurumlarının nümayəndələrinin bəyanatları, İƏT çərçivəsində regional əməkdaşlığın gələcək inkişafı ilə bağlı təşəbbüs və təkliflər, habelə iclasın gündəliyində duran digər məsələlərin müzakirəsi ilə davam edib.

 

 

 

İclas zamanı, həmçinin özündə Azərbaycan Respublikasının Şərqi Zəngəzur iqtisadi rayonu və Naxçıvan Muxtar Respublikası arasında nəqliyyat və kommunikasiyaların açılması istiqamətində görülən işlər, xüsusilə bu istiqamətdə Azərbaycan və İran arasında yeni dəmiryolunun inşasını nəzərdə tutan 6 oktyabr 2023-cü il tarixli niyyət protokolu və keçirilən təməlqoyma mərasimi barədə məlumatın da əks olunduğu İƏT bölgəsində Yaşıl Keçid və Qarşılıqlı Əlaqəlilik üzrə Şuşa Bəyannaməsi qəbul olunub.

 

 

 

 

Sonda iclasın yekunlarına dair gələcək regional əməkdaşlığın gələcək addımlarını müəyyən edən bəyanat qəbul olunub, habelə Azərbaycanda təsis olunmasına qərar verilən İƏT-in Təmiz Enerji Mərkəzinin Nizamnaməsi Türkiyə tərəfindən imzalanıb.

 

 

 

Daha sonra Azərbaycan Respublikasının xarici işlər naziri Ceyhun Bayramov və İƏT baş katibi Xusrav Noziri iclasın yekunları ilə bağlı mətbuata bəyanatlarla çıxış ediblər.

 

 

 

 

Mətbuat konfransında çıxış edən nazir Ceyhun Bayramov, İƏT-ə sədrliyimizin ən önəmli tədbiri olan Nazirlər Şurasının 27-ci iclasının Azərbaycanın tarixi şəhəri, o cümlədən İƏT-in Turizm Paytaxtı Şuşada keçirilməsinin simvolik əhəmiyyət daşıdığını qeyd edib. İclas çərçivəsində qəbul olunmuş Şuşa Bəyannaməsinin İƏT çərçivəsində əməkdaşlığın inkişafına töhfə verəcəyinə dair inam ifadə olunub.

 

 

 

 

Paylaş

 

BÜTÜN XƏBƏRLƏR

 

kaynak:https://mfa.gov.az/az/news/no57923

 

 

 

]]> Nazir Ceyhun Bayramovun Tacikistanın xarici işlər naziri Sirojiddin Muhriddin ilə görüşünə dair mətbuat məlumatı https://yeniekipgazetesi.com/nazir-ceyhun-bayramovun-tacikistanin-xarici-isl%c9%99r-naziri-sirojiddin-muhriddin-il%c9%99-gorusun%c9%99-dair-m%c9%99tbuat-m%c9%99lumati-h50294.html Tue, 10 Oct 2023 18:11:09 +0000 https://1453kralmedya.com/nazir-ceyhun-bayramovun-tacikistanin-xarici-isl%c9%99r-naziri-sirojiddin-muhriddin-il%c9%99-gorusun%c9%99-dair-m%c9%99tbuat-m%c9%99lumati-h50294.html

 

 

 

 

No:577/23, Nazir Ceyhun Bayramovun Tacikistanın xarici işlər naziri Sirojiddin Muhriddin ilə görüşünə dair mətbuat məlumatı

 

 

9 oktyabr 2023-cü il tarixində Azərbaycan Respublikasının xarici işlər naziri Ceyhun Bayramov İqtisadi Əməkdaşlıq Təşkilatının (İƏT) xarici işlər nazirlərinin Şuşada keçiriləcək 27-ci İclasında iştirak məqsədilə Azərbaycanda səfərdə olan Tacikistan Respublikasının xarici işlər naziri Sirojiddin Muhriddin ilə görüşüb.

 

 

 

Görüş zamanı Azərbaycan Respublikası və Tacikistan Respublikası arasında ikitərəfli əməkdaşlıq gündəliyinin aktual məsələləri, çoxtərəfli platformalarda əməkdaşlıq, habelə regional məsələlər müzakirə edilib.

 

 

 

Azərbaycan və Tacikistan arasında mövcud olan dostluq münasibətlərindən söz açan nazir Ceyhun Bayramov, bu münasibətlərin inkişafında qarşılıqlı səfərlərin rolunu xüsusilə vurğulayıb və ölkəmizin başçısı, Azərbaycan Respublikasının Prezidenti cənab İlham Əliyevin iştirak etdiyi Mərkəzi Asiya Dövlət Başçılarının 5-ci Məşvərət görüşünü məmnunluqla qeyd edib.

 

 

 

Azərbaycan və Tacikistan arasında geniş investisiya potensialının mövcud olduğunu bildirən nazir Ceyhun Bayramov, bu xüsusda ölkələrimiz arasında nəqliyyat və logistika sahəsində əməkdaşlığın inkişaf potensialının olduğunu söyləyib. Bakı–Düşənbə birbaşa təyyarə reyslərinin bu, habelə turizm sahəsində ölkələr arasında əlaqələrin güclənməsində böyük rol oynadığı vurğulanıb.

 

 

 

Bölgədə mövcud vəziyyət barədə həmkarına məlumat verən nazir Ceyhun Bayramov, erməni silahlı qüvvələrinin növbəti təxribatlarına cavab olaraq həyata keçirilmiş lokal anti-terror tədbirləri və bu tədbirləri şərtləndirən səbəblər barədə söz açıb. Sözügedən tədbirlərin müvafiq beynəlxalq normalara tam riayət olunmaqla keçirildiyi, habelə bu faktın müxtəlif beynəlxalq təşkilatlar tərəfindən təsdiq edildiyi vurğulanıb. Azərbaycanın yerli erməni sakinlərinin reinteqrasiyası səyləri barədə danışan nazir Ceyhun Bayramov, bu xüsusda Azərbaycan tərəfindən müvafiq tədbirlər görüldüyü qeyd olunub.

 

 

 

Tacikistan xarici işlər naziri Sirojiddin Muhriddin öz növbəsində Azərbaycan tərəfinə qonaqpərvər qarşılamaya görə minnətdarlığını bildirib və Azərbaycan–Tacikistan qardaşlıq əlaqələrinin həm ikitərəfli, həm də çoxtərəfli müstəvidə uğurla inkişaf etdiyini, iki ölkə arasında logistika, nəqliyyat, turizm və digər sahələrdə geniş əməkdaşlıq potensialının mövcud olduğunu diqqətə çatdırıb.

 

Görüş zamanı qarşılıqlı maraq doğuran digər məsələlər müzakirə edilib.

 

 

Paylaş

BÜTÜN XƏBƏRLƏR

kaynak:https://mfa.gov.az/az/news/no57723

 

 

 

]]> Xarici işlər naziri Ceyhun Bayramovun Qətər Dövlətinin xarici işlər üzrə dövlət naziri Soltan bin Saad Al-Murayxi ilə görüşünə dair mətbuat məlumatı https://yeniekipgazetesi.com/xarici-isl%c9%99r-naziri-ceyhun-bayramovun-q%c9%99t%c9%99r-dovl%c9%99tinin-xarici-isl%c9%99r-uzr%c9%99-dovl%c9%99t-naziri-soltan-bin-saad-al-murayxi-il%c9%99-gorusun%c9%99-dair-m%c9%99tbuat-m%c9%99lum-h50237.html Sun, 08 Oct 2023 14:06:04 +0000 https://1453kralmedya.com/xarici-isl%c9%99r-naziri-ceyhun-bayramovun-q%c9%99t%c9%99r-dovl%c9%99tinin-xarici-isl%c9%99r-uzr%c9%99-dovl%c9%99t-naziri-soltan-bin-saad-al-murayxi-il%c9%99-gorusun%c9%99-dair-m%c9%99tbuat-m%c9%99lum-h50237.html

 

 

 

 

 

No:570/23, Xarici işlər naziri Ceyhun Bayramovun Qətər Dövlətinin xarici işlər üzrə dövlət naziri Soltan bin Saad Al-Murayxi ilə görüşünə dair mətbuat məlumatı

 

 

 

6 oktyabr 2023-cü il tarixində Azərbaycan Respublikasının xarici işlər naziri Ceyhun Bayramov Qətər Dövlətinin xarici işlər üzrə dövlət naziri Soltan bin Saad Al-Murayxi ilə görüşüb.

 

 

 

Görüş zamanı Azərbaycan və Qətər arasında ikitərəfli münasibətlərin hazırkı səviyyəsi, gündəlikdə duran məsələlər və müxtəlif sahələr üzrə əməkdaşlığın inkişaf etdirilməsi perspektivləri müzakirə edilib, ölkələrimiz arasında həyata keçirilən yüksək səviyyəli qarşılıqlı səfərlərin, siyasi məsləhətləşmələrin münasibətlərin daha da inkişafı baxımından əhəmiyyətli olduğu vurğulanıb.

 

 

 

 

Azərbaycan ilə Qətər arasında beynəlxalq təşkilatlar və platformalar, xüsusən də İslam Əməkdaşlıq Təşkilatı, Qoşulmama Hərəkatı və BMT çərçivəsində mövcud olan səmərəli əməkdaşlıq qeyd edilib.

 

Eyni zamanda, iki ölkə arasında birgə hökumətlərarası komissiyanın gündəliyində duran məsələlərə toxunulub. Tərəflər iqtisadiyyat, ticarət, investisiya, maliyyə, sənaye, enerji, nəqliyyat, təhsil, turizm, mədəniyyət və digər sahələrdə əməkdaşlığın əhəmiyyətini vurğulayıblar.

 

 

 

Nazir Ceyhun Bayramov, həmçinin qarşı tərəfi Ermənistanın və onun ölkəmizdə qurduğu qondarma rejimin 30 ilə yaxın müddətdə regional sülh və təhlükəsizliyə törətdiyi çağırışlar barədə məlumatlandırıb, Azərbaycanın beynəlxalq humanitar hüquqa tam uyğun şəkildə özünün suveren ərazisində həyata keçirdiyi lokal antiterror tədbirlərini şərtləndirən səbəblərdən bəhs edib. Bu xüsusda, bölgədə əsas təhdid olan qanunsuz erməni silahlı qüvvələrinin mövcudluğuna son qoyulmasının bölgədə sülh və sabitliyə xidmət edəcəyinə ümidvarlıq ifadə olunub.

 

Qətər tərəfi Azərbaycanla hərtərəfli əməkdaşlıqda maraqlı olduğunu vurğulayıb.

 

 

 

Tərəflər, həmçinin qarşılıqlı maraq doğuran regional məsələlərə dair fikir mübadiləsi aparıblar.

 

Paylaş

BÜTÜN XƏBƏRLƏR

kaynak:https://mfa.gov.az/az/news/no57023

 

 

 

]]> Nazir Ceyhun Bayramovun Latviyanın Azərbaycandakı yeni səfiri Edqars Skuya ilə görüşünə dair mətbuat məlumatı https://yeniekipgazetesi.com/nazir-ceyhun-bayramovun-latviyanin-az%c9%99rbaycandaki-yeni-s%c9%99firi-edqars-skuya-il%c9%99-gorusun%c9%99-dair-m%c9%99tbuat-m%c9%99lumati-h50162.html Thu, 05 Oct 2023 14:11:20 +0000 https://1453kralmedya.com/nazir-ceyhun-bayramovun-latviyanin-az%c9%99rbaycandaki-yeni-s%c9%99firi-edqars-skuya-il%c9%99-gorusun%c9%99-dair-m%c9%99tbuat-m%c9%99lumati-h50162.html

 

 

 

No:562/23, Nazir Ceyhun Bayramovun Latviyanın Azərbaycandakı yeni səfiri Edqars Skuya ilə görüşünə dair mətbuat məlumatı

 

 

 

2 oktyabr 2023-cü il tarixində Azərbaycan Respublikasının xarici işlər naziri Ceyhun Bayramov Latviya Respublikasının Azərbaycan Respublikasındakı yeni təyin edilmiş səfiri Edqars Skuyanı qəbul edib.

 

Səfir Edqars Skuya ilk növbədə etimadnaməsinin surətini nazir Ceyhun Bayramova təqdim edib.

 

 

 

Nazir Ceyhun Bayramov səfir Edqars Skuyanı təyinatı münasibətilə təbrik edib və ona gələcək fəaliyyətində uğurlar arzulayıb.

 

 

 

Görüşdə, Azərbaycan və Latviya arasında əməkdaşlıq məsələləri, habelə cari regional vəziyyət müzakirə olunub.

 

 

 

Nazir Ceyhun Bayramov, Azərbaycan və Latviya arasında mövcud münasibətlərin 2017-ci ildə “Strateji Tərəfdaşlığın Yaradılması haqqında birgə Bəyannamə”nin imzalanması və icrası nəticəsində inkişafından məmnunluqla bəhs edərək, bu xüsusda, iki ölkə arasında siyasi dialoq, qarşılıqlı səfərlər və təmasların əlaqələrin daha da genişləndirilməsinə təkan verdiyini qeyd edib.

 

Azərbaycan və Latviya arasında diplomatik münasibətlərin 30 illiyinin qeyd olunacağı növbəti il ərzində də iki ölkə arasında müxtəlif sahələr, o cümlədən siyasi, iqtisadi, enerji təhlükəsizliyi, ticarət, nəqliyyat, humanitar və s. sahələr üzrə əməkdaşlığın inkişafı üçün fəaliyyətin gücləndirilməsinin vacibliyi vurğulanıb.

 

 

 

Nazir Ceyhun Bayramov ərazilərimizin 30 ilə yaxın müddətdə işğalı, post-münaqişə dövründə bölgədə mövcud vəziyyət, Azərbaycan və Ermənistan arasında normallaşma prosesi,habelə ölkəmizin sülh və quruculuq səyləri barədə qarşı tərəfi ətraflı məlumatlandırıb.

 

30 illik işğal dövründən qalma qeyri-qanuni erməni silahlı qüvvələrinin Azərbaycan tərəfindən aparılan anti-terror tədbirləri nəticəsində bölgədən çıxarıldığı, hazırda isə onların tərksilah prosesinin yekunlaşdığı diqqətə çatdırılıb.

 

 

 

Qanunsuz erməni silahlı qüvvələrinin varlığına son qoyulmasının öz növbəsində həm Azərbaycan və Ermənistan arasında sülh prosesi, həm də Qarabağ bölgəsində yaşayan erməni sakinlərlə reinteqrasiya prosesinin irəlilədilməsi üçün imkanlar yaratdığı, bu xüsusda, Azərbaycanın hər iki istiqamət üzrə səyləri gücləndirməkdə qərarlı olduğu diqqətə çatdırılıb.

 

 

 

Səfir Edqars Skuya səmimi qəbula görə təşəkkür edib, fəaliyyəti müddətində Azərbaycan və Latviya arasında münasibətlərin daha da inkişafı istiqamətində səylərini əsirgəməyəcəyini bildirib.

 

Görüş zamanı, həmçinin qarşılıqlı maraq doğuran digər məsələlər ətrafında fikir mübadiləsi aparılıb.

 

Paylaş

BÜTÜN XƏBƏRLƏR

kaynak:https://mfa.gov.az/az/news/no56223

 

 

 

]]>