бинои – Yeni Ekip Gazetesi https://yeniekipgazetesi.com Sat, 27 May 2023 09:04:31 +0000 tr hourly 1 https://yeniekipgazetesi.com/wp-content/uploads/2025/03/cropped-Yeni-Ekip-32x32.webp бинои – Yeni Ekip Gazetesi https://yeniekipgazetesi.com 32 32 Ифтитоҳи бинои шуъбаи минтақавии мубориза бар зидди ҷиноятҳои муташаккили ВКД дар шаҳри Турсунзода https://yeniekipgazetesi.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%b1%d0%b8%d0%bd%d0%be%d0%b8-%d1%88%d1%83%d1%8a%d0%b1%d0%b0%d0%b8-%d0%bc%d0%b8%d0%bd%d1%82%d0%b0%d2%9b%d0%b0%d0%b2%d0%b8%d0%b8-%d0%bc%d1%83%d0%b1-h45763.html Sat, 27 May 2023 09:04:31 +0000 https://1453kralmedya.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%b1%d0%b8%d0%bd%d0%be%d0%b8-%d1%88%d1%83%d1%8a%d0%b1%d0%b0%d0%b8-%d0%bc%d0%b8%d0%bd%d1%82%d0%b0%d2%9b%d0%b0%d0%b2%d0%b8%d0%b8-%d0%bc%d1%83%d0%b1-h45763.html

 

 

 

Ифтитоҳи бинои шуъбаи минтақавии мубориза бар зидди ҷиноятҳои муташаккили ВКД дар шаҳри Турсунзода

.2023 , шаҳри Турсунзода

24 май Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Турсунзода бинои шуъбаи минтақавии мубориза бар зидди ҷиноятҳои муташаккил дар гурӯҳи ноҳияҳои Ҳисори Раёсати мубориза бар зидди ҷиноятҳои муташаккили Вазорати корҳои дохилии Ҷумҳурии Тоҷикистонро ифтитоҳ намуданд.

 

 

 

 

Бинои нав аз таҳхона ва ду ошёна иборат буда, дар он барои кормандони мақомоти милитсия тамоми инфрасохтори зарурӣ бо дарназардошти талаботи замон фароҳам оварда шудааст.

Иншооти мазкур бо мақсади дар сатҳи баланд таҷлил намудани 35-солагии Истиқлоли давлатии Ҷумҳурии Тоҷикистон дар масоҳати умумии як гектар замин бунёд гардидааст.

Мувофиқи лоиҳа бинои нав барои пешбурди фаъолияти самараноки дастаи махсуси зудамали шуъба пешбинӣ гардида, дорои 24 ҷойи хоб барои афсарон мебошад.

Бинои навбунёд аз маҷлисгоҳ барои 50 ҷойи нишаст, ошхона ва дигар иншооти ёрирасон иборат аст. Маҷлисгоҳ бо нишастгоҳҳои замонавӣ таъмин буда, барои гузаронидани чорабиниҳо ва мулоқотҳо пешбинӣ гардидааст.

Дар китобхонаи электронӣ номгӯи зиёди адабиёти соҳавӣ ва асарҳои илмию бадеии тозанашр мавҷуд аст, ки кормандон метавонанд дар вақти муносиб ба мутолиа машғул шуда, дониш, малака ва ҷаҳонбинии худро васеъ намоянд.

Барои ба варзиш машғул шудани кормандони шуъба, хусусан дастаи зудамал майдон ва як толори варзишӣ сохта шудааст. Майдону толор бо тарҳи муосир бунёд гардида, бо таҷҳизоти зарурии машқу тамрин таъмин аст. Масоҳати майдони варзишӣ 600 ва толори варзишӣ 120 метри мураббаъро ташкил медиҳад.

 

Kaynak:http://www.president.tj/node/30731?utm_source=dlvr.it&utm_medium=twitter

 

 

]]> Ифтитоҳи бинои Коллеҷи хусусии омӯзгории “Асосгузор” дар шаҳри Турсунзода https://yeniekipgazetesi.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%b1%d0%b8%d0%bd%d0%be%d0%b8-%d0%ba%d0%be%d0%bb%d0%bb%d0%b5%d2%b7%d0%b8-%d1%85%d1%83%d1%81%d1%83%d1%81%d0%b8%d0%b8-%d0%be%d0%bc%d3%af%d0%b7%d0%b3-h45759.html Sat, 27 May 2023 07:27:14 +0000 https://1453kralmedya.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%b1%d0%b8%d0%bd%d0%be%d0%b8-%d0%ba%d0%be%d0%bb%d0%bb%d0%b5%d2%b7%d0%b8-%d1%85%d1%83%d1%81%d1%83%d1%81%d0%b8%d0%b8-%d0%be%d0%bc%d3%af%d0%b7%d0%b3-h45759.html

 

 

 

Ифтитоҳи бинои Коллеҷи хусусии омӯзгории “Асосгузор” дар шаҳри Турсунзода

.2023 , шаҳри Турсунзода

24 май Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Турсунзода Коллеҷи хусусии омӯзгории “Асосгузор”-ро мавриди истифода қарор доданд.

Боргоҳи илму маърифат бо мақсади иҷрои дастуру ҳидоятҳои Президенти мамлакат муҳтарам Эмомалӣ Раҳмон дар самти омода намудани мутахассисони баландихтисоси соҳаи маориф дар доираи тадбирҳои созандагӣ ба истиқболи 35-солагии Истиқлоли давлатӣ бунёд шудааст.

Раванди дарс дар муассисаи нави таълимии 2-ошёна, ки барои 400 нафар донишҷӯ пешбинӣ гардидааст, бо забонҳои русӣ ва англисӣ ба роҳ монда шудааст.

Коллеҷ дорои 8 синфхонаи муҷаҳҳази фаннӣ буда, ҳар яки он дорои мизу курсӣ, тахтаи электронӣ ва дигар аёниятҳои хониш мебошад.

Бо ифтитоҳи бинои нави Коллеҷи хусусии омӯзгории “Асосгузор” 20 нафар соҳиби ҷойи кор ва маоши хуб шуданд.

Таълимгоҳ дорои синфхонаи компютерӣ, китобхона, ҳуҷраҳои корӣ, чопи маводҳои дарсӣ, толори маҷлис борои 100 ҷойи нишаст, ошхона барои 60 нафар ва дигар ҳуҷраҳои ёрирасон мебошад. Дар коллеҷи мазкур барои омода намудани мутахассисони баландихтисоси соҳаи омӯзгорӣ шароити зарурӣ фароҳам оварда шудааст.

Масоҳати умумии коллеҷ 12 садяк заминро дар бар мегирад. Корҳои сохтмонӣ дар иншооти нави соҳаи маориф бо саҳми соҳибкори ватанӣ Тимур Гусейнов соли 2019 оғоз гардида, бо ҷалби 20 нафар бинокори маҳаллӣ бо сатҳу сифати баланд ба анҷом расидааст.

 

 

 

 

Пешвои миллат муҳтарам Эмомалӣ Раҳмон зимни шиносоӣ бо шароити муосири донишомӯзӣ дар коллеҷи нави хусусӣ ба сифати корҳои анҷомёфта баҳои баланд дода, иқдоми соҳибкорро дар самти тарбияи мутахассисони баландихтисоси соҳаи маориф намуна арзёбӣ карданд.

Дар муассисаи нави таълимӣ тарбияи мутахассисон мутобиқ ба меъёрҳои замони муосир ба роҳ монда шуда, омӯзгорони соҳибтаҷриба ба кор ҷалб шудаанд.

Иттилоъ дода шуд, ки Коллеҷи хусусии омӯзгории “Асосгузор” мутахассисони донандаи забонҳои русӣ ва англисӣ, омӯзгори синфҳои ибтидоӣ ва компютериро дар сатҳи баланд тайёр менамояд.

Синфхонаи компютерии муассисаи нави таълимӣ бо технологияи муосир ва пайваст ба шабакаи интернет муҷаҳҳаз мебошад.

Китобхонаи замонавии коллеҷ бошад, бо адабиёти дарсӣ ва бадеӣ таъмин буда, барои донишҷӯён шароити лозимӣ таъмин гардидааст. Донишҷӯён имкон доранд, ки аз ин боргоҳи илму маърифат босамар истифода намуда, савияи донишу малакаи хешро сайқал диҳад.

Дар коллеҷи мазкур бо мақсади татбиқи ҳадафҳои “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” – солҳои 2020-2040 имконияти васеъ муҳайё мебошад.

Ҳамаи ин тадбирҳо ҷиҳати беҳтар намудани сатҳу сифати таҳсилот ва ҷорӣ кардани усулҳои муосири таълиму тарбияи донишҷӯён равона карда шудааст.

facebooktwitter

kaynak:http://www.president.tj/node/30729?utm_source=dlvr.it&utm_medium=twitter

 

 

]]> Ифтитоҳи бинои нави таълимии Коллеҷи тиббии шаҳри Хуҷанд ба номи Юсуф Исҳоқӣ https://yeniekipgazetesi.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%b1%d0%b8%d0%bd%d0%be%d0%b8-%d0%bd%d0%b0%d0%b2%d0%b8-%d1%82%d0%b0%d1%8a%d0%bb%d0%b8%d0%bc%d0%b8%d0%b8-%d0%ba%d0%be%d0%bb%d0%bb%d0%b5%d2%b7%d0%b8-h42765.html Mon, 03 Apr 2023 08:26:40 +0000 https://1453kralmedya.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%b1%d0%b8%d0%bd%d0%be%d0%b8-%d0%bd%d0%b0%d0%b2%d0%b8-%d1%82%d0%b0%d1%8a%d0%bb%d0%b8%d0%bc%d0%b8%d0%b8-%d0%ba%d0%be%d0%bb%d0%bb%d0%b5%d2%b7%d0%b8-h42765.html

 

 

 

Ифтитоҳи бинои нави таълимии Коллеҷи тиббии шаҳри Хуҷанд ба номи Юсуф Исҳоқӣ

.2023 , шаҳри Хуҷанд

1 апрел Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бинои нави Муассисаи давлатии таълимии “Коллеҷи тиббии шаҳри Хуҷанд ба номи Юсуф Исҳоқӣ”-ро мавриди баҳрабардорӣ қарор доданд.

Бинои нави таълимӣ ба ифтихори 35-солагии Истиқлоли давлатии Ҷумҳурии Тоҷикистон аз ҳисоби маблағҳои махсуси Муассисаи давлатии таълимии Коллеҷи тиббии шаҳри Хуҷанд бо тарҳи муосир бунёд шуда, аз таҳхона ва 4 ошёна иборат мебошад.

Барои анҷоми босифати корҳои сохтмонӣ мутахассисони маҳаллӣ ҷалб шуда, корҳои бунёдӣ мутобиқ ба талаботи меъмории миллӣ ва шаҳрсозӣ ба иҷро расидааст.

Аснои шиносоӣ бо шароитҳои фароҳамгардида дар бинои хуштарҳу замонавии таълимӣ Пешвои миллат муҳтарам Эмомалӣ Раҳмон ба корҳои сохтмонӣ баҳои баланд дода, аз муҳайё гардидани имкониятҳои васеи илму касбомӯзӣ масъулонро барои омода кардани мутахассисони баландихтисоси соҳаи тиб роҳнамоӣ карданд.

Мавриди зикр аст, ки бинои иловагии таълимии Коллеҷи тиббии шаҳри Хуҷанд дорои 41 синфхона, толорҳои барҳавои лексионӣ, ҳуҷраҳои корӣ барои омӯзгорону кормандон мебошад, ки бо мизу курсӣ, аёниятҳои таълимӣ ва таҷҳизоти муосир, аз қабили тахтаҳои электронӣ ва видеопроекторҳо муҷаҳҳаз карда шуда, барои таҳсили 2200 нафар донишҷӯ дар ду баст пешбинӣ гардидааст.

Ба Президенти Ҷумҳурии Тоҷикистон муҳтарам Эмомалӣ Раҳмон иттилоъ доданд, ки дар Коллеҷи тиббии шаҳри Хуҷанд 8 факултет ва 19 кафедра амал мекунад.

Мутахассисони маълумоти миёнаи тиб аз рӯи 8 ихтисос, аз ҷумла кори момодоягӣ, кори табобатӣ, кори ҳамширагӣ, кори фарматсевтӣ, кори дандонсозӣ, кори тиббӣ – ташхисӣ, кори тиббӣ – офиятӣ ва кори тиббӣ – профилактикӣ омода карда мешаванд.

 

 

 

 

 

Айни замон дар Коллеҷи тиббии шаҳри Хуҷанд 4 ҳазору 436 нафар донишҷӯ ба таҳсил фаро гирифта шудаанд, ки 3 ҳазору 847 нафари онҳо духтар ва 589 нафар писар мебошанд. Аз ин шумора 10 нафарашон шаҳрвандони хориҷӣ ҳастанд. Ба онҳо дар умум 230 нафар омӯзгори соҳибтахассус дарс мегӯянд.

Бо мақсади мутобиқ намудани раванди таълим ба меъёрҳои муосир дар Коллеҷи тиббии шаҳри Хуҷанд марказу озмоишгоҳҳои замонавӣ, аз ҷумла Маркази омӯзиши малакаҳои амалӣ, Озмоишгоҳи таълимӣ ва ташхиси фарматсевтӣ, озмоишгоҳҳои таълимии химия, биология, физика ва Маркази таълимии дандонсозӣ таъсис дода шудааст.

Марказу озмоишгоҳҳои мазкур ва синфхонаҳои фаннии коллеҷ бо дастгоҳу таҷҳизоти муосир ва аёниятҳои таълимию таҷрибавӣ муҷаҳҳаз карда шудаанд, ки бо истифода аз онҳо донишҷӯён машғулиятҳои амалӣ мегузаранд. Илова бар ин ҳамаи ҳуҷраҳои кории омӯзгорон бо мизу курсӣ, дастгоҳҳои зарурӣ ва хати интернет пайваст мебошанд.

Дар таҳхонаи бинои муассисаи таълимӣ ошхона бо 80 ҷойи нишаст, ҳуҷраи техникӣ, бойгонӣ, анбор ва нуқтаи санитарӣ мавҷуд буда, синфхонаи компютерӣ низ таъсис дода шудааст, ки 100 ҷойи нишаст дорад. Минбаъд ҷамъомаду чорабиниҳои муассисаи таълимӣ дар толори барҳавои маҷлисӣ бо 300 ҷойи нишаст баргузор карда мешаванд.

Дар бинои навбунёд ду лифти замонавӣ низ насб гардида, раванди таълим тавассути дастгоҳҳои мушоҳидавӣ назорат карда мешавад.

Ҷиҳати таъмини гармӣ дар фасли зимистон бинои коллеҷ бо шабакаи мустиқили гармидиҳӣ пайваст гардидааст.

Донишҷӯёне, ки аз ноҳияҳои дурдасти мамлакат дар Коллеҷи тиббии шаҳри Хуҷанд таҳсил менамоянд, бо хобгоҳи дорои шароити хуби истиқоматӣ таъмин мегарданд.

Зимни суҳбати самимӣ бо омӯзгорон Сарвари давлат муҳтарам Эмомалӣ Раҳмон тарбияи мутахассисони баландихтисосро аз вазифаҳои аввалиндараҷаи омӯзгорони ин муассисаи таълимӣ арзёбӣ карданд.

facebooktwitter

kaynak:http://www.president.tj/node/30415?utm_source=dlvr.it&utm_medium=twitter

 

 

 

]]> Ба истифода додани бинои дуошёнаи бахши минтақавии шуъбаи ВКД дар ноҳияи Бобоҷон Ғафуров https://yeniekipgazetesi.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d0%b1%d0%b8%d0%bd%d0%be%d0%b8-%d0%b4%d1%83%d0%be%d1%88%d1%91%d0%bd%d0%b0%d0%b8-%d0%b1%d0%b0%d1%85-h42734.html Sun, 02 Apr 2023 12:07:33 +0000 https://1453kralmedya.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d0%b1%d0%b8%d0%bd%d0%be%d0%b8-%d0%b4%d1%83%d0%be%d1%88%d1%91%d0%bd%d0%b0%d0%b8-%d0%b1%d0%b0%d1%85-h42734.html

 

 

 

 

Ба истифода додани бинои дуошёнаи бахши минтақавии шуъбаи ВКД дар ноҳияи Бобоҷон Ғафуров

.2023 , ноҳияи Бобоҷон Ғафуров

Баъди ба истифода додани майдони Парчами давлатии Ҷумҳурии Тоҷикистон Асосгузори суҳлу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бинои бахши милитсияи шаҳраки Овчиқалъачаи Шуъбаи-2-и Вазорати корҳои дохилии Ҷумҳурии Тоҷикистон дар ноҳияи Бобоҷон Ғафуровро ба истифода доданд.

 

 

 

 

 

Сохтмони иншоот соли 2019 оғоз гардида, дар асоси лоиҳаи муосири шаҳрсозӣ бо маблағгузории Мақомоти иҷроияи ҳокимияти давлатии ноҳияи Бобоҷон Ғафуров ба анҷом расонида шудааст.

Пешвои муаззами миллат муҳтарам Эмомалӣ Раҳмон ба шароити фароҳамшуда барои кормандони мақомоти милитсия баҳои баланд дода, ҳайати шахсиро ҷиҳати таъмини тартиботи ҷамъиятӣ, саҳм гирифтан дар пешгирии ҷинояткорӣ, баланд бардоштани маърифати ҳуқуқии шаҳрвандон ва иҷрои дигар уҳдадориҳои касбӣ вазифадор намуданд.

Бинои бахши милитсияи шаҳраки Овчиқалъача дорои 18 ҳуҷраи корӣ, маҷлисгоҳ ва ошхона буда, дар он ба кормандони мақомоти милитсия барои иҷрои уҳдадориҳои касбӣ ва пешрафти фаъолияти хизматӣ шароити зарурӣ фароҳам оварда шудааст.

Сарвари давлат муҳтарам Эмомалӣ Раҳмон зимни суҳбат кормандони мақомоти милитсияро ба истифодаи пурраи имконияти фароҳамшуда ва иҷрои саривақтии уҳдадориҳо вазифадор намуданд.

facebooktwitter

kaynak:http://www.president.tj/node/30406?utm_source=dlvr.it&utm_medium=twitter

 

 

 

]]> Ба истифода додани бинои осорхонаи таърихии шаҳри Истиқлол https://yeniekipgazetesi.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d0%b1%d0%b8%d0%bd%d0%be%d0%b8-%d0%be%d1%81%d0%be%d1%80%d1%85%d0%be%d0%bd%d0%b0%d0%b8-%d1%82%d0%b0-h42686.html Sat, 01 Apr 2023 11:36:38 +0000 https://1453kralmedya.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d0%b1%d0%b8%d0%bd%d0%be%d0%b8-%d0%be%d1%81%d0%be%d1%80%d1%85%d0%be%d0%bd%d0%b0%d0%b8-%d1%82%d0%b0-h42686.html

 

 

 

Ба истифода додани бинои осорхонаи таърихии шаҳри Истиқлол

.2023 , шаҳри Истиқлол

30 март Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Осорхонаи таърихии шаҳри Истиқлолро мавриди истифода қарор доданд.

Бинои осорхона дар доираи амалӣ намудани тадбирҳои созандагию ободонӣ бахшида ба 35-солагии Истиқлоли давлатии Ҷумҳурии Тоҷикистон бо мусоидати Мақомоти иҷроияи ҳокимияти давлатии вилояти Суғд аз тарафи соҳибкорони ватандӯст бо тарҳи меъмории миллӣ навсозӣ карда шудааст.

 

 

 

 

 

Бинои осорхона 1-ошёна буда, дар он 3 толори нигоҳдории нигораҳои таърихӣ ва ҳунарҳои мардумӣ мавҷуд аст, ки давраҳои гуногуни таърихии шаҳри Истиқлолро бозгӯ мекунанд.

Ба ақидаи таърихшиносон қадимтарин ёдгорие, ки дар ин осорхона нигоҳ дошта мешавад, таърихи беш аз 500-сола дорад.

Дар иншоот толори калон дар масоҳати 256 метри мураббаъ, хазина ва даҳлез ҷойгир аст.

Дар толори намоишии осорхона ҷои нигоҳдории нигораҳо, ҳуҷраҳои корӣ, ташхисгоҳ ва дигар иншооти хизматрасонӣ мавҷуд аст.

Нигораҳо ва тасвирҳо дар осорхонаи мазкур аз гузаштаи таърихи куҳани шаҳри Истиқлол шаҳодат дода, дар муаррифии ёдгориҳои он нақши муҳим дорад.

Мавриди зикр аст, ки дар шаҳри Истиқлол ёдгориҳои таърихии дар натиҷаи кофтуковҳои археологии олимон пайдо гардида, дар осорхона ҳифзу нигоҳдорӣ карда мешавад.

Инчунин ҷиҳати зебо нигоҳ доштани иншооти мазкур дар атрофи он корҳои кабудизоркунӣ анҷом ёфта, дарахтони ороишию сояафкан шинонида шудааст.

Лозим ба ёдоварист, ки дар доираи сиёсати фарҳангпарварона ва таърихдӯстонаи Пешвои муаззами миллат муҳтарам Эмомалӣ Раҳмон солҳои соҳибистиқлолӣ дар шаҳру ноҳияҳои мамлакат, аз ҷумла вилояти Суғд иншооти зиёди фарҳангӣ бо тарҳи муосир бунёд гардида, ёдгориҳои таърихӣ низ навсозӣ шудааст, ки ҳамасола сайёҳони дохилию хориҷӣ аз онҳо боздид менамоянд.

facebooktwitter

kaynak:http://www.president.tj/node/30344?utm_source=dlvr.it&utm_medium=twitter

 

 

]]> Ифтитоҳи бинои нави маъмурии Нозироти андоз дар ноҳияи Синои шаҳри Душанбе https://yeniekipgazetesi.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%b1%d0%b8%d0%bd%d0%be%d0%b8-%d0%bd%d0%b0%d0%b2%d0%b8-%d0%bc%d0%b0%d1%8a%d0%bc%d1%83%d1%80%d0%b8%d0%b8-%d0%bd%d0%be%d0%b7%d0%b8%d1%80%d0%be%d1%82-h42043.html Mon, 13 Mar 2023 17:36:16 +0000 https://1453kralmedya.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%b1%d0%b8%d0%bd%d0%be%d0%b8-%d0%bd%d0%b0%d0%b2%d0%b8-%d0%bc%d0%b0%d1%8a%d0%bc%d1%83%d1%80%d0%b8%d0%b8-%d0%bd%d0%be%d0%b7%d0%b8%d1%80%d0%be%d1%82-h42043.html

 

 

 

 

Ифтитоҳи бинои нави маъмурии Нозироти андоз дар ноҳияи Синои шаҳри Душанбе

13.03.2023 , шаҳри Душанбе

13 март Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бо бардоштани парда аз рӯйи лавҳаи рамзӣ бинои нави маъмурии Нозироти андоз дар ноҳияи Синои шаҳри Душанберо мавриди истифода қарор доданд.

Иншооти навбунёд аз таҳхона ва 5 ошёна иборат буда, дар ошёнаи якум толори хизматрасонӣ ба шаҳрвандон, андозсупорандагон ва маҷлисгоҳ бо 120 ҷойи нишаст ҷойгир мебошад.

Ҳамчунин дар ошёнаҳои болоӣ ду маҷлисгоҳи дигар барои 100 нафар, бойгонӣ ва дигар ҳуҷраҳои хизматрасонӣ сохта шудааст.

Бинои Нозироти андоз дар ноҳияи Сино дар доираи тадбирҳои созандагӣ ба истиқболи ҷашни 35-солагии Истиқлолияти давлатии Ҷумҳурии Тоҷикистон бунёд гардида, дар он барои 110 нафар корманди соҳа, шахсони воқеӣ, ҳуқуқӣ, соҳибкорони инфиродӣ ва андозсупорандагон шароити хуби кору хизматрасонӣ фароҳам оварда шудааст.

Масоҳати умумии иншоот 30 садяк заминро ташкил намуда, корҳои сохтмонӣ дар он соли 2021 оғоз гардида буд.

Фармоишгари иншоот Кумитаи андози назди Ҳукумати Ҷумҳурии Тоҷикистон ва паймонкор Ҷамъияти дорои масъулияти маҳдуди “Мега Техника Иншоот” мебошад.

Дар бинои тозабунёд 40 ҳуҷраи корӣ мавҷуд мебошад, ки ҳар яки он бо мизу курсӣ ва таҷҳизоти муосир муҷаҳҳаз карда шудааст.

Насби дастгоҳу таҷҳизот ва барномаҳои муосири соҳавӣ имкон медиҳад, ки шафофияти фаъолияти нозироти андоз дар муносибат бо андозсупорандагон таъмин карда шуда, бидуни омили инсонӣ ва бо сарфаи вақт пешниҳоду гирифтани маълумот оид ба фаъолияти молиявию уҳдадориҳои андозсупорӣ анҷом дода шавад.

Ҳамзамон соҳибкорон имкон пайдо намуданд, ки бо истифода аз шабакаи интернет эъломияҳои худро ба тариқи электронӣ пешниҳод намоянд, санадҳои муқоисавӣ тартиб диҳанд, ҳисобварақаи худро аз назар гузаронанд, бо санадҳои меъёрии ҳуқуқии қонунгузории андоз, ки дар сомонаи Кумитаи андоз ҷойгир карда шудаанд, шинос шаванд.

Бинои нави маъмурии Нозироти андоз дар ноҳияи Синои шаҳри Душанбе бо тарҳу услуби хоси меъморӣ бунёд карда шуда, ҳамзамон саҳни он бо гулу бутта ва ниҳолҳои ороишию сояафкан ободу зебо гардонида шудааст.

Сарвари давлат муҳтарам Эмомалӣ Раҳмон зимни шиносоӣ бо шароити фароҳамгардида дар ин бино ба роҳбарият ва кормандон ҷиҳати боз ҳам беҳтару хубтар ба роҳ мондани сатҳу сифати хизматрасонӣ ба андозсупорандагон дастуру маслиҳатҳои муфид доданд.

Кормандони Нозироти андоз дар ноҳияи Сино ба Президенти Ҷумҳурии Тоҷикистон муҳтарам Эмомалӣ Раҳмон ҷиҳати таваҷҷӯҳ ва дастгирҳои ҳамешагиашон нисбат ба кормандони мақомоти андоз изҳори сипосу миннатдорӣ карда, бинои навбунёдро дар арафаи ҷашни байналмилалии Наврӯз туҳфаи арзишманди Ҳукумати Ҷумҳурии Тоҷикистон арзёбӣ намуданд.

facebook

kaynak:http://www.president.tj/node/30173?utm_source=dlvr.it&utm_medium=twitter

 

 

]]> Ба истифода додани бинои Литсейи равияи табиию риёзии Донишгоҳи миллӣ дар шаҳри Душанбе https://yeniekipgazetesi.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d0%b1%d0%b8%d0%bd%d0%be%d0%b8-%d0%bb%d0%b8%d1%82%d1%81%d0%b5%d0%b9%d0%b8-%d1%80%d0%b0%d0%b2%d0%b8-h42041.html Mon, 13 Mar 2023 16:23:00 +0000 https://1453kralmedya.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d0%b1%d0%b8%d0%bd%d0%be%d0%b8-%d0%bb%d0%b8%d1%82%d1%81%d0%b5%d0%b9%d0%b8-%d1%80%d0%b0%d0%b2%d0%b8-h42041.html

 

 

 

Ба истифода додани бинои Литсейи равияи табиию риёзии Донишгоҳи миллӣ дар шаҳри Душанбе

13.03.2023 , шаҳри Душанбе

13 март дар шаҳри Душанбе Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бинои нави Литсейи равияи табиию риёзии Донишгоҳи миллии Тоҷикистонро мавриди баҳрабардорӣ қарор доданд.

Бинои нави замонавӣ аз чор ошёна иборат буда, барои 1280 нафар хонанда пешбинӣ гардидааст.

Сарвари давлат муҳтарам Эмомалӣ Раҳмон бо шароити фароҳамовардашуда шинос гардида, барои баланд бардоштани савияи донишу корбарии дуруст бо хонандагон ба масъулин маслиҳатҳои муфид доданд.

Иттилоъ дода шуд, ки иншооти мазкур дорои 47 синфхонаи замонавию барҳаво буда, барои таълиму тарбияи хонандагон синфхонаҳо бо тамоми аёниятҳои дарсӣ муҷаҳҳаз гардонида шудаанд. Инчунин дар Литсей 10 синфхонаи алоҳидаи фаннӣ барои омӯзиши химия, физика, биология, математика ва геометрия ташкил гардида, барои гузаронидани таҷрибаву озмоишҳо имконияти мусоид фароҳам мебошад. Дар ин баробар, дарси омодагии дифои ҳарбӣ низ дар синфхонаи алоҳидаи муҷаҳҳаз гузаронида мешавад. Ба хотири соҳибҳунар намудани таълимгирандагон, дар дохили бинои нав 3 синфхонаи алоҳидаи омӯзиши касбу ҳунар барои писарон ва духтарон ташкил гардида, дар ин ҷо онҳо малакаи кандакорӣ, дӯхти сару либос ва омодакунии ҳар гуна таъомро аз бар менамоянд. Ҳамчунин бинои нав дорои ҳуҷраи алоҳидаи тиббӣ бо тамоми дастгоҳҳои зарурии корӣ мебошад.

Бинои нав ҳамчунин дорои ошхона бо 216 ҷой буда, толори маҷлисии он низ бо санъати баланд ва шароиту имконоти муосир бунёд гардидааст. Ин толор дорои 330 ҷойи нишаст буда, барои гузаронидани ҳамоишу чорабиниҳои фарҳангӣ мусоид мебошад.

Зимни боздид ба Сарвари давлат иттилоъ доданд, ки ба хотири рушди намудҳои гуногуни варзиш дар Литсей толори алоҳидаи варзишӣ бунёд ёфта, он барои навъҳои гуногуни варзиш, ҳамсони волейболу баскетбол ва футбол пешбинӣ гардидааст. Ҳамчунин дар назди бино ду майдони алоҳидаи дигари футболу волейбол ташкил гардидааст, ки барои гузаронидани тамринҳои гуногун мусоид мебошад.

Бинои нави Литсейи равияи табиию риёзии Донишгоҳи миллии Тоҷикистон бо пайгирӣ аз сиёсати бунёдкоронаи Сарвари давлат муҳтарам Эмомалӣ Раҳмон аз ҷониби соҳибкори ватанӣ Абдухалил Ғуломов бунёд гардида, ин иқдоми соҳибкор мушкилоти муассисаро дар самти фароҳам овардани шароити муосири таълимӣ ба пуррагӣ ҳал намуд.

Бунёди бинои нави Литсейи равияи таббиию риёзӣ аз ҷумлаи тадбирҳои вобаста ба татбиқи “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” маҳсуб гардида, ба ин васила дар Литсей барои азбаркунии ҳамаҷонибаи илмҳои табиию риёзӣ имконияти мусоид фароҳам оварда шуд.

Зимни боздид Президенти мамлакат муҳтарам Эмомалӣ Раҳмон ба сифати корҳои анҷомёфта баҳои баланд дода, иқдоми соҳибкорро намунаи ибрат ва қобили дастгирӣ арзёбӣ намуданд. Роҳбарият ва омӯзгорони Литсей вазифадор шуданд, ки шароити мазкурро хубу ҳамаҷониба истифода бурда, барои соҳибилм намудани кӯдакону наврасон садоқатмандона кору фаъолият намоянд.

facebooktwitter

kaynak:http://www.president.tj/node/30172?utm_source=dlvr.it&utm_medium=twitter

 

 

 

]]> Ифтитоҳи бинои нави таълимӣ дар Донишгоҳи давлатии молия ва иқтисоди Тоҷикистон дар шаҳри Душанбе https://yeniekipgazetesi.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%b1%d0%b8%d0%bd%d0%be%d0%b8-%d0%bd%d0%b0%d0%b2%d0%b8-%d1%82%d0%b0%d1%8a%d0%bb%d0%b8%d0%bc%d3%a3-%d0%b4%d0%b0%d1%80-%d0%b4%d0%be%d0%bd%d0%b8%d1%88-h38743.html Wed, 21 Dec 2022 09:20:42 +0000 https://1453kralmedya.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%b1%d0%b8%d0%bd%d0%be%d0%b8-%d0%bd%d0%b0%d0%b2%d0%b8-%d1%82%d0%b0%d1%8a%d0%bb%d0%b8%d0%bc%d3%a3-%d0%b4%d0%b0%d1%80-%d0%b4%d0%be%d0%bd%d0%b8%d1%88-h38743.html

 

 

 

Ифтитоҳи бинои нави таълимӣ дар Донишгоҳи давлатии молия ва иқтисоди Тоҷикистон дар шаҳри Душанбе

2022 , шаҳри Душанбе

20 декабр Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар ноҳияи Синои пойтахт бинои нави таълимии Донишгоҳи давлатии молия ва иқтисоди Тоҷикистонро ба истифода доданд.

Бинои нави таълимӣ дар доираи нақшаи чорабиниҳо ба ифтихори 35-солагии Истиқлолияти давлатии Ҷумҳурии Тоҷикистон бо мақсади боз ҳам баланд бардоштани сифати таълиму тарбия дар асоси стандартҳои муосири байналмилалӣ дар партави сиёсати маорифпарваронаи роҳбарияти олии давлат ва Ҳукумати мамлакат аз ҳисоби маблағҳои махсуси донишгоҳ бо тарҳу лоиҳаи муосир ва бо дарназардошти унсурҳои меъмории миллӣ бо сифати баланд бунёд гардида, аз таҳхона ва 5 ошёна иборат аст.

Ба Пешвои миллат муҳтарам Эмомалӣ Раҳмон иттилоъ доданд, ки бинои нав барои 6 ҳазор ҷойи нишаст дар ду баст пешбинӣ гардида, дорои 66 синфхонаи барҳавои лексионӣ, аз ҷумла озмоишгоҳҳои кафедраи фаъолияти гумрукӣ, иқтисоди рақамӣ, маркази бонки таълимӣ ва шуъбаи мониторинг ва идораи сифати таълим, 25 ҳуҷраи корӣ, 4 толори конфронсӣ, лексионӣ, шӯрои диссертатсионӣ ва дигар иншооти ёрирасон мебошад. Ҳамчунин дар бино ду лифти замонавӣ насб гардидааст.

Зимни шиносоӣ бо имконоти фароҳамгардида дар Озмоишгоҳи таълимии кафедраи фаъолияти гумрукӣ Президенти Ҷумҳурии Тоҷикистон муҳтарам Эмомалӣ Раҳмон ба дастгоҳу таҷҳизоти замонавии омӯзишӣ, ки таҷрибаи нахустин дар муассисаҳои олии таълимии мамлакат мебошад, таваҷҷуҳ намуда, истифодаи пурсамари шароити мавҷударо аз омӯзгорону донишҷӯён талаб намуданд.

Дар ин синфхонаи муҷаҳҳази таълимӣ барои гузаронидани машғулиятҳои амалии донишҷӯён, аз ҷумла дастгоҳи навини муоинаи рентгенӣ, камераҳои мушоҳидавӣ, роҳравҳои сурху сабзи ишоратӣ дар хати сарҳад, металло – детектор, монитор ва дигар воситаҳои таълимии соҳавӣ гузошта шудааст.

Донишҷӯён имкон доранд, ки дар ин синфхона дар асоси татбиқи донишҳои назариявӣ дар амалия бо фаъолияти гумрукӣ бештар ошно гардида, ҳамчун мутахассис оянда кору фаъолияти босамар намоянд.

Бо таъсиси озмоишгоҳи таълимию таҷрибавии иқтисодиёти рақамӣ дар бинои нави таълимии Донишгоҳи давлатии молия ва иқтисоди Тоҷикистон дар асоси талаботи муосир сифат ва самаранокии ин фанни таълимӣ ба маротиб баланд бардошта мешавад.

Чунки дар ин озмоишгоҳ таҷҳизоти муосири информатсионию коммуникатсионӣ, дастгоҳҳои сабти видео ва аудиолексияҳо насб карда шуда, аз нигоҳи технологӣ ва методӣ маркази мукаммалу замонавии таълимию таҷрибавӣ ба шумор меравад.

Таъсиси ин озмоишгоҳ имкон медиҳад, ки минбаъд раванди рақамикунонии фанҳои таълимӣ, таҳияи наворҳои иттилоотию иртиботӣ, аудио ва видеолексияҳо тақвият бахшида шуда, ин усули самарабахш дар раванди таълим васеъ ҷорӣ карда шавад.

Дар баробари ин таъминоти барномавӣ ва таҷҳизоти озмоишгоҳ барои донишҷӯён ва магистрантон ҷиҳати ташкил ва амалӣ намудани тадқиқоти илмӣ, аз ҷумла таъсиси гурӯҳҳои илмӣ мусоидат менамояд.

Маркази бонки таълимӣ бо мақсади иҷрои дастуру супоришҳои Сарвари давлат муҳтарам Эмомалӣ Раҳмон дар самти таъмини пешрафти низоми миллии бонкдорӣ ва бо ин роҳ рушди иқтисодиёти рақамӣ дар назди кафедраи фаъолияти бонкии донишгоҳ ташкил гардидааст.

Мақсад аз ташкили ин марказ баланд бардоштани савияи дониши назариявӣ ва амалии донишҷӯён дар самти фаъолияти низоми молиявӣ дар муассисаҳои бонкӣ мебошад. Бо истифода аз имконоти фароҳамгардида минбаъд дар марказ кадрҳои баландихтисоси соҳавӣ омода карда мешавад.

Дар бинои нави таълимӣ инчунин шуъбаи мониториг ва идораи сифати таълим ба фаъолият оғоз намуд.

Ин шуъба ҳамчун ҷузъи таркибии раёсати таълимии донишгоҳ ба шумор рафта, бо мақсади амалӣ намудани нақшаҳои умумидонишгоҳӣ оид ба такмил ва татбиқи барномаҳо ва чорабиниҳо барои назорат ва рушди сифати таълим таъсис дода шудааст.

Бо истифода аз дастгоҳу таҷҳизоти насбшуда дар ин шуъба мутахассисон раванди сифати иҷрои барномаҳои таълимиро дар сохтори муассиса назорат карда, фаъолияти он тибқи талаботи барномаи идоракунии сифати таҳсилот барои муассисаҳои таҳсилоти олии касбии Ҷумҳурии Тоҷикистон ба роҳ монда шудааст. Шуъбаи мониториг ва идораи сифати таълим дорои ҳуҷраи кории алоҳида буда, он бо таҷҳизот ва маводҳои зарурӣ таъмин гардидааст.

Таъкид кардан ба маврид аст, ки Донишгоҳи давлатии молия ва иқтисоди Тоҷикистон дорои 5 бинои таълимӣ, 6 факултет, 19 кафедраи тахассусӣ ва 8 кафедраи умумидонишгоҳӣ мебошад. Дар ин муассисаи таълимӣ мутахассисони соҳаи молия, иқтисод, технологияҳои инноватсинонию коммуникатсионӣ, ҳуқуқи иқтисодӣ ва фаъолияти гумрукию оморӣ омода карда мешаванд.

Дар донишгоҳ 19 доктори илм, 140 номзади илм, 215 муаллими калону ассистент ва дар умум 373 омӯзгор ба 9 ҳазору 468 донишҷӯ дарс медиҳанд.

Иттилоъ дода шуд, ки дар соли таҳсили 2022 -2023 дар асоси нақша, қабули довталабон ба донишгоҳ аз рӯи 6 ихтисоси нав, аз ҷумла иқтисоди рақамӣ, бехатарии иқтисодӣ, идораи давлат ва ҳуқуқ, амнияти компютерӣ, кибернетикаи иқтисодӣ ва идораи давлатӣ ба роҳ монда шудааст. Айни ҳол дар донишгоҳ 2300 адад таҷҳизоти муосири информатсионию коммуникатсионии навъи гуногун мавҷуд мебошад.

Президенти Ҷумҳурии Тоҷикистон муҳтарам Эмомалӣ Раҳмон аз таъсиси озмоишгоҳҳои замонавӣ ва марказҳои инноватсионии аз худ кардани малакаҳои касбӣ барои донишҷӯён дар бинои нави таълимии Донишгоҳи давалтии молия ва иқтисоди Тоҷикистон, ки дар самти амалишавии нақшаву барномаҳои таълимӣ, хусусан татбиқи ҳадафҳои “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф”, солҳои 2020 – 2040 мусоидат мекунанд, изҳори қаноатмандӣ карда, барои истифодаи васеи имконоти омӯзишӣ ба масъулон дастуру супоришҳои мушаххас доданд.

facebooktwitter

kaynak:http://www.president.tj/node/29802?utm_source=dlvr.it&utm_medium=twitter

 

 

]]>