Пешвои – Yeni Ekip Gazetesi https://yeniekipgazetesi.com Fri, 15 Sep 2023 15:02:56 +0000 tr hourly 1 https://yeniekipgazetesi.com/wp-content/uploads/2025/03/cropped-Yeni-Ekip-32x32.webp Пешвои – Yeni Ekip Gazetesi https://yeniekipgazetesi.com 32 32 Ҷаласаи Шӯрои сарони давлатҳои муассиси Фонди байналмилалии наҷоти Арал https://yeniekipgazetesi.com/%d2%b7%d0%b0%d0%bb%d0%b0%d1%81%d0%b0%d0%b8-%d1%88%d3%af%d1%80%d0%be%d0%b8-%d1%81%d0%b0%d1%80%d0%be%d0%bd%d0%b8-%d0%b4%d0%b0%d0%b2%d0%bb%d0%b0%d1%82%d2%b3%d0%be%d0%b8-%d0%bc%d1%83%d0%b0%d1%81%d1%81-h49603.html Fri, 15 Sep 2023 15:02:56 +0000 https://1453kralmedya.com/%d2%b7%d0%b0%d0%bb%d0%b0%d1%81%d0%b0%d0%b8-%d1%88%d3%af%d1%80%d0%be%d0%b8-%d1%81%d0%b0%d1%80%d0%be%d0%bd%d0%b8-%d0%b4%d0%b0%d0%b2%d0%bb%d0%b0%d1%82%d2%b3%d0%be%d0%b8-%d0%bc%d1%83%d0%b0%d1%81%d1%81-h49603.html

 

 

 

 

Ҷаласаи Шӯрои сарони давлатҳои муассиси Фонди байналмилалии наҷоти Арал

15.09.2023 , шаҳри Душанбе

15 сентябр дар Қасри миллат Ҷаласаи Шӯрои сарони давлатҳои муассиси Фонди байналмилалии наҷоти Арал баргузор гардид.

 

 

 

 

 

Дар Ҷаласаи Шӯро Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Президенти Ҷумҳурии Қазоқистон муҳтарам Қосим-Жомарт Токаев, Президенти Туркманистон муҳтарам Сердар Бердимухаммедов, Президенти Ҷумҳурии Узбекистон муҳтарам Шавкат Мирзиёев, Муовини аввали Раиси Девони Вазирони Ҷумҳурии Қирғизистон муҳтарам Адилбек Касималиев ва ҳамчунин Намояндаи махсуси Дабири кулли Созмони Милали Муттаҳид – Роҳбари Маркази минтақавии Созмони Милали Муттаҳид оид ба дипломатияи пешгирикунанда муҳтарам Каха Имнадзе иштирок карданд.

 

 

 

 

Баъди маросими аксбардорӣ Ҷаласаи Шӯрои сарони давлатҳои муассиси Фонди байналмилалии наҷоти Арал бо иштироки ҳайатҳои ҳукуматҳо ва коршиносони байналмилалӣ идома ёфт.

Дар ҷараёни мулоқот як силсила масъалаҳои мубрами фаъолияти Фонди байналмилалии наҷоти Арал, аз ҷумла натиҷаҳои Раисии Ҷумҳурии Тоҷикистон дар ин ниҳод, такмили сохтори ташкилӣ ва заминаи созишномавӣ ва ҳуқуқии Фонд мавриди баррасӣ қарор гирифта, самтҳои ояндадори фаъолияти муштарак зимни андешидани тадбир дар ин бахшҳо муайяну мушаххас карда шуданд.

Президенти Ҷумҳурии Тоҷикистон муҳтарам Эмомалӣ Раҳмон сарон ва намояндагони давлатҳои муассиси Фонди байналмилалии наҷоти Арал ва меҳмонони чорабиниро гарму самимӣ хайрамақдам гуфтанд ва оид ба натиҷаҳои раёсати Тоҷикистон андешаронӣ карданд.

 

 

 

 

Таъкид гардид, ки Фонди байналмилалии наҷоти Арал дар таҳкими ҳамкорӣ ва ҳамёрии кишварҳои минтақа дар ҳалли масъалаҳои печидаи обу экология нақши муҳим дорад. Дар чаҳорчуби ин ниҳод натиҷаҳои назаррасе ба даст омадаанд, ки ба рушди иқтисодиву иҷтимоии Осиёи Марказӣ, таҳкими ҳамкориҳои минтақавӣ, ҳамчунин ҷиҳати ба роҳ мондан ва густариш додани муносибатҳои дуҷониба ва бисёрҷониба дар ин самт мусоидат намудаанд.

Сарон ва намояндагони давлатҳои муассиси Фонди байналмилалии наҷоти Арал зимни суханронии худ ба раисии Ҷумҳурии Тоҷикистон баҳои мусбат дода, ба Президенти Ҷумҳурии Тоҷикистон муҳтарам Эмомалӣ Раҳмон барои сатҳи баланди ташкилӣ, пазироии самимӣ ва меҳмоннавозӣ изҳори сипос карданд.

 

 

 

 

Намояндаи вежаи Дабири кулли Созмони Милали Муттаҳид, Роҳбари Маркази минтақавии Созмон оид ба дипломатияи пешгирикунанда дар Осиёи Марказӣ паёми Дабири кулли Созмони Милали Муттаҳидро ба самъи иштирокчиён расонд.

Аз рӯи натиҷаи ҷаласа қарорҳои Шӯрои сарони давлатҳои муассиси Фонди байналмилалии наҷоти Арал, ҳамчунин Эъломияи Душанбе ба имзо расиданд.

 

 

 

 

Дар фарҷоми Ҷаласаи Шӯрои сарони давлатҳои муассиси Фонди байналмилалии наҷоти Арал Раиси Кумитаи Иҷроияи Фонд оид ба натиҷаҳои кори ҷаласа барои доираи васеи хабарнигорони дохилӣ ва хориҷӣ нишасти матбуотӣ орост.

facebooktwitter

kaynak:http://www.president.tj/node/31493?utm_source=dlvr.it&utm_medium=twitter

 

 

 

 

]]> Мулоқот бо Президенти Ҷумҳурии Озарбойҷон Илҳом Алиев https://yeniekipgazetesi.com/%d0%bc%d1%83%d0%bb%d0%be%d2%9b%d0%be%d1%82-%d0%b1%d0%be-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d0%b8-%d2%b7%d1%83%d0%bc%d2%b3%d1%83%d1%80%d0%b8%d0%b8-%d0%be%d0%b7%d0%b0%d1%80%d0%b1-h49578.html Thu, 14 Sep 2023 20:01:46 +0000 https://1453kralmedya.com/%d0%bc%d1%83%d0%bb%d0%be%d2%9b%d0%be%d1%82-%d0%b1%d0%be-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d0%b8-%d2%b7%d1%83%d0%bc%d2%b3%d1%83%d1%80%d0%b8%d0%b8-%d0%be%d0%b7%d0%b0%d1%80%d0%b1-h49578.html

 

 

 

 

 

Мулоқот бо Президенти Ҷумҳурии Озарбойҷон Илҳом Алиев
14.09.2023 , шаҳри Душанбе

14 сентябр дар Бӯстонсарои шаҳрии Ҳукумати Ҷумҳурии Тоҷикистон Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Озарбойҷон муҳтарам Илҳом Алиев, ки ҳамчун меҳмони фахрӣ дар Вохӯрии панҷуми машваратии сарони давлатҳои Осиёи Марказӣ иштирок менамояд, мулоқот намуданд.

 

 

 

Дар рафти мулоқот маҷмӯи масоили ҳамкории дуҷонибаи Тоҷикистону Озарбойҷон баррасӣ гардид.

 

 

 

 

Президенти Ҷумҳурии Тоҷикистон муҳтарам Эмомалӣ Раҳмон меҳмони олимақомро ба Тоҷикистон хайрамақдам гуфта, изҳори итминон карданд, ки иштироки Роҳбари Ҷумҳурии Озарбойҷон дар кори ҳамоиши сарони давлатҳои Осиёи Марказӣ омили рушди муносибатҳо байни ду кишварҳо хоҳад гардид.

 

 

 

 

 

Ҷонибҳо зимни мулоқот ба масъалаи татбиқи тавофуқоти зимни сафари давлатии Президенти Ҷумҳурии Озарбойҷон ба Тоҷикистон моҳи майи соли ҷорӣ бадастомада, таҳкими робитаҳо дар соҳаҳои афзалиятноки иқтисодию тиҷоратӣ, фарҳангию гуманитарӣ ва дигар бахшҳои барои ҷонибҳо судманд таваҷҷуҳ зоҳир карданд.

 

 

 

 

Дар рафти мулоқот, ҳамчунин, масъалаҳои алоҳидаи рӯзномаи минтақавӣ ва байналмилалӣ мавриди муҳокима қарор гирифтанд.

Маводҳо доир ба мавзӯъ:
Маводи дигар вобаста ба робитаҳо дар сатҳи олӣ миёни Тоҷикистон ва Озарбойҷон
facebooktwitter

kaynak:http://www.president.tj/node/31470?utm_source=dlvr.it&utm_medium=twitter

 

 

 

 

]]> Мулоқот бо Президенти Ҷумҳурии Узбекистон Шавкат Мирзиёев https://yeniekipgazetesi.com/%d0%bc%d1%83%d0%bb%d0%be%d2%9b%d0%be%d1%82-%d0%b1%d0%be-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d0%b8-%d2%b7%d1%83%d0%bc%d2%b3%d1%83%d1%80%d0%b8%d0%b8-%d1%83%d0%b7%d0%b1%d0%b5%d0%ba-h49572.html Thu, 14 Sep 2023 17:07:09 +0000 https://1453kralmedya.com/%d0%bc%d1%83%d0%bb%d0%be%d2%9b%d0%be%d1%82-%d0%b1%d0%be-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d0%b8-%d2%b7%d1%83%d0%bc%d2%b3%d1%83%d1%80%d0%b8%d0%b8-%d1%83%d0%b7%d0%b1%d0%b5%d0%ba-h49572.html

 

 

 

 

Мулоқот бо Президенти Ҷумҳурии Узбекистон Шавкат Мирзиёев
14.09.2023 , шаҳри Душанбе

 

 

 

 

14 сентябр дар Бӯстонсарои шаҳрии Ҳукумати Ҷумҳурии Тоҷикистон Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Узбекистон муҳтарам Шавкат Мирзиёев, ки ҷиҳати иштирок дар Вохӯрии панҷуми машваратии сарони давлатҳои Осиёи Марказӣ ва Ҷаласаи Шӯрои сарони давлатҳои муассиси Фонди байналмилалии наҷоти Арал ба Тоҷикистон ташриф овардаанд, мулоқот карданд.

 

 

 

 

Дар рафти вохӯрӣ ҷанбаҳои мубрами ҳамкории ҷонибҳо дар доираи шарикии стратегӣ ва ҳампаймонии ду кишвар, инчунин масъалаҳое, ки ба рӯзномаи чорабиниҳои сатҳи баланд дар пойтахти Тоҷикистон – шаҳри Душанбе ворид гардиданд, мавриди баррасӣ қарор дода шуд.

Сарвари давлат бо қаноатмандӣ таъкид доштанд, ки муносибатҳои байни кишварҳои мо дар ҳама сатҳҳо ҷараёни баланди рушд дорад ва изҳори итминон карданд, ки натиҷаҳои вохӯриҳои дарпешистода ба инкишофи минбаъдаи онҳо мусоидати муассир хоҳанд кард.

 

 

 

Ҷонибҳо зимни мулоқот масъалаҳои таҳкими ҳамкории кишварҳоро дар соҳаҳои тиҷоратию иқтисодӣ, фарҳангию гуманитарӣ ва дигар бахшҳои афзалиятнок муҳокима намуданд.

Ба ҷониби Узбекистон ҷиҳати дастгирии талошҳои Тоҷикистон дар раёсати Вохӯрии панҷуми машваратии сарони кишварҳои Осиёи Марказӣ ва Ҷаласаи Шӯрои сарони давлатҳои муассиси Фонди байналмилалии наҷоти Арал изҳори сипос карда шуд.

 

 

 

 

Дар рафти мулоқот Президентҳо атрофи масъалаҳои алоҳидаи минтақавӣ ва байналмилалӣ мубодилаи афкор анҷом доданд.

Маводҳо доир ба мавзӯъ:
Маводи дигар вобаста ба робитаҳо дар сатҳи олӣ миёни Тоҷикистон ва Узбекистон
facebooktwitter

kaynak:http://www.president.tj/node/31468?utm_source=dlvr.it&utm_medium=twitter

 

 

 

]]> Мулоқот бо Президенти Федератсияи байналмилалии ҷудо Мариус Визер https://yeniekipgazetesi.com/%d0%bc%d1%83%d0%bb%d0%be%d2%9b%d0%be%d1%82-%d0%b1%d0%be-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d0%b8-%d1%84%d0%b5%d0%b4%d0%b5%d1%80%d0%b0%d1%82%d1%81%d0%b8%d1%8f%d0%b8-%d0%b1%d0%b0-h46007.html Fri, 02 Jun 2023 18:18:08 +0000 https://1453kralmedya.com/%d0%bc%d1%83%d0%bb%d0%be%d2%9b%d0%be%d1%82-%d0%b1%d0%be-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d0%b8-%d1%84%d0%b5%d0%b4%d0%b5%d1%80%d0%b0%d1%82%d1%81%d0%b8%d1%8f%d0%b8-%d0%b1%d0%b0-h46007.html

 

 

Мулоқот бо Президенти Федератсияи байналмилалии ҷудо Мариус Визер

.2023 , шаҳри Душанбе

1 июн дар Қасри миллат Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Президенти Федератсияи байналмилалии ҷудо Мариус Визерро ба ҳузур пазируфтанд.

 

 

 

Дар рафти мулоқот ҳолати кунунӣ ва дурнамои ҳамкории Кумитаи миллии олимпии Ҷумҳурии Тоҷикистон, Федератсияи ҷудои Тоҷикистон ва Федератсияи байналмилалии ҷудо баррасӣ гардид.

Президенти мамлакат муҳтарам Эмомалӣ Раҳмон дар оғози суҳбат таъкид доштанд, ки мо алоқаманди ҳамкориҳои самарабахш бо Федератсияи байналмилалии ҷудо ҳастем. Изҳори итминон карда шуд, ки ин ҳамкориҳо дар оянда низ идома ёфта, ҷудои тоҷик дар арсаи байналмилалӣ ба натиҷаҳои баланди варзишӣ ноил хоҳад шуд.

Ҷонибҳо аз сатҳи имрӯзаи ҳамкориҳои Тоҷикистон ва Федератсияи байналмилалии ҷудо изҳори қаноатмандӣ карданд.

Таъкид гардид, ки мусобиқаи сатҳи баланди байналмилалии “Гран При Душанбе-2023”, ки бори аввал аз тарафи Федератсияи ҷудои Тоҷикистон дар пойтахти кишвар доир мегардад, натиҷаҳои хуб ба бор хоҳад овард.

 

 

 

Дар мусобиқаи сатҳи баланди байналмилалии “Гран При Душанбе-2023”, ки дар солгарди 50-уми Федератсияи ҷудои Тоҷикистон баргузор мегардад, 500 варзишгар аз 45 кишвари олам иштирок хоҳад кард.

Таъкид шуд, ки пойтахти мамлакат шаҳри Душанбе барои баргузории ин ҳамоиши сатҳи баланди байналмилалии варзишӣ омода буда, аз тарафи Ҳукумати кишвар барои рушди риштаи гуштини ҷудо тамоми тадбирҳо андешида мешаванд.

Дар рафти мулоқот ҷонибҳо ҳамчунин оид ба дигар масъалаҳои рушди ҳамкорӣ дар ин бахши варзиш гуфтугӯйи судманд анҷом доданд.

facebooktwitter

kaynak:http://www.president.tj/node/30805?utm_source=dlvr.it&utm_medium=twitter

 

 

]]> Ифтитоҳи бинои Коллеҷи хусусии омӯзгории “Асосгузор” дар шаҳри Турсунзода https://yeniekipgazetesi.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%b1%d0%b8%d0%bd%d0%be%d0%b8-%d0%ba%d0%be%d0%bb%d0%bb%d0%b5%d2%b7%d0%b8-%d1%85%d1%83%d1%81%d1%83%d1%81%d0%b8%d0%b8-%d0%be%d0%bc%d3%af%d0%b7%d0%b3-h45759.html Sat, 27 May 2023 07:27:14 +0000 https://1453kralmedya.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%b1%d0%b8%d0%bd%d0%be%d0%b8-%d0%ba%d0%be%d0%bb%d0%bb%d0%b5%d2%b7%d0%b8-%d1%85%d1%83%d1%81%d1%83%d1%81%d0%b8%d0%b8-%d0%be%d0%bc%d3%af%d0%b7%d0%b3-h45759.html

 

 

 

Ифтитоҳи бинои Коллеҷи хусусии омӯзгории “Асосгузор” дар шаҳри Турсунзода

.2023 , шаҳри Турсунзода

24 май Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Турсунзода Коллеҷи хусусии омӯзгории “Асосгузор”-ро мавриди истифода қарор доданд.

Боргоҳи илму маърифат бо мақсади иҷрои дастуру ҳидоятҳои Президенти мамлакат муҳтарам Эмомалӣ Раҳмон дар самти омода намудани мутахассисони баландихтисоси соҳаи маориф дар доираи тадбирҳои созандагӣ ба истиқболи 35-солагии Истиқлоли давлатӣ бунёд шудааст.

Раванди дарс дар муассисаи нави таълимии 2-ошёна, ки барои 400 нафар донишҷӯ пешбинӣ гардидааст, бо забонҳои русӣ ва англисӣ ба роҳ монда шудааст.

Коллеҷ дорои 8 синфхонаи муҷаҳҳази фаннӣ буда, ҳар яки он дорои мизу курсӣ, тахтаи электронӣ ва дигар аёниятҳои хониш мебошад.

Бо ифтитоҳи бинои нави Коллеҷи хусусии омӯзгории “Асосгузор” 20 нафар соҳиби ҷойи кор ва маоши хуб шуданд.

Таълимгоҳ дорои синфхонаи компютерӣ, китобхона, ҳуҷраҳои корӣ, чопи маводҳои дарсӣ, толори маҷлис борои 100 ҷойи нишаст, ошхона барои 60 нафар ва дигар ҳуҷраҳои ёрирасон мебошад. Дар коллеҷи мазкур барои омода намудани мутахассисони баландихтисоси соҳаи омӯзгорӣ шароити зарурӣ фароҳам оварда шудааст.

Масоҳати умумии коллеҷ 12 садяк заминро дар бар мегирад. Корҳои сохтмонӣ дар иншооти нави соҳаи маориф бо саҳми соҳибкори ватанӣ Тимур Гусейнов соли 2019 оғоз гардида, бо ҷалби 20 нафар бинокори маҳаллӣ бо сатҳу сифати баланд ба анҷом расидааст.

 

 

 

 

Пешвои миллат муҳтарам Эмомалӣ Раҳмон зимни шиносоӣ бо шароити муосири донишомӯзӣ дар коллеҷи нави хусусӣ ба сифати корҳои анҷомёфта баҳои баланд дода, иқдоми соҳибкорро дар самти тарбияи мутахассисони баландихтисоси соҳаи маориф намуна арзёбӣ карданд.

Дар муассисаи нави таълимӣ тарбияи мутахассисон мутобиқ ба меъёрҳои замони муосир ба роҳ монда шуда, омӯзгорони соҳибтаҷриба ба кор ҷалб шудаанд.

Иттилоъ дода шуд, ки Коллеҷи хусусии омӯзгории “Асосгузор” мутахассисони донандаи забонҳои русӣ ва англисӣ, омӯзгори синфҳои ибтидоӣ ва компютериро дар сатҳи баланд тайёр менамояд.

Синфхонаи компютерии муассисаи нави таълимӣ бо технологияи муосир ва пайваст ба шабакаи интернет муҷаҳҳаз мебошад.

Китобхонаи замонавии коллеҷ бошад, бо адабиёти дарсӣ ва бадеӣ таъмин буда, барои донишҷӯён шароити лозимӣ таъмин гардидааст. Донишҷӯён имкон доранд, ки аз ин боргоҳи илму маърифат босамар истифода намуда, савияи донишу малакаи хешро сайқал диҳад.

Дар коллеҷи мазкур бо мақсади татбиқи ҳадафҳои “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” – солҳои 2020-2040 имконияти васеъ муҳайё мебошад.

Ҳамаи ин тадбирҳо ҷиҳати беҳтар намудани сатҳу сифати таҳсилот ва ҷорӣ кардани усулҳои муосири таълиму тарбияи донишҷӯён равона карда шудааст.

facebooktwitter

kaynak:http://www.president.tj/node/30729?utm_source=dlvr.it&utm_medium=twitter

 

 

]]> Мулоқоту музокироти сатҳи олии Тоҷикистону Чин https://yeniekipgazetesi.com/%d0%bc%d1%83%d0%bb%d0%be%d2%9b%d0%be%d1%82%d1%83-%d0%bc%d1%83%d0%b7%d0%be%d0%ba%d0%b8%d1%80%d0%be%d1%82%d0%b8-%d1%81%d0%b0%d1%82%d2%b3%d0%b8-%d0%be%d0%bb%d0%b8%d0%b8-%d1%82%d0%be%d2%b7%d0%b8%d0%ba-h45543.html Sat, 20 May 2023 16:55:09 +0000 https://1453kralmedya.com/%d0%bc%d1%83%d0%bb%d0%be%d2%9b%d0%be%d1%82%d1%83-%d0%bc%d1%83%d0%b7%d0%be%d0%ba%d0%b8%d1%80%d0%be%d1%82%d0%b8-%d1%81%d0%b0%d1%82%d2%b3%d0%b8-%d0%be%d0%bb%d0%b8%d0%b8-%d1%82%d0%be%d2%b7%d0%b8%d0%ba-h45543.html

 

 

 

 

Мулоқоту музокироти сатҳи олии Тоҷикистону Чин

.2023 , Чин

18 май сафари давлатии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Сиани Ҷумҳурии Мардумии Чин идома ёфт.

Меҳмони олиқадр, Президенти Ҷумҳурии Тоҷикистон муҳтарам Эмомалӣ Раҳмонро роҳбари кишвари мизбон, Раиси Ҷумҳурии Мардумии Чин муҳтарам Си Ҷинпин гарму самимӣ истиқбол гирифтанд.

Баррасии масоили ҳамкории ду кишвар дар мулоқоти хосаи Пешвои миллат муҳтарам Эмомалӣ Раҳмон ва Раиси Ҷумҳурии Мардумии Чин муҳтарам Си Ҷинпин оғоз гардида, дар музокироти сатҳи олӣ бо иштироки ҳайатҳои расмии Тоҷикистону Чин идома ёфт.

Президенти мамлакат муҳтарам Эмомалӣ Раҳмон ба Раиси Ҷумҳурии Мардумии Чин барои даъват ҷиҳати анҷом додани сафари давлатӣ ва ширкат дар нишасти якуми сарони давлатҳо дар ҳамоиши сатҳи баланди “Осиёи Марказӣ-Чин” изҳори сипос намуданд.

Таъкид гардид, ки равобити ду кишвар босуръат рушд карда, намунаи равшани ҳамсоягии нек ва дӯстии самимӣ ба хотири сулҳу субот дар минтақа мебошад.

Сарвари давлат аз дастгирии Ҳукумати Чин ҷиҳати татбиқи лоиҳаҳои бузурги инфрасохтор, аз қабили тарҳҳои стратегӣ дар бахшҳои нақлиёт, энергетика ва саноат изҳори қаноатмандӣ карданд.

Ҷонибҳо зимни мулоқот масъалаҳои таҳкими ҳамкорӣ дар бахшҳои ояндадори иқтисоди сабз ва рақамӣ, инфрасохтор, электроэнергетика, сохтмону азнавсозии неругоҳҳои барқии Тоҷикистон ва бунёди хатҳои интиқоли барқро муҳокима намуданд.

Ҷалби технологияи муосир ва истифодаи таҷрибаи Чин дар рушди саноати миллӣ, кишоварзӣ, инфрасохтор, таъсиси ширкатҳои муштарак дар ин самт, иштироки корхонаҳои чинӣ дар ташкили паркҳои саноатӣ ва кишоварзӣ дар Тоҷикистон зарур шумурда шуд.

Вобаста ба ин ҷонибҳо ба мувофиқа расиданд, ки дар масъалаи таҷдиди ширкати алюминии тоҷик Талко чораҳои муштараки заруриро амалӣ созанд. Инчунин, барои бо мақсади татбиқи лоиҳаи роҳандозии истеҳсол ва таркиби электромобилҳо дар Тоҷикистон иқдомҳои лозимаро амалӣ намоянд.

Таъкид шуд, ки ҷорӣ намудани технологияи муосири чинӣ доир ба парвариш ва коркарди маҳсулоти кишоварзӣ, бахусус пахта, сабзавот ва мева метавонад ба манфиати ҳарду ҷониб кор кунад.

Қайд гардид, ки ҷониби Тоҷикистон аз пешниҳоди таъсиси долони иқтисодии Чин – Тоҷикистон – Афғонистони Шимолӣ ҷонибдорӣ карда, дар ин росто муҳим мешуморад, ки лоиҳаи сохтмони қитъаи роҳи Варшез дар ноҳияи Шуғнони Вилояти Мухтори Кӯҳистони Бадахшон то гузаргоҳи Қулма-Қарасу ва таҷдиди гузаргоҳи Қулма-Қарасу таҳия ва татбиқ карда шавад. Ин иқдом аз ҷониби роҳбари Чин мусбат арзёбӣ гардид.

 

 

 

 

 

Зимни мулоқот масъалаҳои барқарор кардани хатсайри ҳавоии Душанбе-Пекин, робитаҳо дар самти пешрафти инфросохтори сайёҳии Тоҷикистон, истифодаи иқтидорҳо ҷиҳати рушди ҳамкории гуманитарӣ, аз ҷумла илму маориф ва афзоиши шумораи бурсияҳои таҳсилотии Чин барои Тоҷикистон муҳокима гардид.

Ҷонибҳо дар чаҳорчуби ҳамкорӣ дар ташкилоту созмонҳои бонуфуз, аз қабили Созмони Милали Муттаҳид, пурзӯр кардани талошҳоро ҷиҳати мубориза бар зидди терроризм, экстремизм, ҷиноятҳои киберӣ, гардиши ғайриқонунии маводи нашъаовар ва дигар зуҳуроти ҷинояткории муташаккили фаромарзӣ зарур шумурданд.

Бинобар вазъияти ноором дар баъзе минтақаҳои ҷаҳон ва зарурати таҳкими ҳамкориҳо дар соҳаи таъмини амният ва суббот, ҷонибҳо густариши ҳарчи зичтари сохторҳои марбутаи тарафайнро дар ҳалли ин масъалаҳо таъкид намуданд.

Дар рафти мулоқот аснои баррасии масоили глобалӣ ташаббусҳои ҷаҳонии Тоҷикистон оид ба ҳалли мушкилоти обу иқлим таъкид гардид.

Дар анҷоми музокироти сатҳи баланди байнидавлатӣ Президенти Ҷумҳурии Тоҷикистон муҳтарам Эмомалӣ Раҳмон аз Раиси Ҷумҳурии Мардумии Чин муҳтарам Си Ҷинпин даъват ба амал оварданд, ки дар вақти барояшон мусоид ба Тоҷикистон ташриф оваранд.

Даъват бо хушнудӣ қабул гардид ва таърихи сафар бо роҳҳои дипломатӣ мувофиқа хоҳад гардид.

Маводҳо доир ба мавзӯъ:
Маводи дигар вобаста ба робитаҳо дар сатҳи олӣ миёни Тоҷикистон ва Чин
facebooktwitter

kaynak:http://www.president.tj/node/30692?utm_source=dlvr.it&utm_medium=twitter

 

 

]]> Идомаи сафари давлатӣ дар шаҳри Сиани Ҷумҳурии Мардумии Чин https://yeniekipgazetesi.com/%d0%b8%d0%b4%d0%be%d0%bc%d0%b0%d0%b8-%d1%81%d0%b0%d1%84%d0%b0%d1%80%d0%b8-%d0%b4%d0%b0%d0%b2%d0%bb%d0%b0%d1%82%d3%a3-%d0%b4%d0%b0%d1%80-%d1%88%d0%b0%d2%b3%d1%80%d0%b8-%d1%81%d0%b8%d0%b0%d0%bd%d0%b8-h45541.html Sat, 20 May 2023 15:34:53 +0000 https://1453kralmedya.com/%d0%b8%d0%b4%d0%be%d0%bc%d0%b0%d0%b8-%d1%81%d0%b0%d1%84%d0%b0%d1%80%d0%b8-%d0%b4%d0%b0%d0%b2%d0%bb%d0%b0%d1%82%d3%a3-%d0%b4%d0%b0%d1%80-%d1%88%d0%b0%d2%b3%d1%80%d0%b8-%d1%81%d0%b8%d0%b0%d0%bd%d0%b8-h45541.html

 

 

 

Идомаи сафари давлатӣ дар шаҳри Сиани Ҷумҳурии Мардумии Чин

2023 , Чин

Нимаи дуюми рӯзи 17 май Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади идомаи сафари давлатӣ дар Ҷумҳурии Мардумии Чин ва иштирок дар ҳамоиши якуми Саммити “Осиёи Марказӣ-Чин” ба шаҳри Сиан ташриф оварданд.

 

 

 

 

 

Дар фурудгоҳи байналмилалии шаҳри Сиан Президенти мамлакат муҳтарам Эмомалӣ Раҳмонро намояндагони воломақоми кишвари мизбон гарму самимӣ истиқбол гирифтанд.

Ба ифтихори меҳмони олиқадр Пешвои миллат муҳтарам Эмомалӣ Раҳмон аз ду канори роҳрави қолинии сурх қаровули фахрӣ саф ороста, барномаи рангини фарҳангӣ намоиш дода шуд.

facebooktwitter

kaynak:http://www.president.tj/node/30680?utm_source=dlvr.it&utm_medium=twitter

 

 

]]> Ба истифода додани коргоҳи нонпазию қаннодӣ ва боздид аз намоиши маҳсулоти онҳо дар шаҳри Истиқлол https://yeniekipgazetesi.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d0%ba%d0%be%d1%80%d0%b3%d0%be%d2%b3%d0%b8-%d0%bd%d0%be%d0%bd%d0%bf%d0%b0%d0%b7%d0%b8%d1%8e-%d2%9b-h42663.html Fri, 31 Mar 2023 14:07:06 +0000 https://1453kralmedya.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d0%ba%d0%be%d1%80%d0%b3%d0%be%d2%b3%d0%b8-%d0%bd%d0%be%d0%bd%d0%bf%d0%b0%d0%b7%d0%b8%d1%8e-%d2%9b-h42663.html

 

 

 

Ба истифода додани коргоҳи нонпазию қаннодӣ ва боздид аз намоиши маҳсулоти онҳо дар шаҳри Истиқлол
.2023 , шаҳри Истиқлол

Дар идомаи сафари корӣ дар шаҳри Истиқлол Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон коргоҳи нонпазӣ ва қаннодиро мавриди баҳрабардорӣ қарор дода, бо фаъолияти он шинос шуданд.

Корхонаи мазкур бо тамғаи “Файзи Истиқлол” маҳсулот омода намуда, барои бо сифат анҷом додани фармоиши мизоҷон ва қонеъсозии талаботи бозори шаҳр имконияти мусоидро доро мебошад.

Дар корхонаи нонпазӣ ва қаннодӣ навъҳои гуногуни кулчақанд, торт, шириниҳо бо тамъу лаззати фарқкунанда, самбӯса, манту ва намудҳои гуногуни нон пухтупаз гардида, ба харидорон пешниҳод карда мешавад.

Дар маҷмӯъ дар ин коргоҳ то ба 15 номгӯи маҳсулоти нонӣ ва қаннодӣ омода мегардад.

Тавре зимни боздид иброз гардид, коргоҳ ҳам барои нуқтаҳои фурӯши мағозаву бозорҳо маҳсулот тайёр менамояд ва ҳам имконият дорад, ки фармоиши мизоҷонро барои омодасозии ин ё он номгӯи маҳсулот дар алоҳидагӣ қабул намояд.

Дар як моҳ дар ин ҷо имконият аст, ки то 4 ҳазор адад намудҳои гуногуни ширинӣ, 1,5 ҳазор дона торти ҳаҷман хурду калон ва то 350 килограм маҳсулоти нонӣ тайёр карда шавад ва дар маҷмуъ дар як моҳ то 5 тонна орди аълосифат барои омодакунии маҳсулоти ниҳоӣ истифода хоҳад шуд.

Дар коргоҳи нонпазӣ 10 нафар, асосан бонувони шаҳр соҳиби ҷойи кори доимӣ гардида, ҳамаи онҳо аз курсҳои омӯзишӣ гузаштаанд ва бо сифати баланду тамъу лаззати хос маҳсулоти нониву қаннодиро омода карда, ба мизоҷон пешниҳод месозанд.

 

 

 

Коргоҳ дорои дастгоҳҳои каммасрафу муосири пухтупази нону намудҳои гуногуни ширинӣ буда, имконият дорад, ки тамоми намуди фармоишҳоро мувофиқи хоҳиши муштариён ва талаботи бозори истеъмолӣ тайёр кунад.

Назорати сифати маҳсулоти ниҳоӣ бо ҷалби мутахассисон ба таври доимӣ роҳандозӣ шуда, барои омодакунии кулчақанду шириниҳои гуногуну хуштаъм ва намудҳои нон маҳсулоти аълосифату аз ҷиҳати экологӣ тозаи ватанӣ истифода бурда мешавад.

“Файзи Истиқлол” бо пайгирӣ аз сиёсати бунёдкоронаи Пешвои муаззами миллат, аз ҷониби соҳибкори маҳаллӣ Хуршед Очилов бунёд гардидааст.

Ҳамчунин дар ҳамин ҷо намоиши маҳсулоти ниҳоии коргоҳи мазкур, ки бо тамғаи “Файзи Истиқлол” истеҳсол мешавад, доир гардид.

Президенти Ҷумҳурии Тоҷикистон муҳтарам Эмомалӣ Раҳмон зимни боздид кормандон ва масъулинро вазифадор карданд, ки пеш аз ҳама ба сифати маҳсулоти ниҳоӣ диққати аввалиндараҷа диҳанд ва бо омӯзиши ҳамаҷонибаи талаботи бозору хоҳиши мизоҷон номгӯи маҳсулотро низ зиёдтар намоянд.

kaynak:http://www.president.tj/node/30340?utm_source=dlvr.it&utm_medium=twitter

 

 

]]> Гузоштани санги асос барои бунёди роҳи кӯчаи Абдулаҳад Қаҳҳоров дар шаҳри Душанбе https://yeniekipgazetesi.com/%d0%b3%d1%83%d0%b7%d0%be%d1%88%d1%82%d0%b0%d0%bd%d0%b8-%d1%81%d0%b0%d0%bd%d0%b3%d0%b8-%d0%b0%d1%81%d0%be%d1%81-%d0%b1%d0%b0%d1%80%d0%be%d0%b8-%d0%b1%d1%83%d0%bd%d1%91%d0%b4%d0%b8-%d1%80%d0%be%d2%b3-h42036.html Mon, 13 Mar 2023 13:44:51 +0000 https://1453kralmedya.com/%d0%b3%d1%83%d0%b7%d0%be%d1%88%d1%82%d0%b0%d0%bd%d0%b8-%d1%81%d0%b0%d0%bd%d0%b3%d0%b8-%d0%b0%d1%81%d0%be%d1%81-%d0%b1%d0%b0%d1%80%d0%be%d0%b8-%d0%b1%d1%83%d0%bd%d1%91%d0%b4%d0%b8-%d1%80%d0%be%d2%b3-h42036.html

 

 

 

Гузоштани санги асос барои бунёди роҳи кӯчаи Абдулаҳад Қаҳҳоров дар шаҳри Душанбе
13.03.2023 , шаҳри Душанбе

13 март Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ барои азнавсозии кӯчаи Абдулаҳад Қаҳҳоров санги асос гузоштанд.

Навсозии роҳ аз хиёбони Саъдӣ Шерозӣ то даромадгоҳи ноҳияи Рӯдакӣ дар асоси нақшаи генералии шаҳри Душанбе сурат гирифта, барои ҳаракати воситаҳои нақлиёт, дучарха ва пиёдагардон мутобиқ ба талаботи байналмилалӣ шароит фароҳам оварда мешавад.

Пешвои муаззами миллат муҳтарам Эмомалӣ Раҳмон бо хушҳолӣ аз иқдомҳои раиси шаҳри Душанбе дар самти бунёди роҳу пӯл ва гузаргоҳҳои замонавӣ коргарону мутахассисонро барои иҷрои саривақтию босифати корҳо вазифадор намуданд.

Дарозии роҳ 6,6 километрро ташкил намуда, аз ду самт барои воситаҳои нақлиёт 8 хати ҳаракат сохта мешавад. Дар қисматҳои алоҳидаи роҳ ду хатти алоҳидаи дигар барои нақлиёти ҷамъиятӣ пешбинӣ шудааст.

Ҳамзамон дар оянда 5 роҳи дусатҳа мутобиқ ба талаботи ҷаҳонӣ сохта мешавад. Роҳҳои дусатҳа дар буриши кӯчаи Соҳилӣ бо Ҷанубӣ бо сохтани пӯл дар болои дарёи Душанбе, дар буриши кӯчаи Абдураҳмони Ҷомӣ бо кӯчаи Қаҳҳоров, дар буриши кӯчаи Абай бо Қаҳҳоров, дар буриши хиёбони Саъдӣ Шерозӣ бо Ҳофизи Шерозӣ ва гузаргоҳи дусатҳа бо пӯл дар буриши кӯчаи Ҳабибулло Назаров бо Шерализода сохта ба истифода дода мешавад.

Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон таваҷҷуҳи коргарону мутахссисонро ба иҷрои босифати корҳо ҷалб намуда, супориш доданд, ки роҳ дар муҳлати 2,5 сол мутобиқ ба стандартҳои ҷаҳонӣ сохта ба истифода дода шавад.

Бо шарофати Истиқлолияти давлатӣ ва тинҷию оромии Ватани маҳбуб иҷрои супоришҳои Пешвои муаззами миллат муҳтарам Эмомалӣ Раҳмон аз ҷониби шаҳрдорӣ ба ҳамин гуна бунёду ба истифода додани роҳҳои замонавӣ мусоидат мекунад, ки беназир аст.

Ҳамзамон дар ҳамин рӯз техникаю механизмҳо ва масолеҳи сохтмоние, ки барои бунёди роҳи кӯчаи Қаҳҳоров истифода мегардад, муарифӣ карда шуд. Қисми зиёди масолеҳи сохтмонии истифодашаванда, аз ҷумла тахтасангҳои оҳану бетонӣ, қубур бо андозаҳои гуногун, асфалт дар шаҳри Душанбе истеҳсол карда мешавад. Дар маҷмуъ масолеҳи сохтмоние, ки барои бунёди роҳ истифода карда мешавад, ба ғайр аз битум пурра истеҳсоли ширкатҳои ватанӣ мебошад. Дар рафти корҳои сохтмонӣ техникаву менанизмҳои муосир истифода карда мешавад.

Бунёди роҳи кӯчаи Қаҳҳоровро Корхонаи воҳиди давлатии «Роҳсоз» ва Ҷамъияти дорои масъулияти маҳдуди «Авесто-гурӯҳ» анҷом медиҳад.

Азнавсозии кӯчаи Абдулаҳад Қаҳҳоров бо сохти меъморӣ, имкониятҳои васеи хизматрасонӣ ва зебогӣ дар Тоҷикистон дар доираи иқдомҳои шаҳрдорӣ ҷиҳати иҷрои супориши Роҳбари давлат барои ба шаҳри пешрафта табдил додани пойтахти мамлакат амалӣ мешавад. Амалишавии чунин лоиҳа бо 5 роҳи дусатҳаву имкониятҳои васеъ барои ҳаракати нақлиёт, роҳи махсус барои нақлиёти ҷамъиятӣ, дучарха ва пиёдагардон дар шаҳри Душанбе бори аввал сурат мегирад.

Сохтмони роҳ аз хиёбони Саъдӣ Шерозӣ то даромадгоҳи ноҳияи Рӯдакӣ барои фароҳам овардани шароити мусоид ҷиҳати ҳаракати воситаҳои нақлиёт ва ба меъёрҳои байналмилалӣ мутобиқ гардонидани имконияти хизматрасонӣ дар соҳаи роҳу нақлиёт мусоидат мекунад.

Пешвои муаззами миллат муҳтарам Эмомалӣ Раҳмон бунёди роҳ, пӯл ва гузаргоҳҳои дусатҳаи замонавиро дар шаҳри Душанбе намунаи асосии амалишавии нақшаҳои Ҳукумати мамлакат аз ҷониби шаҳрдорӣ ҷиҳати ба пуррагӣ раҳои бахшидани Тоҷикистон аз бунбасти коммуникаистонӣ арзёбӣ карданд.

Зимни муаррифии нақшаҳои Мақомоти иҷроияи ҳокимияти давлатии шаҳри Душанбе маълумот дода шуд, ки бунёди роҳҳои чанд кӯчаву хиёбон ва гузаргоҳҳои дусатҳа оғоз мегардад.

Сохтмони роҳҳои дусатҳаи кӯчаи Қаҳҳоров дар буриши хиёбони Неъмат Қарабоев, дар буриши кӯчаи Соҳилӣ бо азнавсозии пӯли болои дарёи Душанбе, дар буриши кӯчаи Қаҳҳоров бо хиёбони Ҳофизи Шерозӣ ва дар буриши хиёбони Саъдӣ Шерозӣ бо Садриддин Айнӣ бо азнавсозии пӯли роҳи оҳан оғоз мегардад. Ҳоло охирон корҳо барои асосноккунии техникӣ идома дорад.

Ҳамзамон оянда бунёди роҳ аз кӯчаи Қаҳҳоров то дарвозаи Шарқӣ бо дарозии 11,2 километр, 8 хати ҳаракат аз ду самт ва як роҳи дусатҳа, сохтмони роҳ аз маҳаллаи Чортут то маҳаллаи Чиртаки шаҳри Ваҳдат бо дарозии наздики 40 километр бо 6 хати ҳаракат аз ду самт, як пӯл ва 4 гузаргоҳи дусатҳа дар назар аст.

Имрӯз дар доираи иҷрои супоришҳои Пешвои муаззами миллат ҳадафи раиси шаҳри Душанбе муҳтарам Рустами Эмомалӣ ба бунёди роҳу пӯл ва гузаргоҳҳои дусатҳаву сесатҳае равона карда шудааст, ки хизматрасонии роҳу нақлиётро дар пойтахти мамлакат ба талаботи ҷаҳонӣ мутобиқ мегардонад.

facebooktwitter

Kaynak:http://www.president.tj/node/30171?utm_source=dlvr.it&utm_medium=twitter

 

 

]]> Паёми шодбошии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон https://yeniekipgazetesi.com/%d0%bf%d0%b0%d1%91%d0%bc%d0%b8-%d1%88%d0%be%d0%b4%d0%b1%d0%be%d1%88%d0%b8%d0%b8-%d0%bf%d0%b5%d1%88%d0%b2%d0%be%d0%b8-%d0%bc%d0%b8%d0%bb%d0%bb%d0%b0%d1%82-%d0%bf%d1%80%d0%b5%d0%b7%d0%b8%d0%b4%d0%b5-h38539.html Thu, 15 Dec 2022 21:18:59 +0000 https://1453kralmedya.com/%d0%bf%d0%b0%d1%91%d0%bc%d0%b8-%d1%88%d0%be%d0%b4%d0%b1%d0%be%d1%88%d0%b8%d0%b8-%d0%bf%d0%b5%d1%88%d0%b2%d0%be%d0%b8-%d0%bc%d0%b8%d0%bb%d0%bb%d0%b0%d1%82-%d0%bf%d1%80%d0%b5%d0%b7%d0%b8%d0%b4%d0%b5-h38539.html

 

 

 

Паёми шодбошии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон

15.12.2022    шаҳри Душанбе
Ҳамватанони азиз!

Дирӯз, 14 декабри соли 2022 Маҷмаи Умумии Созмони Милали Муттаҳид ташаббуси панҷуми моро дар соҳаи об якдилона бо қабули қатъномаи махсуси худ тасдиқ намуд.

Тибқи ин қатънома, аввалан, соли 2025 ҳамчун Соли байналмилалии ҳифзи пиряхҳо эълон карда шуд.

Дуввум ин, ки аз оғози соли 2025 минбаъд ҳар сол рӯзи 21 март ҳамчун Рӯзи ҷаҳонии пиряхҳо таҷлил карда мешавад.

Инчунин, мутобиқи ин қатънома Созмони Милали Муттаҳид таҳти ҳамоҳангии Дабири кулли ин созмон Фонди трастии мақсаднок, яъне Хазинаи байналмилалии мақсадноки эътимодро ҷиҳати ҳифзи пиряхҳо таъсис медиҳад.

Чорум, соли 2025 дар шаҳри Душанбе Конфронси байналмилалии сатҳи баланд оид ба масъалаҳои ҳифзи пиряхҳо баргузор мегардад.

Бовар дорам, ки дар чаҳорчӯби ин Конфронс стратегия, харитаи роҳ ва дигар санадҳои лозимаи байналмилалӣ оид ба татбиқи чораҳои зарурии муштарак дар ҳалли масъалаҳои пешгирӣ аз обшавии босуръати пиряхҳо, ҳифзи пиряхҳо ва истифодаи самараноки онҳо дар сатҳи глобалӣ ва минтақавӣ ҳамчун манбаъҳои асосии обҳои мусаффои ошомиданӣ таҳия ва тасдиқ хоҳанд шуд.

Тавре ки ба ҳама маълум аст, тағйирёбии глобалии иқлим ба сифати яке аз мушкилоти муосир, пеш аз ҳама, ба ҳолати пиряхҳо, захираҳои барф ва об таъсири манфӣ мерасонад. Ман оид ба ин масъала аз минбарҳои созмонҳои байналмилалӣ ва минтақавӣ борҳо таъкид карда будам.

Ҷомеаи ҷаҳонӣ хуб дарк мекунад, ки коҳиш ва харобшавии минбаъдаи манбаъҳои обҳои ошомиданӣ дар сайёра метавонад аҳли башарро ба фалокатҳои зиёди ҷонӣ, иҷтимоӣ ва иқтисодӣ дучор намояд.

Аз ин лиҳоз, ба ҷомеаи ҷаҳонӣ лозим меояд, ки барои ҳалли ин масоили глобалӣ ҳарчи зудтар чораҳои зарурии муштаракро таҳия ва татбиқ намояд.

Мо хушҳол аз онем, ки ташаббуси мо бо дарки масъулият аз ҷониби ҷомеаи ҷаҳонӣ пуштибонии ҳаматарафа ёфт.

Бинобар ин, аз фурсат истифода бурда, ба тамоми кишварҳои аъзои Созмони Милали Муттаҳид, сохторҳои он ва дигар ташкилотҳои байналмилалию минтақавӣ, ки барои дастгирӣ намудани ин ташаббуси мо дар Маҷмаи Умумии Созмони Милали Муттаҳид мусоидат карданд, аз номи худ, Ҳукумат ва мардуми Тоҷикистон сидқан изҳори миннатдорӣ менамоям.

Ҳамватанони азиз!

Ҳамаи шуморо бо камоли ифтихор ба муносибати ин рӯйдоди таърихӣ ва муҳим, яъне қабул гардидани қатъномаи саривақтии Маҷмаи Умумии Созмони Милали Муттаҳид, ки идомаи татбиқи ташаббусҳои байналмилалии мо дар мавзӯи обу иқлим мебошад, самимона табрик мегӯям.

Бешубҳа, қабули ин қатънома, яъне ташаббуси панҷуми Тоҷикистон гувоҳи боз ҳам баланд гардидани обрӯю эътибори кишвари мо дар арсаи ҷаҳонӣ мебошад.

Итминони комил дорам, ки Тоҷикистон дар пешбурди масоили ҷаҳонии обу иқлим ва мавзӯъҳои дигари рӯзномаи байналмилалӣ минбаъд низ ба ҳайси кишвари ташаббускор боқӣ хоҳад монд.

kaynak:http://www.president.tj/node/29795?utm_source=dlvr.it&utm_medium=twitter

 

 

]]>