және – Yeni Ekip Gazetesi https://yeniekipgazetesi.com Tue, 04 Feb 2025 18:20:37 +0000 tr hourly 1 https://yeniekipgazetesi.com/wp-content/uploads/2025/03/cropped-Yeni-Ekip-32x32.webp және – Yeni Ekip Gazetesi https://yeniekipgazetesi.com 32 32 Мемлекет басшысы Қаржы нарығын реттеу және дамыту агенттігінің төрағасы Мәдина Әбілқасымованы қабылдады https://yeniekipgazetesi.com/%d0%bc%d0%b5%d0%bc%d0%bb%d0%b5%d0%ba%d0%b5%d1%82-%d0%b1%d0%b0%d1%81%d1%88%d1%8b%d1%81%d1%8b-%d2%9b%d0%b0%d1%80%d0%b6%d1%8b-%d0%bd%d0%b0%d1%80%d1%8b%d2%93%d1%8b%d0%bd-%d1%80%d0%b5%d1%82%d1%82%d0%b5-2-h64973.html https://yeniekipgazetesi.com/%d0%bc%d0%b5%d0%bc%d0%bb%d0%b5%d0%ba%d0%b5%d1%82-%d0%b1%d0%b0%d1%81%d1%88%d1%8b%d1%81%d1%8b-%d2%9b%d0%b0%d1%80%d0%b6%d1%8b-%d0%bd%d0%b0%d1%80%d1%8b%d2%93%d1%8b%d0%bd-%d1%80%d0%b5%d1%82%d1%82%d0%b5-2-h64973.html#respond Tue, 04 Feb 2025 18:20:37 +0000 https://gazetegazetesi.com/%d0%bc%d0%b5%d0%bc%d0%bb%d0%b5%d0%ba%d0%b5%d1%82-%d0%b1%d0%b0%d1%81%d1%88%d1%8b%d1%81%d1%8b-%d2%9b%d0%b0%d1%80%d0%b6%d1%8b-%d0%bd%d0%b0%d1%80%d1%8b%d2%93%d1%8b%d0%bd-%d1%80%d0%b5%d1%82%d1%82%d0%b5-2-h101268.html Жаңалықтар

Ақорда

Мемлекет басшысы Қаржы нарығын реттеу және дамыту агенттігінің төрағасы Мәдина Әбілқасымованы қабылдады

2025 жылғы 04 ақпан

Президентке қаржы нарығын дамыту саласының былтырғы қорытындылары туралы есеп берілді.

 

 

https://x.com/aqorda_press/status/1886740160156483790

 

Қасым-Жомарт Тоқаевқа банк секторында тұрақтылық сақталып тұрғаны жөнінде баяндалды. 2024 жылдың басынан бері банктердің активтері 19,7 пайызға, яғни 61,6 триллион теңгеге дейін өсті. Экономиканы кредиттеу 20,9 пайызға немесе 33,8 триллион теңгеге дейін ұлғайды. Банктердің жұмыс істемейтін активтері – 3,1 пайыздан төмен деңгейде.

https://x.com/aqorda_press/status/1886740160156483790

Агенттік 21 банкке жыл сайынғы қадағалау-бағалау жұмыстарын аяқтады. Сондай-ақ 11 банктің активі сапалық тұрғыдан бағаланып, стресс-тестілеу жүргізілді. Аталған шара банк жүйесі активтерінің 85 пайызын қамтыды. Бұған қоса, 400 миллиард теңге көлемінде мемлекеттің қолдау қаражаты мерзімінен бұрын қайтарылды.

 

https://x.com/aqorda_press/status/1886740160156483790

 

 

Мәдина Әбілқасымова стрестік активтер нарығын дамытуды көздейтін заңнамалық түзетулер қабылданып, осы тектес активтерді сатуға арналған алғашқы цифрлық платформа іске қосылғанын айтты.

 

https://x.com/aqorda_press/status/1886740160156483790

 

 

Бәсекелестікті күшейту үшін банк секторына Оңтүстік Кореядан, Қатар Мемлекетінен және Біріккен Араб Әмірліктерінен шетелдік банктер тартылды.

Мемлекет басшысына нақты сектор мен бизнес субъектілерін несиелеу туралы мәлімет берілді. 2024 жылы бизнеске берілген кредиттер 16,3 пайызға немесе 13,1 триллион теңгеге дейін ұлғайған. Бұл ретте бизнеске 18,2 триллион теңге сомасына жаңа займдар берілген.

 

https://x.com/aqorda_press/status/1886740160156483790

 

Қасым-Жомарт Тоқаевтың халықтың шамадан тыс кредит алуын төмендету жөнінде берген тапсырмасына сәйкес, 2024 жылғы маусымда кредит беру кезінде тәуекелдерді барынша азайту және қарыз алушылардың құқықтарын қорғау бағытында заң қабылданды. Сонымен қатар 614 мың азаматтың 210 миллиард теңге сомасындағы проблемалық берешегі қайта құрылымдалды, ішінара немесе толық кешірілді.

Агенттік төрағасы азаматтарды қаржылық алаяқтықтан қорғау мақсатында заңнамалық түзетулердің жаңа топтамасы әзірленгенін жеткізді.

 

 

https://x.com/aqorda_press/status/1886740160156483790

 

Бұдан бөлек, Мемлекет басшысына сақтандыру нарығын цифрландыру нәтижесі таныстырылды. Азаматтардың тұрғын үйлерін апат тәуекелдерінен міндетті сақтандыру моделі әзірленді. Кредиттік рейтинг агенттіктері туралы, Инвестициялық және венчурлық қорлар туралы заң жобалары дайындалды.

 

https://x.com/aqorda_press/status/1886740160156483790

 

 

Кездесу соңында Қасым-Жомарт Тоқаев Агенттікке қаржылық тұрақтылықты қамтамасыз ету, нақты секторды кредиттеу аясын одан әрі кеңейту, қаржылық қызметтерде тұтынушылардың құқықтарын қорғау тетіктерін күшейту жөнінде бірқатар міндет жүктеді.

Кері қайту Кері қайту

kaynak:https://www.akorda.kz/kz/memleket-basshysy-karzhy-narygyn-retteu-zhane-damytu-agenttiginin-toragasy-madina-abilkasymovany-kabyldady-413338

 

https://x.com/aqorda_press/status/1886740160156483790

]]> https://yeniekipgazetesi.com/%d0%bc%d0%b5%d0%bc%d0%bb%d0%b5%d0%ba%d0%b5%d1%82-%d0%b1%d0%b0%d1%81%d1%88%d1%8b%d1%81%d1%8b-%d2%9b%d0%b0%d1%80%d0%b6%d1%8b-%d0%bd%d0%b0%d1%80%d1%8b%d2%93%d1%8b%d0%bd-%d1%80%d0%b5%d1%82%d1%82%d0%b5-2-h64973.html/feed 0 Мемлекет басшысы Туризм және спорт министрі Ербол Мырзабосыновты қабылдады https://yeniekipgazetesi.com/%d0%bc%d0%b5%d0%bc%d0%bb%d0%b5%d0%ba%d0%b5%d1%82-%d0%b1%d0%b0%d1%81%d1%88%d1%8b%d1%81%d1%8b-%d1%82%d1%83%d1%80%d0%b8%d0%b7%d0%bc-%d0%b6%d3%99%d0%bd%d0%b5-%d1%81%d0%bf%d0%be%d1%80%d1%82-%d0%bc%d0%b8-2-h62896.html https://yeniekipgazetesi.com/%d0%bc%d0%b5%d0%bc%d0%bb%d0%b5%d0%ba%d0%b5%d1%82-%d0%b1%d0%b0%d1%81%d1%88%d1%8b%d1%81%d1%8b-%d1%82%d1%83%d1%80%d0%b8%d0%b7%d0%bc-%d0%b6%d3%99%d0%bd%d0%b5-%d1%81%d0%bf%d0%be%d1%80%d1%82-%d0%bc%d0%b8-2-h62896.html#respond Wed, 27 Nov 2024 13:35:20 +0000 https://gazetegazetesi.com/%d0%bc%d0%b5%d0%bc%d0%bb%d0%b5%d0%ba%d0%b5%d1%82-%d0%b1%d0%b0%d1%81%d1%88%d1%8b%d1%81%d1%8b-%d1%82%d1%83%d1%80%d0%b8%d0%b7%d0%bc-%d0%b6%d3%99%d0%bd%d0%b5-%d1%81%d0%bf%d0%be%d1%80%d1%82-%d0%bc%d0%b8-2-h98598.html Жаңалықтар

Ақорда

Мемлекет басшысы Туризм және спорт министрі Ербол Мырзабосыновты қабылдады

2024 жылғы

Президент Қасым-Жомарт Тоқаевқа отандық спорт саласын кешенді реформалау жөнінде бұған дейін берілген тапсырмаларының орындалу барысы баяндалды.

 

https://x.com/aqorda_press/status/1861365980548440394

 

Мемлекет басшысына балалар мен жасөспірімдер спортын дамыту, төрешілер мен мамандар біліктілігін арттыру, легионер санын азайту, федерациялар жұмысын оңтайландыру бағытында атқарылған жұмыстар туралы есеп берілді.

 

https://x.com/aqorda_press/status/1861365980548440394

 

Ербол Мырзабосыновтың айтуынша, салаға вертикалды басқару жүйесін енгізу шаралары басталды. Осы мақсатта министрлік жанынан арнайы құрылған топ мүшелері өңірлердегі спорт саласының жағдайына жан-жақты талдау жүргізді. Бұдан бөлек, қолданыстағы «Дене шынықтыру және спорт туралы» Заңға негізгі басымдықтарды айқындайтын өзгерістер мен толықтырулар енгізу үшін жұмыс тобы құрылды. Халықаралық федерациялармен ынтымақтастық аясын кеңейту, спорт инфрақұрылымдарын жетілдіру үшін жүйелі жұмыс жүргізіліп жатыр.

 

https://x.com/aqorda_press/status/1861365980548440394

 

Сонымен қатар Мемлекет басшысына еліміздің туристік әлеуетін арттыру шаралары туралы мәлімет берілді. Мысалы, шетелдік саяхатшыларға түрлі мүмкіндіктер ұсынатын Neo Nomad Visa жобасы іске қосылды. Президент тапсырмасына сәйкес, Алматы тау кластерін, Маңғыстау және Бурабай курорты аймақтарында жағажай туризмін дамыту жөнінде кешенді жоспар әзірленуде. Ойын бизнесін және лотереяны реттеу комитеті құрылып, лудоманияға қарсы күрес қолға алынды.

 

https://x.com/aqorda_press/status/1861365980548440394

 

Кездесу соңында Қасым-Жомарт Тоқаев министрге спорт және туризм салаларын одан әрі жетілдіру жөнінде бірқатар нақты міндет жүктеді. Атап айтқанда, алдағы уақытта өтетін халықаралық спорт додаларына дайындық деңгейін пысықтауды, сондай-ақ елімізде танымалдығы артып келе жатқан падел спортын ілгерілетуге назар аударуды тапсырды.

Кері қайту Кері қайту

kaynak:https://www.akorda.kz/kz/memleket-basshysy-turizm-zhane-sport-ministri-erbol-myrzabosynovty-kabyldady-26101650

 

 

https://x.com/aqorda_press/status/1861365980548440394

]]> https://yeniekipgazetesi.com/%d0%bc%d0%b5%d0%bc%d0%bb%d0%b5%d0%ba%d0%b5%d1%82-%d0%b1%d0%b0%d1%81%d1%88%d1%8b%d1%81%d1%8b-%d1%82%d1%83%d1%80%d0%b8%d0%b7%d0%bc-%d0%b6%d3%99%d0%bd%d0%b5-%d1%81%d0%bf%d0%be%d1%80%d1%82-%d0%bc%d0%b8-2-h62896.html/feed 0 Президент Еңбек және халықты әлеуметтік қорғау министрі Светлана Жақыпованы қабылдады https://yeniekipgazetesi.com/%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82-%d0%b5%d2%a3%d0%b1%d0%b5%d0%ba-%d0%b6%d3%99%d0%bd%d0%b5-%d1%85%d0%b0%d0%bb%d1%8b%d2%9b%d1%82%d1%8b-%d3%99%d0%bb%d0%b5%d1%83%d0%bc%d0%b5%d1%82-h62879.html https://yeniekipgazetesi.com/%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82-%d0%b5%d2%a3%d0%b1%d0%b5%d0%ba-%d0%b6%d3%99%d0%bd%d0%b5-%d1%85%d0%b0%d0%bb%d1%8b%d2%9b%d1%82%d1%8b-%d3%99%d0%bb%d0%b5%d1%83%d0%bc%d0%b5%d1%82-h62879.html#respond Tue, 26 Nov 2024 16:36:22 +0000 https://gazetegazetesi.com/%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82-%d0%b5%d2%a3%d0%b1%d0%b5%d0%ba-%d0%b6%d3%99%d0%bd%d0%b5-%d1%85%d0%b0%d0%bb%d1%8b%d2%9b%d1%82%d1%8b-%d3%99%d0%bb%d0%b5%d1%83%d0%bc%d0%b5%d1%82-h98564.html Жаңалықтар

Ақорда

Президент Еңбек және халықты әлеуметтік қорғау министрі Светлана Жақыпованы қабылдады

2024 жылғы

Қасым-Жомарт Тоқаевқа еліміздегі әлеумет және еңбек салаларын дамыту бойынша атқарылып жатқан жұмыстардың есебі мен алдағы жоспары жөнінде ақпарат берілді.

 

https://x.com/aqorda_press/status/1860997086302331151

 

Мемлекет басшысына атаулы әлеуметтік көмек көрсетудің жаңа тәсілдері ұсынылды. Бұл шаралар әлеуметтік қолдаудың тиімділігін арттырып, көмектің тиісті азаматтарға дәл жетуін көздейді.

 

https://x.com/aqorda_press/status/1860997086302331151

 

Светлана Жақыпованың айтуынша, 2025 жылдың 1 қаңтарынан бастап Арнаулы әлеуметтік қызмет көрсету орталықтарында жан басына шаққандағы қаржыландыруды лицензиялау жүйесі енгізіледі. Бұл мақсатта кәсіби стандарттар мен оқыту модульдері әзірленген. 2030 жылға дейінгі инклюзивті саясат тұжырымдамасы аясында мүгедектіктің әлеуметтік-құқықтық қорғау моделіне көшу енгізіліп жатыр.

 

https://x.com/aqorda_press/status/1860997086302331151

 

Президентке халықты жұмыспен қамтуға бағытталған шаралар жөнінде баяндалды. Министрдің айтуынша, биыл 804 мыңнан астам адам жұмысқа орналасты. Олардың ішінде 200 мыңнан астамы жастар. Ал 9 мыңға жуық азамат, соның ішінде мүмкіндігі шектеулі азаматтар мен ерекше қажеттіліктері бар балалардың ата-аналары бизнес идеяларын жүзеге асыру үшін грант алды.

Қасым-Жомарт Тоқаевқа сапалы жоспарлау мен мемлекеттік инвестициялардың тиімділігін арттыру мақсатында әзірленген «Жобалардың инновациялық навигаторы» қанатқақты жобасы туралы баяндалды. Аталған жүйе мамандарға деген сұранысты талдап, болжайды, сондай-ақ жобалардың тиімділігіне мониторинг жасап, сапасын қадағалайды және үйлестіруді қамтамасыз етеді. Платформа қазірдің өзінде жалпы құны 33 триллион теңге болатын 755 инвестициялық жобаны сүйемелдеп отыр. Оны жүзеге асыру аясында 150 мыңға дейін жұмыс орнын құру жоспарланған. Навигатор қажетті еңбек ресурстары жоқ жауапсыз мердігерлерді анықтауға да мүмкіндік береді.

 

https://x.com/aqorda_press/status/1860997086302331151

 

Министр еңбек жанжалдарының алдын алуға көмектесетін Еңбек тәуекелдерінің цифрлық картасының жұмысына тоқталды.

Қасым-Жомарт Тоқаев әлеуметтік саясатты жетілдіру мен әлеумет және еңбек салаларындағы шаралардың тиімділігін арттыру жөнінде бірқатар тапсырма берді.

Кері қайту Кері қайту

kaynak:https://www.akorda.kz/kz/prezident-enbek-zhane-halykty-aleumettik-korgau-ministri-svetlana-zhakypovany-kabyldady-2510356

 

https://x.com/aqorda_press/status/1860997086302331151

]]> https://yeniekipgazetesi.com/%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82-%d0%b5%d2%a3%d0%b1%d0%b5%d0%ba-%d0%b6%d3%99%d0%bd%d0%b5-%d1%85%d0%b0%d0%bb%d1%8b%d2%9b%d1%82%d1%8b-%d3%99%d0%bb%d0%b5%d1%83%d0%bc%d0%b5%d1%82-h62879.html/feed 0 Мемлекет басшысы Өнеркәсіп және құрылыс министрі Қанат Шарлапаевты қабылдады https://yeniekipgazetesi.com/%d0%bc%d0%b5%d0%bc%d0%bb%d0%b5%d0%ba%d0%b5%d1%82-%d0%b1%d0%b0%d1%81%d1%88%d1%8b%d1%81%d1%8b-%d3%a9%d0%bd%d0%b5%d1%80%d0%ba%d3%99%d1%81%d1%96%d0%bf-%d0%b6%d3%99%d0%bd%d0%b5-%d2%9b%d2%b1%d1%80%d1%8b-h56187.html Wed, 10 Apr 2024 22:52:14 +0000 https://1453kralmedya.com/%d0%bc%d0%b5%d0%bc%d0%bb%d0%b5%d0%ba%d0%b5%d1%82-%d0%b1%d0%b0%d1%81%d1%88%d1%8b%d1%81%d1%8b-%d3%a9%d0%bd%d0%b5%d1%80%d0%ba%d3%99%d1%81%d1%96%d0%bf-%d0%b6%d3%99%d0%bd%d0%b5-%d2%9b%d2%b1%d1%80%d1%8b-h56187.html

Жаңалықтар

Ақорда

Мемлекет басшысы Өнеркәсіп және құрылыс министрі Қанат Шарлапаевты қабылдады

 

 

 

 

2024 жылғы

Президентке өнеркәсіптік даму, геология, жер қойнауын пайдалану және құрылыс салаларындағы жұмыстың нәтижесі мен алдағы кезеңге арналған жоспары жөнінде баяндалды.

Министр биылғы қаңтар-ақпан айларында Қазақстанның өңдеу өнеркәсібіндегі өсім 7,4 пайызды құрағанын жеткізді. Өндіріс көлемін ұлғайтуда машина жасау, металлургия, химия және жеңіл өнеркәсіп сияқты салалардың үлесі зор. Жалпы құны 1,5 триллион теңге болатын 180 жобаны жүзеге асыру жоспарланған. Соның арқасында 17,8 мың жұмыс орны ашылмақ.

Мемлекет басшысына құрылыс саласының жай-күйі туралы мәлімет берілді. Былтыр 157 мың тұрғын үй салынған. Биыл 172 мың тұрғын үй салу көзделіп отыр. Сондай-ақ жалға берілетін 22 мың тұрғын үйдің құрылысына мемлекеттен 300 миллиард теңгеден астам қаржы бөлінген. «Отбасы банкі» арқылы қаржыландыру көлемі 300 миллиард теңгені құрайтын бағдарлама іске қосылады. Бұл ел азаматтарына 12 мың ипотекалық займ беруге септігін тигізеді.

Қасым-Жомарт Тоқаевқа жер қойнауын пайдалану құқығын беруге қатысты аукциондарды электронды форматта өткізу үшін E-Qazyna.kz цифрлық платформасының іске қосылғаны жайында баяндалды. Бұл бастама процестің ашықтығы мен қолжетімділігін едәуір арттырды. Аукциондарға Rio Tinto және Fortescue сияқты әлемдік ірі компаниялардың қатысуы Қазақстанның ресурстарға бай кен орындарын зерттеуге мүмкіндік беретін бәсекенің арта түскенін көрсетеді.

Президентке министрліктің су тасқынынан зардап шеккен тұрғындарға көмек көрсету жөніндегі негізгі жоспары таныстырылды. Қазіргі уақытта су басқан өңірлерде жаңа тұрғын үй салу үшін жобалық-сметалық құжаттаманың құнын бекіту жұмыстары аяқталып келеді.

 

 

 

Қасым-Жомарт Тоқаев апаттан қираған тұрғын үйлерді тез арада қалпына келтіруді тапсырды.

Кері қайту Кері қайту

kaynak:https://www.akorda.kz/kz/memleket-basshysy-onerkasip-zhane-kurylys-ministri-kanat-sharlapaevty-kabyldady-831613

]]> Президент БҰҰ Азық-түлік және ауыл шаруашылығы ұйымының (FAO) бас директоры Цюй Дунъюймен кездесті https://yeniekipgazetesi.com/%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82-%d0%b1%d2%b1%d2%b1-%d0%b0%d0%b7%d1%8b%d2%9b-%d1%82%d2%af%d0%bb%d1%96%d0%ba-%d0%b6%d3%99%d0%bd%d0%b5-%d0%b0%d1%83%d1%8b%d0%bb-%d1%88%d0%b0%d1%80-h53698.html Sun, 21 Jan 2024 07:33:31 +0000 https://1453kralmedya.com/%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82-%d0%b1%d2%b1%d2%b1-%d0%b0%d0%b7%d1%8b%d2%9b-%d1%82%d2%af%d0%bb%d1%96%d0%ba-%d0%b6%d3%99%d0%bd%d0%b5-%d0%b0%d1%83%d1%8b%d0%bb-%d1%88%d0%b0%d1%80-h53698.html

 

 

 

 

Жаңалықтар

Халықаралық қоғамдастық

Президент БҰҰ Азық-түлік және ауыл шаруашылығы ұйымының (FAO) бас директоры Цюй Дунъюймен кездесті

2024 жылғы

Италия, Рим қаласы

 

 

 

 

Италияға ресми сапары барысында Мемлекет басшысы БҰҰ Азық-түлік және ауыл шаруашылығы ұйымының (FAO) Римдегі штаб-пәтеріне барды.

 

 

 

Қасым-Жомарт Тоқаев Цюй Дунъюймен кездесуде жаһандық азық-түлік қауіпсіздігін қамтамасыз етудің және агроөнеркәсіп кешенінің орнықты дамуын ілгерілетудің маңыздылығына назар аударып, Қазақстанның Ұйыммен ынтымақтастығын нығайтуға мүдделі екенін жеткізді.

– Азық-түлік тапшылығы – жаһандық күн тәртібіндегі өзекті проблеманың бірі. Қазақстан бұл мәселені шешуге өз үлесін қосуға ұмтылады. Біздің еліміз дәнді дақылдар өсіру жөнінен алдыңғы қатарда. Бидай экспортының көлемі шамамен 6 миллион тоннаға жетеді. Біз астық және ұн өндіретін 10 ірі мемлекеттің қатарына кіреміз, – деді Президент.

Қасым-Жомарт Тоқаев Қазақстанның Ұйыммен арадағы ынтымақтастықты кеңейтуге мүдделі екенін растады.

 

 

 

Мемлекет басшысының айтуынша, еліміз тұқым шаруашылығын жетілдіру, ауыл шаруашылығына арналған жерлердің тозуына қарсы күрес, жасыл ауыл шаруашылығын ілгерілету, жер-су ресурстарын оңтайлы және тиімді пайдалану мәселелері бойынша БҰҰ сараптамалық қолдау көрсетеді деп үміттенеді. Қазақстан жергілікті бірегей ауыл шаруашылығы өнімдерін өткізу үшін тұрақты өндіріс және сауда тізбектерін жетілдіруді көздейтін FAO-ның «Бір ел – бір негізгі өнім» бастамасына қатысады.

 

 

 

 

Мемлекет басшысы Цюй Дунъюйге Алматының әйгілі апортын таныстырды.

– Қазақстан алманың отаны ретінде кеңінен танымал. Апорт сұрпы еліміздің ең ірі мегополисі – Алматының маңайында өседі. Біз алманың осы түрін өздеріңізбен күш біріктіре отырып, әлем нарығына шығаруға ниеттіміз. Осы бастамамызды іске асыру барысында Сіздің жеке қолдауыңызға арқа сүйейміз, – деді Қасым-Жомарт Тоқаев.

 

 

 

Сонымен қатар Мемлекет басшысы Халықаралық Аралды құтқару қоры және Азық-түлік қауіпсіздігі жөніндегі Ислам ұйымының төрағасы ретінде Қазақстанның басымдықтары туралы

 

 

 

 

айтты.

Қасым-Жомарт Тоқаев Ұйымды Арал бассейніндегі жерлердің топырағын мелиорациялауға және су ресурстарын басқаруға қатысты жобалар әзірлеу ісіне жан-жақты қолдау көрсетуге шақырды. Сондай-ақ Президент елімізде FAO-ның Орталық Азиядағы өңірлік бөлімшесін ашуды ұсынды.

 

 

 

Азық-түлік және ауыл шаруашылығы ұйымының бас директоры жаһандық азық-түлік қауіпсіздігін қамтамасыз ету және гуманитарлық көмек көрсету ісінде Қазақстан аймақта ғана емес, бүкіл әлемде елеулі рөл атқаратынын атап өтті.

 

 

 

Кездесу соңында Президент мазмұнды әңгіме-дүкен құрғаны үшін FAO басшылығына ризашылығын білдіріп, оны алдағы Халықаралық Астана форумына қатысуға шақырды.

Қасым-Жомарт Тоқаев Құрметті қонақтар кітабына қолтаңба қалдырды.

 

 

 

 

 

Кері қайту Кері қайту

kaynak:https://akorda.kz/kz/prezident-buu-azyk-tulik-zhane-auyl-sharuashylygy-uyymynyn-fao-bas-direktory-cyuy-dunyuymen-kezdesti-1904823

 

 

]]> Мемлекет басшысы «Алтын сапа» және «Парыз» сыйлықтарының лауреаттарын марапаттау рәсімінде сөз сөйледі https://yeniekipgazetesi.com/%d0%bc%d0%b5%d0%bc%d0%bb%d0%b5%d0%ba%d0%b5%d1%82-%d0%b1%d0%b0%d1%81%d1%88%d1%8b%d1%81%d1%8b-%d0%b0%d0%bb%d1%82%d1%8b%d0%bd-%d1%81%d0%b0%d0%bf%d0%b0-%d0%b6%d3%99%d0%bd%d0%b5-%d0%bf-h52386.html Wed, 13 Dec 2023 07:23:45 +0000 https://1453kralmedya.com/%d0%bc%d0%b5%d0%bc%d0%bb%d0%b5%d0%ba%d0%b5%d1%82-%d0%b1%d0%b0%d1%81%d1%88%d1%8b%d1%81%d1%8b-%d0%b0%d0%bb%d1%82%d1%8b%d0%bd-%d1%81%d0%b0%d0%bf%d0%b0-%d0%b6%d3%99%d0%bd%d0%b5-%d0%bf-h52386.html

 

 

 

Жаңалықтар

Астана, Қазақстан

Мемлекет басшысы «Алтын сапа» және «Парыз» сыйлықтарының лауреаттарын марапаттау рәсімінде сөз сөйледі

2023 жылғы

 

 

 

Президент «Алтын сапа» және «Парыз», «Қазақстанның үздік тауары» байқауларының жеңімпаздарын – ел дамуына елеулі үлес қосқан кәсіпкерлерді салтанатты түрде марапаттау рәсіміне қатысушыларды құттықтады.

– Қазір Қазақстанда бизнес саласы қарқынды дамып келеді. Бұған мемлекет тарапынан барлық жағдай жасалып жатыр. Шағын және орта бизнестің ішкі жалпы өнімдегі үлесі 36 пайыздан асты. Бұл, шын мәнінде, жоғары көрсеткіш. Осы салада жұмыс істейтін адамдардың саны 4,3 миллионға жетті. Яғни, еңбекке жарамды азаматтардың 45 пайызы деген сөз. Индустрияландыру жұмысы соңғы жылдары жоғары қарқынмен жүзеге асырылып келеді. Былтыр өңдеу өнеркәсібінің экспорты 26 миллиард доллардан асты. Бұл – рекордтық көрсеткіш. Өткен жылы осы салаға 1,5 триллион теңге инвестиция тартылды, – деді Қасым-Жомарт Тоқаев.

 

 

 

Мемлекет басшысы еліміздің экономикасы әділдік қағидатына негізделуге тиіс екенін атап өтіп, бірқатар маңызды мәселеге назар аударды.

– Мен жуырдағы Жолдауымда 2029 жылға қарай ұлттық экономика көлемін екі есе, яғни 450 миллиард долларға дейін ұлғайту жөнінде маңызды міндет жүктедім. Бұл міндет – бос қиял емес, Үкіметтің мұқият есептеген іс-қимыл жоспары. Оны орындау үшін жаңа инвестициялық циклді іске қосу қажет. Ол ел экономикасының маңызды элементіне айналады. Өткен аптада мен Инвестиция тарту жұмыстарының тиімділігін арттыру жөніндегі шаралар туралы Жарлыққа қол қойдым. Енді Инвестициялық штабтың жұмысы жобаларды уақытылы және кедергісіз жүзеге асыруға бағытталады. Штабқа заңды күші бар, уақытша нормативтік құқықтық актілерді әзірлеу құқығы берілді, – деді Мемлекет басшысы.

 

 

 

Президенттің пікірінше, мұндай шаралар еліміздегі инвестициялық климатты жақсартуға ықпал етуді көздейді.

– Жалпы, инвестиция тарту ісінде «бюрократияға мүлде жол жоқ – барынша нақты іс-әрекет» қағидаты басшылыққа алынуы қажет. Қолға алынған істің нәтижесі мемлекеттік аппараттың жіті назарында болуға тиіс, – деп санайды Қасым-Жомарт Тоқаев.

Президент өзінің тапсырмасына сәйкес өңдеу секторына қаржы салатын инвесторлар келесі жылдан бастап үш жылға салықтан босатылатынын айтты. Сондай-ақ бұрын-соңды мұндай жүйелі шаралар болмағанын әрі оның шешуші сипаты бар екенін, әйтпесе, инвестиция үшін өте жоғары халықаралық бәсекелестік қалыптасып тұрған жағдайда Қазақстанның көздеген мақсатқа қол жеткізуі қиынға соғатынын жеткізді.

– Өздеріңізге мәлім, бұған дейін отандық бизнесті негізсіз тексерулер мен заңсыз қылмыстық қудалаудан қорғау жөнінде тапсырма берген болатынмын. Қабылданған шаралардың нәтижесінде кәсіпкерлік саласындағы тіркелген қылмыстар саны екі есе азайды (837-ден 402-ге дейін). Ақтау негізі бойынша тоқтатылған қылмыстық істер саны шамамен бес есе қысқарды (416-дан 92-ге дейін). Инвестициялық жобаларды прокуратура органдарының сервистік қадағалауына баса мән беріледі. Инвестициялық жобаларды «жасыл дәліз» қағидаты бойынша қолдау жүйесі енгізіледі. Бұл инвесторларға рұқсат беретін құжатты алу ісін оңайлатады және жеделдетеді. Сонымен қатар оларға жер учаскелерін беру және коммуникация жүргізу жұмыстарын жеңілдетеді, – деді Қасым-Жомарт Тоқаев.

 

 

 

Президенттің айтуынша, мемлекет бизнес үшін әділ әрі ашық ойын ережесін қамтамасыз етуге бар күш-жігерін жұмсайды. Мемлекет басшысы елімізде жасанды интеллект жүйесін құру ісін тағы бір маңызды мәселе ретінде атап өтті. Қасым-Жомарт Тоқаев Қазақстанның болашағы және оның халықаралық қоғамдастықтағы орны осы жұмыстың сәтті іске асуына байланысты деп санайды. Сондықтан Президент бұл бағытқа өзі жетекшілік етеді және шетелдік, отандық мамандармен кездеседі, сондай-ақ жүктелген міндеттердің орындалуын бақылайды.

Мемлекет басшысы елді индустрияландыру ісін одан әрі жалғастыруымыз керек деп санайды. Бұл бағытта нақты шаралар қолға алынып жатыр. Екі жыл бұрын «Өнеркәсіп саясаты» туралы арнаулы заң қабылданды. Өңдеу кәсіпорындарын арзан шикізатпен қамтамасыз ету өте маңызды. Келесі жылдан бастап ірі шикізат өндірушілер ішкі нарықтың сұранысын қамтамасыз етуге міндетті болады. Олар Қазақстандағы өңдеу мекемелерінің қажеттілігін толық өтесе ғана, шикізатты экспорттай алады.

– Ауылды дамыту – түптеп келгенде, бүкіл Қазақстанды дамыту деген сөз. Сондықтан биыл біз «Ауыл аманаты» жобасын бастадық. Ауыл тұрғындарына шағын несие беру үшін 100 миллиард теңге бөлінеді. Соның арқасында 18 мыңнан астам жаңа жұмыс орны ашылады. Келесі жылдан бастап бизнесті дамытуға арналған бірыңғай кешенді бағдарлама қолға алынады. Болашағы бар шағын және орта бизнеске басымдық беріледі. Яғни, мемлекет өндірістік қабілеті жоғары және экспортқа өнім шығаратын кәсіпкерлерге қолдау көрсетеді, – деді Президент.

 

 

 

Мемлекет басшысы Үкімет пен бизнес-қоғамдастық бірлесіп, кәсіпкерлікті дамытуға кедергі келтіретін артық талаптарды анықтау үшін ауқымды жұмыстар жүргізгенін мәлімдеді. Оның айтуынша, 10 мыңнан астам заң нормасы жаңа реттеуші саясаттың негізгі талаптарына сай келмейтіні анықталды. Бүгінде оның 90 пайызы күшін жойды. Қалғаны жыл соңына дейін ретке келтіріледі. Сын-қатерлерді басқарудың автоматтандырылған жүйесі бақылаушы органдардың бизнеске қысымын шектеудің маңызды құралына айналады. Ол 2024 жылдың 1 қаңтарынан бастап іске қосылады және адамның қатысуынсыз тексеруді белгілеуге мүмкіндік береді. Нәтижесінде, бизнеске жоспарлы инспекция жасау екі есе қысқарады. Ал айыппұлдар саны бірнеше есе азаяды.

Сонымен қатар бизнес пен мемлекет арасындағы қатынастардың жүйелі түрде жаңғыруына қазір әзірленіп жатқан жаңа Салық кодексі ықпал етеді.

– Атап айтқанда, онда фискальды органдарды әкімшілендірудің сервистік моделіне көшіру мәселесі қамтылады. Бизнес субъектілерінің салықтық есебін 30 пайызға азайту жоспарланып отыр. Салықтық төлемдер саны кем дегенде 20 пайызға оңтайландырылады. Көлік құралдарына арналған салық бойынша есеп айырысу мен декларация, сондай-ақ жер мен мүлік салығына қатысты жүктеме бір миллион теңгеден аз болса, есеп айырысу алынып тасталады. Кәсіпкерлердің банктердегі шоттарын бұғаттау кезінде олардың салықтық қарызына тең көлемдегі қаржысына ғана шектеу қойылады. Бизнесті дамытудың қазіргі ынталандыру тетігін сақтай отырып, қосымша қолдау шаралары қабылданады. Түсінікті және болжамды салық саясаты экономикалық өсімге тың серпін береді деп сенемін, – деді Қасым-Жомарт Тоқаев.

 

 

 

Президент қазір бүкіл әлем түбегейлі бетбұрыс кезеңіне қадам басқанын атап өтіп, адамзаттың аса күрделі сын-қатерлермен бетпе-бет келіп отырғанына назар аударды.

– Геосаяси текетірес және мемлекеттер арасындағы бақталастық ушығып барады. Осындай құбылмалы кезеңде біз стратегиялық бағдарымызға сай әрекет етуіміз керек. Жан-жақты жоспарлап, тиянақты жасалған шаруа ерте ме, кеш пе, жемісін беретіні сөзсіз. Мысалы, біз соңғы жылдары білім беру саласына баса мән беріп келеміз. Нақты шешімдер мен шаралардың арқасында мұғалім мәртебесі әлдеқайда көтерілді. Мектептегі орын тапшылығын жою үшін арнайы бағдарлама жүзеге асырылуда, – деді Мемлекет басшысы.

 

Президенттің айтуынша, биыл жүзге жуық білім ошағы бой көтерді. Қазіргі таңда осындай ауқымды жұмыстың нақты нәтижесі бар. Атап айтқанда, халықаралық PISA рейтингі бойынша Қазақстандағы орта білімнің сапасы едәуір артты.

 

 

 

– Жақында Қазақстан халқының саны 20 миллионға жетті. Бұл – тарихи белес. Оған бүкіл ел болып қуандық. Халық санының көбеюі мемлекетіміздің дамуына қосымша серпін беріп, елімізге абырой әкелетініне еш күмән жоқ. Сондықтан біздің негізгі мақсатымыз – барша жұртымыздың сапалы тұрмысын қамтамасыз ету. Былтыр еліміздегі орташа өмір сүру ұзақтығы 74,4 жасқа жетті. Бұл – еліміздегі медициналық қызметтің сапасымен қатар, азаматтардың әл-ауқаты жақсарып жатыр деген сөз, – деді Қасым-Жомарт Тоқаев.

 

 

 

 

Мемлекет басшысы аймақтарда инвестиция тарту жұмыстары жүргізіліп жатқанын айтты. Биылдың өзінде еліміз бойынша жалпы құны 376 миллиард теңгені құрайтын 91 инвестициялық жоба жүзеге асырылды. Соның арқасында 6 мыңнан астам тұрақты жұмыс орны ашылды. Президент қосымша тұрақты жұмыс орындарын ашу жалпымемлекеттік міндет екенін, өйткені бұл жерде халықты жұмыспен қамту, қоғамдағы масылдық психологиядан арылу туралы айтылып отырғанын жеткізді.

Қасым-Жомарт Тоқаев Қазақстанға әлемдік және аймақтық өнеркәсіп алпауыттары келіп жатқанына тоқталып, жақында Қостанайда Kia автокөліктерін шығаратын толық циклді зауыттың құрылысы басталғанын мысалға келтірді.

 

 

 

 

– Жақында менің тапсырмаммен Қарағанды металлургиялық комбинатын қазақстандық компанияның меншігіне беру мәселесі сәтті шешілді. Жұмыстың бастапқы кезеңінде компанияға көмектесу – Үкіметтің ендігі міндеті. Содан кейін кәсіпорынның жаңа иесіне қатаң талап қойылады. Кейбір өңірлердегі халықтың тыныс-тіршілігін қамтамасыз ететін маңызды нысандарда апаттардың жиілеп кетуі бүкіл еліміздегі инженерлік және энергетикалық инфрақұрылымдарды жаңғырту аса қажет екенін айқын көрсетті. Бұл мәселе ондаған жыл бойы назардан тыс қалып, шешімін таппай келеді. Мемлекет қысқа мерзімде ревизия жүргізіп, қолданыстағы генерациялаушы қуат көздерін жөндеуде, жаңа нысандарды іске қосуда, жылу және басқа да инженерлік желілерді жаңартуда жүйелі жұмыстарға кірісті. Атап айтқанда, биыл еліміздің батысында электр желілерінің өткізу мүмкіндігін екі еседен астам арттыруға ықпал еткен ауқымды жоба жүзеге асырылды, – деді Қасым-Жомарт Тоқаев.

 

 

 

Сонымен қатар перспективті цифрлық индустрияға баса назар аударылды. Президенттің айтуынша, Қазақстан электронды үкімет пен қаржылық-технологиялық даму индексі бойынша әлемде жетекші орын алады.

 

 

 

 

– Елімізде IT секторы қарқынды дамуда. Озық мемлекеттер экономикасындағы бұл саланың үлесі жыл сайын ұлғайып келеді. Былтыр отандық IT индустрия экспорты бес есе өсті. Мен оның көлемін 2026 жылға қарай бір миллиард долларға жеткізу міндетін жүктедім. Біз ірі өнеркәсіптік өндірістен бастап, шағын сервистік жобаларға дейінгі экономиканың барлық саласын одан әрі цифрландыруға баса мән береміз. Бірақ босаңсуға, жетістіктерге тоқмейілсуге болмайды. Еліміз жаһандық цифрлық технология орталығы ретіндегі орнын нығайтуы керек. Қазақстан ірі халықаралық IT компаниялардың кеңселері орналасатын аумақ бола алады және болуға тиіс, – деді Мемлекет басшысы.

Қасым-Жомарт Тоқаев салтанатты рәсімге қатысушылармен кездесуде халқымыздың үйренетін ғана емес, үйрететін ұлт болуы керек екенін, ал Қазақстан тұтынатын емес, өндіретін мемлекет болуы қажеттігін айтты.

– «Қазақстанда жасалған» деген таңба ең мықты сапаның, ең жақсы өнімнің белгісіне айналуға тиіс. «Алтын сапа» байқауының басты мақсаты – осы. Сонымен бірге, бизнес өкілдері халық алдындағы жауапкершілікті терең сезінуі керек. Адал азамат өз жағдайын ғана жасамайды. Ол туған ауылының немесе өзі жұмыс істеп жатқан аймақтың қамын да ойлайды. Мұндай кәсіпкерлер көпшіліктің қолдауына және алғысына ие болады. Шын мәнінде, туған елдің ықыласынан артық марапат жоқ. «Парыз» байқауына қатысушылар биыл түрлі әлеуметтік жобаға белсене атсалысты. Қайырымдылыққа 80 миллиард теңгеге жуық қаржы жұмсады. 6 мыңнан астам жаңа жұмыс орнын ашты. Табысын елімен бөліскен осындай азаматтар жоғары құрметке лайық, – деді Қасым-Жомарт Тоқаев.

 

 

 

 

Мемлекет басшысы жиын соңында «Алтын сапа» және «Парыз» байқауларына қатысқан кәсіпкерлерге ризашылығын білдіріп, лауреаттарға наградаларын тапсырды.

«Парыз» сыйлығының орта және шағын кәсіпкерлік субъектілері арасындағы Гран-приі «Абай Дәулет» ЖШС-іне (Қызылорда облысы), ал ірі кәсіпкерлік субъектілері арасындағы Гран-приі «Бақыршық тау-кен өндіру кәсіпорны» ЖШС-іне (Абай облысы) табысталды.

«Үздік индустриялық жоба» номинациясы бойынша «ДЕП» ЖШС (Қостанай облысы), «Үздік инновациялық жоба» номинациясы бойынша «CleanfieldKazakhstan» ЖШС (Маңғыстау облысы) «Алтын сапа» сыйлығының жеңімпаздары атанды.

Салтанатты шара алдында Мемлекет басшысы «Бір ауыл – бір өнім» жобасымен, сондай-ақ «Global Safety», «CleanField Kazakhstan», «Borusan Cat» және «Med 365» секілді отандық компаниялардың өнімдері қойылған көрмемен танысты.

 

 

 

 

 

 

 

 

 

 

 

 

 

 

 

 

Кері қайту Кері қайту

kaynak:https://www.akorda.kz/kz/memleket-basshysy-altyn-sapa-zhane-paryz-syylyktarynyn-laureattaryn-marapattau-rasiminde-soz-soyledi-12113636

 

 

 

 

]]> Мемлекет басшысы Ғылым және жоғары білім министрі Саясат Нұрбекті қабылдады https://yeniekipgazetesi.com/%d0%bc%d0%b5%d0%bc%d0%bb%d0%b5%d0%ba%d0%b5%d1%82-%d0%b1%d0%b0%d1%81%d1%88%d1%8b%d1%81%d1%8b-%d2%93%d1%8b%d0%bb%d1%8b%d0%bc-%d0%b6%d3%99%d0%bd%d0%b5-%d0%b6%d0%be%d2%93%d0%b0%d1%80%d1%8b-%d0%b1%d1%96-h51498.html Thu, 16 Nov 2023 19:27:47 +0000 https://1453kralmedya.com/%d0%bc%d0%b5%d0%bc%d0%bb%d0%b5%d0%ba%d0%b5%d1%82-%d0%b1%d0%b0%d1%81%d1%88%d1%8b%d1%81%d1%8b-%d2%93%d1%8b%d0%bb%d1%8b%d0%bc-%d0%b6%d3%99%d0%bd%d0%b5-%d0%b6%d0%be%d2%93%d0%b0%d1%80%d1%8b-%d0%b1%d1%96-h51498.html

 

 

 

Жаңалықтар

Ақорда

Мемлекет басшысы Ғылым және жоғары білім министрі Саясат Нұрбекті қабылдады

2023 жылғы 16 қараша

 

 

 

 

 

Кездесуде Президент тапсырмаларын орындау үшін Жоғары білім мен ғылымды дамытудың 2023-2029 жылдарға арналған тұжырымдамасы қабылданғаны туралы баяндалды. Құжат аталған саланы өркендетудің стратегиялық міндеттері мен көрсеткіштерін айқындайды.

 

 

 

 

Министрдің айтуынша, биыл қыркүйек айынан бастап Қазақстанда бакалавриат бағдарламасы бойынша стипендия мөлшері 20 пайызға, магистратура мен докторантурада 15 пайызға көбейді. Жоғары оқу орындарындағы профессор-оқытушылар құрамының жалақысы 160 мың теңгеден 350 мың теңгеге дейін, ал ұлттық университеттерде бұл көрсеткіш 228 мың теңгеден 400 мың теңгеге дейін өсті.

 

 

 

Сонымен қатар студенттер жатақханаларындағы орын тапшылығы үш есе, яғни 2022 жылғы 55 050-ден 2023 жылғы қазанда 17 488-ге дейін азайды.

 

 

 

 

Қасым-Жомарт Тоқаевқа жоғары білім беру саласындағы инфрақұрылым мен цифрлық архитектураның дамуы, соның ішінде Әл-Фараби атындағы ҚазҰУ мен Л.Н.Гумилев атындағы ЕҰУ кампустарының құрылысы туралы мәлімет берілді. Министрлік цифрлық университет моделін әзірлеп жатыр. Студенттер Coursera жаһандық онлайн білім беру платформасында оқу мүмкіндігіне ие болды. Қазірдің өзінде олардың 40 мыңы сертификат алды. Платформадағы 100 негізгі курсты қазақ тілінде оқуға болады.

 

 

 

Мемлекет басшысына Қазақстанның әлемдік білім беру кеңістігінде белсенді ілгерілеп келе жатқаны туралы баяндалды. QS рейтингіне 21 жоғары оқу орны, ал Times Higher Education рейтингіне 4 университет кіреді. Жыл соңына дейін елімізде жұмыс істейтін жетекші шетелдік университеттер филиалдарының саны сегізге жетеді. Халықаралық компаниялармен бірлесіп, жасанды интеллект саласында кадр даярлау ісі басталды. «Мамандығым – болашағым» жобасы аясында өңірлерде кадр қажеттілігіне форсайт-зерттеу жүргізу үшін жобалық кеңселер ашылып жатыр.

 

 

 

Қасым-Жомарт Тоқаевқа берілген мәлімет бойынша Ұлттық ғылым академиясының институционалдық рөлі күшейіп келеді. Президент жанындағы Ғылым және технологиялар жөніндегі ұлттық кеңес өз жұмысын бастады. Ғалымдардың орташа жалақысы 2 есе өсіп, 252 мың теңгеге жетті. Іргелі зерттеулермен айналысатын ғылыми-зерттеу институттары тікелей қаржыландырылатын болды. Ғылым саласының 2023-2025 жылдарға арналған жалпы бюджеті 3,3 есе артып, 643 миллиард теңгені құрады.

 

 

 

Қ.Сәтбаев атындағы Қазақ ұлттық техникалық зерттеу университетінің ғалымдары тазалығы 99,5 пайыз мөлшерінде селен алу технологиясын ойлап тапты. Бұл химиялық элемент медицинада, электроникада және шыны өндірісінде кеңінен қолданылады. Осы жаңалықтың арқасында Қазақстан аталған сирек металды анағұрлым тиімді бағамен экспорттай алады.

 

 

 

Кездесу соңында Мемлекет басшысы білім беру деңгейін арттыру, инновацияларды ынталандыру және ғылыми зерттеу жұмыстарының сапасын жақсарту, сондай-ақ студенттер жатақханаларындағы орын тапшылығын азайту жөнінде бірқатар тапсырма берді.

Кері қайту Кері қайту

Kaynak:https://www.akorda.kz/kz/memleket-basshysy-gylym-zhane-zhogary-bilim-ministri-sayasat-nurbekti-kabyldady-1610367

 

 

 

]]> Мемлекет басшысы Туризм және спорт министрі Ермек Маржықпаевты қабылдады https://yeniekipgazetesi.com/%d0%bc%d0%b5%d0%bc%d0%bb%d0%b5%d0%ba%d0%b5%d1%82-%d0%b1%d0%b0%d1%81%d1%88%d1%8b%d1%81%d1%8b-%d1%82%d1%83%d1%80%d0%b8%d0%b7%d0%bc-%d0%b6%d3%99%d0%bd%d0%b5-%d1%81%d0%bf%d0%be%d1%80%d1%82-%d0%bc%d0%b8-h51021.html Tue, 31 Oct 2023 08:42:06 +0000 https://1453kralmedya.com/%d0%bc%d0%b5%d0%bc%d0%bb%d0%b5%d0%ba%d0%b5%d1%82-%d0%b1%d0%b0%d1%81%d1%88%d1%8b%d1%81%d1%8b-%d1%82%d1%83%d1%80%d0%b8%d0%b7%d0%bc-%d0%b6%d3%99%d0%bd%d0%b5-%d1%81%d0%bf%d0%be%d1%80%d1%82-%d0%bc%d0%b8-h51021.html

 

Жаңалықтар

Ақорда

Мемлекет басшысы Туризм және спорт министрі Ермек Маржықпаевты қабылдады

2023 жылғы 31 қазан

 

 

 

 

Қасым-Жомарт Тоқаевқа министрліктің қазіргі қызметі мен алдағы кезеңге арналған жоспары туралы баяндалды.

 

 

 

 

Мемлекет басшысына Қытайда өткен Азия және Паразия ойындарының қорытындысы бойынша жүргізілген сараптама нәтижелері жөнінде есеп берілді.

 

 

 

Президент саланы дамытудың жаңа тәсілдерін әзірлеу үшін сапалы әрі кезең-кезеңімен жұмыс жүргізуді тапсырды.

Сонымен қатар Мемлекет басшысына министрлікке қарасты салалардағы заңнамалық базаны жетілдіру, еліміздің туристік әлеуетін одан әрі дамыту жөнінде мәлімет берілді.

 

 

 

Кездесу соңында Қасым-Жомарт Тоқаев министрлікке аталған бағыттар бойынша нақты міндеттер жүктеді.

Кері қайту Кері қайту

kaynak:https://akorda.kz/kz/memleket-basshysy-turizm-zhane-sport-ministri-ermek-marzhykpaevty-kabyldady-319059

 

 

 

 

]]> Мемлекет басшысы Жетісу облысындағы мәдениет және спорт нысандарын аралап көрді https://yeniekipgazetesi.com/%d0%bc%d0%b5%d0%bc%d0%bb%d0%b5%d0%ba%d0%b5%d1%82-%d0%b1%d0%b0%d1%81%d1%88%d1%8b%d1%81%d1%8b-%d0%b6%d0%b5%d1%82%d1%96%d1%81%d1%83-%d0%be%d0%b1%d0%bb%d1%8b%d1%81%d1%8b%d0%bd%d0%b4%d0%b0%d2%93%d1%8b-h50944.html Sat, 28 Oct 2023 18:23:34 +0000 https://1453kralmedya.com/%d0%bc%d0%b5%d0%bc%d0%bb%d0%b5%d0%ba%d0%b5%d1%82-%d0%b1%d0%b0%d1%81%d1%88%d1%8b%d1%81%d1%8b-%d0%b6%d0%b5%d1%82%d1%96%d1%81%d1%83-%d0%be%d0%b1%d0%bb%d1%8b%d1%81%d1%8b%d0%bd%d0%b4%d0%b0%d2%93%d1%8b-h50944.html

 

 

Жаңалықтар

Жұмыс сапарлары

Мемлекет басшысы Жетісу облысындағы мәдениет және спорт нысандарын аралап көрді

2023 жылғы

Жетісу облысы

 

 

 

Қасым-Жомарт Тоқаев Жетісу облысы, Қаратал ауданының Кәлпе ауылына барды. Президентке 200 орындық мәдениет үйі таныстырылды. Бұл нысанның жалпы ауданы – 739 шаршы метр. Мәдениет үйінде бірнеше шығармашылық үйірме жұмыс істейді.

 

Сонымен қатар Президент осы ауылда бой көтерген спорт кешенінде болды. Нысанның жалпы ауданы – 887,7 шаршы метр. Модульді ғимаратта спорт залы, балалар ойын алаңы және воркаут қарастырылған.

 

 

 

Бұдан кейін Мемлекет басшысы Талдықорған қаласындағы жаңадан салынған Jetysu Аrena жабық мұз айдынын аралап, спортшылармен әңгімелесті.

Спорт нысаны толықтай жеке кәсіпкердің қаражатына салынып, Республика күні ашылған. Жалпы инвестиция көлемі – шамамен 900 миллион теңге. Кәсіпкер Мұхаметжан Серікұлының айтуынша, бұл нысанда тұрғындар шорт-трек, хоккей және мәнерлеп сырғанау сияқты қысқы спорт түрлерімен айналыса алады. Сонымен қатар мұнда паралимпиадалық, яғни шаналы хоккеймен шұғылдануға болады. Елімізде хоккейдің бұл түрімен айналысуға арналған екі мұз аренасы бар. Оның бірі Астанада, екіншісі осы Талдықорған қаласында ашылып отыр.

 

 

 

Нысанның жалпы аумағы – 2235,8 шаршы метр. Кешен кәсіби технологиялық құралдармен, оның ішінде тоңазытқыш, мұз құю және спорт жабдықтарымен қамтылған. Соның нәтижесінде мұнда жыл бойы үздіксіз жаттығуға мүмкіндік бар. Аталған жабық мұз айдыны Құрлықаралық хоккей лигасының және Ұлттық хоккей лигасының стандарттарына сай келеді.

 

 

Қасым-Жомарт Тоқаев ел игілігі үшін еңбек етіп жатқан кәсіпкерге ризашылығын білдірді.

Президент спортшылармен әңгімелесу кезінде мемлекет аталған саланы одан әрі қолдайтынына тоқталып, жастардың спортпен тұрақты айналысқанын құптайтынын айтты.

 

 

 

 

 

 

 

 

 

Кері қайту Кері қайту

kaynak:https://www.akorda.kz/kz/memleket-basshysy-zhetisu-oblysyndagy-madeniet-zhane-sport-nysandaryn-aralap-kordi-2793739

 

 

 

 

 

]]> Брюссельде ҚР мен ЕО арасындағы сауда-экономикалық және инвестициялық ынтымақтастығын одан әрі дамыту шаралары талқыланды https://yeniekipgazetesi.com/%d0%b1%d1%80%d1%8e%d1%81%d1%81%d0%b5%d0%bb%d1%8c%d0%b4%d0%b5-%d2%9b%d1%80-%d0%bc%d0%b5%d0%bd-%d0%b5%d0%be-%d0%b0%d1%80%d0%b0%d1%81%d1%8b%d0%bd%d0%b4%d0%b0%d2%93%d1%8b-%d1%81%d0%b0%d1%83%d0%b4%d0%b0-h50749.html Sun, 22 Oct 2023 13:42:50 +0000 https://1453kralmedya.com/%d0%b1%d1%80%d1%8e%d1%81%d1%81%d0%b5%d0%bb%d1%8c%d0%b4%d0%b5-%d2%9b%d1%80-%d0%bc%d0%b5%d0%bd-%d0%b5%d0%be-%d0%b0%d1%80%d0%b0%d1%81%d1%8b%d0%bd%d0%b4%d0%b0%d2%93%d1%8b-%d1%81%d0%b0%d1%83%d0%b4%d0%b0-h50749.html

 

 

 

Брюссельде ҚР мен ЕО арасындағы сауда-экономикалық және инвестициялық ынтымақтастығын одан әрі дамыту шаралары талқыланды

2023 –

Соңғы жаңалықтар

 

 

Брюссель, 2023 жылғы 19 қазан – Бейсенбі күні Берлин Еуразиялық Клубының (БЕК) 38-ші отырысына қатысушылар Қазақстан мен Еуропалық Одақ арасындағы іскерлік және гуманитарлық байланыстарды одан әрі нығайтудың алғышарттары мен мүмкіндіктерін талқылады.

 

 

Бельгия астанасында «ҚР мен ЕО арасындағы Кеңейтілген әріптестік және ынтымақтастық туралы келісімді (КӘЫК) іске асыру шеңберінде бизнес пен азаматтар үшін негіздемелік жағдайларды одан әрі жетілдіру» тақырыбында іс-шара өтті. Отырысқа Қазақстан, Германия және ЕО мемлекеттік органдарының, бизнес-қауымдастықтарының, бизнес пен сарапшылық қоғамдастықтың 60-қа жуық өкілі қатысты.

 

 

Негізгі баяндамалармен ҚР Сыртқы істер министрінің орынбасары Роман Василенко және Даму жөніндегі бас директоратының (DG GROW) энергияны көп қажет ететін салалар, шикізат және сутегі жөніндегі директоры Йоахим Нунес Де Альмейда сөз сөйледі.

Р. Василенко Қазақстан-Еуропа сауда-экономикалық қатынастары мен инвестициялық ынтымақтастықтың қарқынды дамуын атап өтті. 2022 жылдың қорытындысы бойынша ҚР-ның ЕО елдерімен тауар айналымы 40 млрд АҚШ долларынан асты, бұл 2021 жылмен салыстырғанда 38,3%-ға артық (29 млрд доллары). Бұл ретте ЕО елдерінен түскен инвестициялар көрсеткіші 12,5 млрд долларға жетті. Сонымен қатар, Р. Василенко осы көрсеткіштерді одан әрі арттыру үшін үлкен әлеует бар екенін және ол үшін екі тараптың тиісті жағдайларды жақсарту бойынша белсенді бірлескен жұмысы қажет екенін атап өтті.

 

 

КӘЫК кооперацияның 29 басым секторын қамтиды және оны тиімді имплементациялау ҚР және ЕО халқы үшін әртүрлі салаларда айтарлықтай оң әсер етуі мүмкін. КӘЫК -те енгізілген ережелер, атап айтқанда, бизнес үшін жағдайларды жақсарту үшін берік құқықтық негізді құрайды.

Р. Василенко Қазақстан мен Еуропалық Одақ ынтымақтастықты одан әрі кеңейту үшін күшті саяси жігерлік көрсетіп отырғанын атап өтті. Келісімде бекітілген жоспарлар бизнес жағдайын жақсарту үшін берік заңнамалық негіз береді. Оның айтуынша, бизнес қауымдастығы екі жақтан да саяси деңгейде толық қолдау көрсететініне сенімді болып, нақты жобаларды жүзеге асыруға жұмыла алады. Ынтымақтастықтың жақын болашаққа арналған перспективалы бағыттарының ішінде энергетика, оның ішінде «жасыл энергетика», сирек жер металдарын және Транскаспий халықаралық көлік бағытын (орта дәліз) дамытуды қоса алғанда, көлік-логистикалық байланыстарды дамыту ерекше атап өтілді.

 

 

 

Й. Нунес де Альмейда өз сөзінде «КӘЫК келісімі біздің қарым-қатынасымызды жаңа деңгейге көтерді және ЕО мен ҚР арасындағы қарым-қатынастың маңызды кезеңі болып табылады» – деп атап өтті.

«Мен қазірдің өзінде бар және көптеген салаларда жемісті ынтымақтастық жүргізіліп жатқан нақты іс-қимыл жоспарын көргеніме өте қуаныштымын», – деп жалғастырды. Й. Нунас де Альмейданың айтуынша, «өзара жеткізуді әртараптандыру, Қазақстан сияқты елдермен стратегиялық серіктестікті дамыту бұл ЕО-ның маңызды шикізат бойынша стратегиясының негізгі тірегі».

 

 

Қатысушылар екіжақты панельдік пікірталаста өзекті мәселелердің әртүрлі аспектілерін талқылады.

«КӘЫК Қазақстан мен ЕО арасындағы экономикалық ынтымақтастықтың негізі ретінде – ынтымақтастықтың жай-күйі мен тар тұстары және одан әрі іске асырудың басымдықтары» сессиясында өзара іс-қимылдың негізгі бағыттары бойынша Келісім ережелерін іске асыру мәселелері талқыланды.

Сессияда Еуропа сыртқы іс-қимыл қызметінің (EEAS) Ресей, Шығыс әріптестік, Орталық Азия, аймақтық ынтымақтастық және ЕҚЫҰ бойынша басқарушы директорының орынбасары Люк Девинь, ҚР Өнеркәсіп және құрылыс министрлігі Өнеркәсіптік саясат департаментінің директоры Лаура Садықова, Германияның Сауда-өнеркәсіп палатасының (DIHK) Шығыс Еуропа, Оңтүстік Кавказ және Орталық Азия бойынша департаментінің басшысы Андре Фритше, басқарушы Strategic Minds Company GmbH серіктесі Йоахим Ланг сөз сөйледі.

 

 

 

«Бизнес пен адамдарды жақындастыру – іскерлік және гуманитарлық байланыстар үшін негіздік жағдайларды жақсарту» тақырыбындағы екінші сессиясы екіжақты байланыстарды кеңейтудің маңызды факторлары ретінде визалық режимді жеңілдету және туризмді дамыту мәселелеріне арналды.

 

 

 

КӘЫК Қазақстан Республикасы мен Еуропалық Одақ азаматтары үшін визалық режимді жеңілдету туралы келісім бойынша келіссөздер жүргізу мүмкіндігін қарауды көздейді. Сарапшылар осы ережелерді іске асырудың мүмкін жолдарын және олардың кәсіпкерлер мен ҚР мен ЕО азаматтары арасындағы байланысты жандандыруға әсерін талқылады. Талқылауға Роман Василенко, Еуропалық Одақтың Орталық Азия бойынша Арнайы өкілі Терхи Хакала, Ішкі істер бойынша Еуропалық Комиссардың Министрлер кабинетінің мүшесі Рауль Эрнандес Сагрера, Қазақстан Республикасының Бельгиядағы Құрметті консулы Анна Сусарова және «Ғылым қоры» АҚ басқарма төрағасы Әбділда Шәменов қатысты. Сессия барысында қазақстандықтар үшін визалық режімді жеңілдету бойынша биылғы жылы ЕО мен Қазақстан арасында басталған ресми консультациялар жақын арада нақты нәтижелерге әкелуі тиіс, бұл өзара тиімді ынтымақтастықты одан әрі жан-жақты дамытуға ықпал ететіні атап өтілді.

Еуропалық Одақ астанасында БЕК-тің кезекті отырысын Қазақстан Республикасының Германиядағы және Бельгиядағы елшіліктері Германия экономикасының Шығыс комитетімен (ГЭШК) бірлесіп ұйымдастырды. Іс-шараны ГЭШК басқарушы директоры Майкл Хармс және БЕК Консультативтік кеңесінің төрағасы Петер Тильс жүргізді.

 

 

 

Берлин Еуразиялық клубы 2012 жылы Қазақстанның, Германияның және басқа да Еуропа елдерінің көрнекті саясаткерлері, сарапшылары, ғылыми және іскер топ өкілдерінің қатысуымен ашық диалог алаңы ретінде құрылған. БЕК отырыстары жылына үш рет Астана, Брюссель және Берлин қалаларында өткізіледі. Биыл клубтың веб-сайты іске қосылды www.bel-klub.net.

20 қазан 2023

 

 

 

 

Қазақстан мен Қытай арасындағы визасыз режим туралы келісімнің күшіне енуі туралы
19 қазан 2023

Астанада ҚР мен ЕО арасындағы көлік-транзиттік саласындағы ынтымақтастықты тереңдету мәселелері талқыланды
18 қазан 2023

Қазақстан Елшісі Канада Генерал-губернаторына сенім грамоталарын тапсырды
18 қазан 2023

Мысыр Елшісімен қоштасу кездесуі өтті
18 қазан 2023

Қазақстан мен Болгария екіжақты ынтымақтастықты кеңейтуді мақсат етіп отыр

ҚР Президентінің сайты
ҚР Премьер-Министрінің сайты
ҚР Парламентінің сайты
ҚР Мемлекеттік рәміздері
ҚР Президентінің жолдаулары
Қазақстан Республикасының ұлттық стандарты
ҚР Президенті жанындағы Орталық коммуникациялар қызметі

kaynak:https://www.gov.kz/memleket/entities/mfa/press/news/details/639606?lang=kk

 

 

 

 

]]>